თეთრი და შავი აბანოში გამოჩნდებაო, ეგრე ამბობდნენ ძველად და პრინციპში, ახლაც იტყვიან ხოლმე... ასე იყო ნამდვილად: აბანოში ბევრ რამეს ეხდებოდა ფარდა, იქ პოულობდნენ უარყოფთსაც, დადებითსაც... დატრიალდებოდნენ მაჭანკლები... „გააიმასქნებდნენ“... მერე სარძლოს აბანოში გადაინახულებდნენ... საშინელი ჩვევა და ტრადიცია იყო და ძალიანაც კარგი, მივიწყებას რომ მიეცა!.. საქმემ უნდა გამოგაჩინოს და არა მაჭანკლებმა და აბანომ და ქვემოთ სწორედ ისეთ რამეზე უნდა ვისაუბროთ, რასაც დიახაც, არც მაჭანკალი სჭრდება, არც აბანოში გადანახულება - რაცაა, ეგაა და ამით ყველაფერი ნათქვამია!..

არსებობს ინსტრუმენტების კატეგორია, რომლის გარეშეც პრაქტიკულად, საქმის გაკეთება შეუძლებელია. სწორედ ასეთ ტიპს განეკუთვნება კუთხსახეხი, უკეთ ცნობილი, როგორც ბალგარკა.

ბარგალკა, ანუ ტექნიკური ენით - კუთხსახეხი მანქანა, შეუცვლელი ინსტრუმენტია ძალიან ბევრი მიმართულებით, იქნება ეს მშენებლობა, რემონტი თუ რომელიმე სპეციალიზებული სამუშაო, სადაც საჭიროა მოჭრა, ხეხვა, ყველაზე განსხვავებული მასალის გასუფთავება-გაპრიალება და ასე შემდეგ.

მუშაობის პრინციპი და გამოყენების სფეროები

კუთხსახეხი - ეს არის ელექტრო ინსტრუმენტი, რომელიც განკუთვნილია სხვადასხვა მასალის ჭრისთვის, გასუფთავებისა და ხეხვისთვის. კერძოდ, შესაძლებელია, დამუშავდეს: სხვადასხვა სახეობის ქვა, ბეტონი, ასევე, ლითონი, ხე და ასე შემდეგ. საინტერესოა, რომ ინსტრუმენტის აგებულება განსაკუთრებული სირთულეებით არ გამოირჩევა. თუმცა მაინც არის გარკვეული საკითხები, რომელთა ცოდნა და გათვალისწინება აუცილებელია, რათა რემონტი თუ პროფილაქტიკური სამუშაო იმ ხარისხით შესრულდეს, რომელიც მოყვარეს გაახარებს, მტერს კი თვალებს დაუფსებს! დასაწყისისთვის ის ელემეტები გამოვყოთ, რისგანაც ბარგალკა შედგება:

• ბრუნვის მარეგულირებელი ბორბალი;
• ძრავი;
• გამშვები ღილაკი;
• კორპუსი;
• დისკის სწრაფად შეცვლის ღილაკი;
• დამცავი ქურო;
• დამცავი გარსაცმი;
• სამუშაო დისკის დამცავი ქანჩი;
• რედუქტორის კორპუსი.

რაც შეეხება მუშაობის პრინციპს, მოკლედ რომ ვთქვათ, ასეთია: ინსტრუმენტი მოქმედებაში მოდის შპინდელის დახმარებით, რომელიც ძრავს კბილანური გადაცემით უკავშირდება. სწორედ შპინდელზე მაგრდება სხვადასხვა ტიპის საცმი, რომელიც კონკრეტული საქმის შესრულებისთვის არის საჭირო. ინსტრუმენტის კორპუსი, როგორც წესი, მაღალი სიმტკიცის პლასტიკისგან მზადდება, რომელსაც შეუძლია, ძლიერ ზემოქმედებად გაუძლოს. სხვადასხვა საცმის, ან სხვანაირად რომ ვთქვათ, სხვადასხვა აბრაზიული დისკის გამოყენება მრავალფეროვანი სამუშაოს შესრულების საშუალებას იძლევა, რაც ინსტრუმენტის გამოყენების სფეროებს მნიშვნელოვნად ზრდის. მაგალითად, ბალგარკა გამოიყენება იმ შემთხვევებში, როცა გჭირდებათ:

• კაფელის ფილის ჭრა ან კვეთა;
• ლითონის ფურცლებისა თუ მილების ჭრა;
• ღარების გაყვანა აგურის ან ბეტონის კედელში ელექტროსადენებისა თუ რკინის მილების გასაყვანად;
• ჟანგის ან საღებავის ძველი ფენების მოცილება;
• ხისა თუ ლითონის ზედაპირის გაპრიალება;
• შედუღების შედეგად დარჩენილი ნაკერების მოშორება;
• მახვილი კუთხეების მომრგვალება.

კუთხსახეხის სახეობები

ბარგალკის სახეობების ფიდერენცირება კვების ტიპების მიხედვით შეიძლება. მიუხედავად იმისა, რომ ამ ხელსაწყოს უმეტესი ნაწილი ელექტროა, განასხვავებენ ოთხ ტიპს.

- ქსელური ბარგალკა

ყველაზე გავრცელებული სახეობა, რომელიც 220 ვოლტზე მუშაობს. მასთან მუშაობისას შესაძლებელია სხვადასხვა დიამეტრის დისკების გამოყენება. გახლავთ ყველაზე ოპტიმალური ვარიანტი სახლსა თუ აგარაკზე გამოყენებისთვის. სწორედ ქსელური კუთხსახეხით მუშაობენ პროფესიონალი ელექტრიკოსები, სანტექნიკოსები თუ ფილების მემონტაჟეები. სიმძლავრიდან გამომდინარე, განასხვავებენ როგორც პროფესიონალურ, ისე საყოფაცხოვრებო მოდელებს.

ქსელური ბალგარკა შემდეგი უპირატესობებით გამოირჩევა:

• ბრუნვის მაღალი სიჩქარე;
• არის მძლავრი, მაგრამ ამასთან ერთად, ეკონომიური;
• მოხმარება რომ უფრო კომფორტული იყოს, არსებობს კორპუსის გაბარიტების რამდენიმე ვარიანტი;
• ნაკლები წონა;
• საცმების მრავალფეროვნება, რომელთა გამოყენებაც გარკვეულ მოდელებთან შეიძლება;
• ხანგრძლივი მოხმარება სწორი ექსპლოატაციის პირობებში.

რაც შეეხება უარყოფით მხარეებს:

• ენერგოდამიკიდებულების გამო, გამოყენება შედარებით შეზღუდულია;
• მუშაობის პროცესში, სადენი შესაძლოა, ხელის შემშლელი ფაქტორი გახდეს;
• ძაბვის ცვლილება ხელსაწყოზე შესაბამის გავლენას ახდენს.

- აკუმულატორიანი ბარგალკა

მისი გარეგნობა საკმაოდ განსხვავდება ქსელურისგან, მაგალითად, სახელურთან აკუმულატორის დასამაგრებელი განყოფილებით. ასევე, აკუმულატორიანი ბალგარკა შედარებით მოკრძალებული ზომისაა, ვერ დაიკვეხნის ვერც საცმების მრავალფეროვნებით.

ხანგრძლივი მუშაობა ასეთი ხელსაწყოთი, გასაგები მიზეზების გამო, ვერ გამოვა. მისი გამოყენება რაციონალურია მაშინ, როცა სამუშაო სასწრაფოდ დასასრულებელია და ამასთან ერთად, არ არის ხელმისაწვდომი ელექტროქსელი. მაგალითად, სამშენებლო მოედნის გარშემო ღობის მოსაწყობად, კარების ავარიული გაღებისთვის თუ ქალაქგარეთ მუშაობისთვის. ასეთი შეზღუდვების მიუხედავად, აკუმულატორიან კუთხსახეხს არაერთი უპირატესობა აქვს:

• აბრაზიული დისკების ბრუნვის მაღალი სიჩქარე;
• კორპუსისა და თავად ინსტრუმენტის კომპაქტური ზომები;
• უსაფრთხო შენახვისთვის, მოდელი, როგორც წესი, ქეისით იყიდება, რაც იმას ნიშნავს, რომ დამატებითი ხარჯის გაწევა საჭირო არ არის;
• მოდელების უმრავლესობა დაცვის დამატებითი ფუნქციებით არის აღჭურვილი;
• დამატებითი გვერდითა სახელური ვიბრაციის დონეს ამცირებს, რაც ინსტრუმენტის კიდევ უფრო თანაბრად გამოყენების საშუალებას იძლევა;

მთავარი მინუსები:

• შეზღუდულია მუშაობის ხანგრძლივობა;
• აკუმულატორი ყველა მოდელის კომპლექტში არ შედის და საჭიროა მისი ცალკე შეძენა;
• დისკების შეზღუდული ზომები და შესაბამისად, სამუშაოების შეზღუდული ჩამონათვალი;
• შედარებით მაღალი ღირებულება.

- ბენზინის ბარგალკა

ამ სახეობის გარეგნობა აშკარად გამორჩეულია. კორპუსი საკმაოდ მოზრდილია, რადგან მის შიგნით საწვავის ავწი და ძრავია მოთავსებული. დიდი ზომების გათვალისწინებით, ინსტრუმენტი აღჭურვილია მასიური სახელურებით. ბენზინის კუთხსახეხზე დიდი ზომის დისკები მაგრდება ბეტონისა თუ რკინის საჭრელად. უნდა ითქვას ისიც, რომ ინსტრუმენტი საკმაოდ ხმაურიანია, რისი მიზეზიც ძრავი გახლავთ. მუშაობის დროს ხმაურისგან დამცავი საშუალებების გამოყენება აუცილებელია!

ბენზინის ბალგარკა შემდეგი უპირატესობებით გამოირჩევა:

• სიმძლავრე და დისკების დიამეტრი;
• დიდი ზომის საგნების სწრაფად ჭრის შესაძლებლობა, იქნება ეს ბეტონი თუ რკინის მილები;
• ავტონომიური მუშაობის შესაძლებლობა ბენზინის მოტორის წყალობით;
• მუშაობა შეიძლება ხანგრძლივად, საჭიროა მხოლოდ საწვავით ავზის შევსება.

ბენზინის ბალგარკის მინუსები:

• ბენზინის შეძენასთან დაკავშირებული დამატებითი ხარჯები;
• ხმაური;
• მუშაობა შესაძლებელია მხოლოდ დიდი ზომის მქონე დისკებით;
• გაბარიტების გათვალისწინებით, ინსტრუმენტის გამოყენება რთულად მისადგომ ადგილებში, პრაქტიკულად, შეუძლებელია;
• პერიოდულად აუცილებელია ხელსაწყოს გათიშვა სრულ გაგრილებამდე;
• მაღალი ფასი.

- პნევმატური ბარგალკა

პნევმატურ კუთხსახეხსაც მუშაობის იგივე პრინციპი და დანიშნულება აქვს, რაც დანარჩენ სახეობებს, თუმცა განსხვავდება შიდა აგებულებით. მაგალითად, არ აქვს ძრავი, ხოლო დისკის ბრუნვას შეკუმშული ჰაერის ნაკადი განაპირობებს. ამ თავისებურების ხარჯზე, პნევმატური ბალგარკა „თანამოძმეებში“ ყველაზე მსუბუქი გახლავთ. სამუშაოს ხანგრძლივობა, პრაქტიკულად, შეუზღუდავია, საჭიროა მხოლოდ კომპრესორი, რომელიც მას ჰაერით მოამარაგებს. აღნიშნულიდან გამომდინარე, სახლის პირობებში ასეთ მოდელს არავინ იყენებს, სამაგიეროდ, შეუცვლელია ლითონის გადამამუშავებელ საწარმოებში. რაც შეეხება უპირატესობებს, აგერ, ინებეთ:

• მცირე წონა;
• ძრავის უქონლობის გამო, ინსტრუმენტის გადახურება გამორიცხულია;
• შეუჩერებელი მუშაობის მინიმალური დრო 6-8 საათია. შეზღუდულია მხოლოდ ადამიანური ფაქტორის გათვალისწინებით;
• პნევმატური კუთხსახეხის გამოყენება მაღალი ტენიანობის პირობებში ყოველგვარი რისკის გარეშეა შესაძლებელი;
• ბრუნვების მაღალი სიხშირე;
• არ ახასიათებს გადაჭარბებული ხმაური;

მინუსი მხოლოდ ორია:

• მაღალი ღირებულება;
• საჭიროა დამატებითი მოწყობილობა, რომელიც ინსტრუმენტის მუშაობას უზრუნველყოფს.

Holst.ge-ზე კუთხსახეხი ხელსაწყოების მრავალფეროვანი არჩევანია - რამდენიმეს აქვე შეავლეთ თვალი, უფრო მეტს კი შესაბამის განყოფილებაში იხილავთ...

B&D G650-TR კუთხლივ სახეხი ხელსაწყო 115mm 650W

• ბრენდი - BLACK&DECKER
• პროდუქტის ტიპი - კუთხლივ სახეხი ხელსაწყო
• სიმძლავრე - 650W
• ფორმა - მოკლე ტარიანი
• ზომა - 115mm
• გარანტია - 1 წელი
• შტრიხკოდი - 5035048530917
• წონა (კგ) - 1.6
• კვების წყარო - 220-240V
• კომპლექტაცია - დამატებით სახელური + დამცავი
• ბრუნვის სიჩქარე - 0-11000min

STANLEY - SG7125-TR Small კუთხლივ სახეხი ხელსაწყო 125mm 750W

• ბრენდი - STANLEY
• პროდუქტის ტიპი - კუთხლივ სახეხი ხელსაწყო
• ფორმა - მოკლე ტარიანი
• ზომა - 125mm
• გარანტია - 1 წელი
• შტრიხკოდი - 5054905285869
• წონა (კგ) - 1.3
• კვების წყარო - 220-240V
• კომპლექტაცია - დამატებით სახელური + დამცავი + ქანჩი
• ბრუნვის სიჩქარე - 0-12000min

CROWN CT13029-კუთხლივ სახეხი ხელსაწყო "ბარგალკა" 1200W 150mm

• ბრენდი - CROWN
• პროდუქტის ტიპი - კუთხლივ სახეხი ხელსაწყო
• სიმძლავრე - 1200Wფორმა - გრძელ ტარიანი
• ზომა - 150mm
• გარანტია - 1 წელი
• შტრიხკოდი - CT13029
• წონა (კგ) - 4.12
• კვების წყარო - 220-240V
• კომპლექტაცია - დამატებით სახელური + დამცავი
• ბრუნვის სიჩქარე - 0-8500min

BOSCH კუთხსახეხი 2200w 230mm GWS 22-230 H

• ბრენდი - BOSCH
• პროდუქტის ტიპი - კუთხლივ სახეხი ხელსაწყო
• სიმძლავრე - 2200W
• ფორმა - გრძელ ტარიანი
• ზომა - 230mm
• გარანტია - 1 წელი
• შტრიხკოდი - 0601882103
• წონა (კგ) - 5.2
• კვების წყარო - 220-240V
• კომპლექტაცია - დამატებით სახელური + დამცავი + ქანჩი
• ბრუნვის სიჩქარე - 0-6500min
• ფუნქციები - Restart Protection