ის ჰალსტუხია, რომელიც ყოველი შემთხვევისთვის უნდა გქონდეთ, რა იცით, რაში დაგჭირდებათ, მაგრამ აი, თუ ისეთ ინსტრუმენტზე მიდგა საქმე, როგორიც ბარომეტრი გახლავთ, პასუხი ერთმნიშვნელოვნად ასეთია: არა ყოველი შემთხვევისთვის, არამედ აუცილებლად უნდა იქონიოთ.

ესეც ასე, რადგან შევთანხმდით, რომ ჰაერის წნევის საზომი უაღრესად საჭირო ინსტრუმენტია, ახლა იმაზე ვისაუბროთ, რა უნდა გაითვალისწინოთ და რა უნდა იცოდეთ, როცა მისი შეძენის გადაწყვეტილებას მიიღებთ.

ბუნებრივია, უსაფრთხოება უმნიშვნელოვანესია, იქნება ეს ავტომობილის მართვა, კედლის დემონტაჟი, სახლის აშენება ან გნებავთ, ნამცხვრის ცხობაც კი. Holst.ge, რასაკვირველია, ყოველთვის ამაზე აკეთებს აქცენტს და ამჯერადაც, დაუზარებლად, მაქსიმალურად პრაქტიკული რჩევებით, მორიგ ინსტრუმენტზე მოგიყვებით, რომელიც სწორედ ჩვენი და ჩვენი გარშემომყოფების უსაფრთხოებისთვის საკმაოდ მნიშვნელოვანია.

რა არის ბარომეტრი და რისთვის არის საჭირო

დავიწყოთ იმით, რომ ბარომეტრი არაერთ სფეროში გამოიყენება.

ჰაერის წნევის საზომი - სახელიც კი მეტყველებს, რომ მისი დახმარებით წნევის მაჩვენებლების კონტროლია შესაძლებელი. ეს კი საჭიროა იმისთვის, რომ წნევასთან დაკავშირებული ტექნოლოგიური პროცესების სტაბილურობა შენარჩუნდეს.

გარდა იმისა, რომ ბარომეტრს ფართო გამოყენება აქვს, ყველაზე უფრო პოპულარული მაინც ავტომოყვარულებშია.

კერძოდ, ავტომობილებში, რომლებსაც საბურავში წნევის კონტროლის სისტემა არ აქვთ, პროფილაქტიკისთვის მიზანშეწონილია კვირაში ერთხელ მაინც, ან შორეული მგზავრობის წინ, საბურავებში არსებული წნევა შემოწმდეს. იმისთვის, რომ ნორმიდან მნიშვნელოვანი გადახრა აღმოვაჩინოთ, სულაც არ არის სავალდებულო, პროფესიონალური ხელსაწყო შევიძინოთ, მარტივიც კი თავის საქმეს სათანადოდ შეასრულებს.

როგორ შეარჩიოთ საჭირო ბარომეტრი?

საბურავებში წნევის გასაზომი ხელსაწყოს შერჩევისას, გირჩევთ, ყურადღება მიაქციოთ საშუალო საფასო კატეგორიის ხარისხიან მოდელს. იაფფასიანი მოდელის შეძენა არც ისე გონივრულია, რადგან დაბალი სიზუსტე სასურველ შედეგს ვერ მოგცემთ. ამასთან, არც ძვირადღირებულის შეძენა იქნება რაციონალური.

ბარომეტრი უნდა შეირჩეს ისე, რომ საჭირო სამუშაო წნევა ხვდებოდეს ხელსაწყოს მიერ მაქსიმალურად გასაზომი ნიშნულის 1/3 და 2/3 დიაპაზონში. თუკი სამუშაო წნევა 1/3-ზე ნაკლებია, მოსალოდნელია დიდი ცდომილება, ხოლო თუკი 2/3-ს აჭარბებს, მოწყობილობა დიდი დატვირთვით იმუშავებს და შესაძლოა, მწყობრიდან გამოვიდეს;

რას უნდა მიაქციოთ ყურადღება:

• ტექნიკურ მახასიათებლებს და თქვენს მოთხოვნებთან მათ თავსებადობას;
• ხელსაწყო ახალი უნდა იყოს. ყოველთვის შეიძლება გამოშვების თარიღის დადგენა, ვიდრე შეიძენთ;

რატომ არის წნევის კონტროლი ასე მნიშვნელოვანი?

ზოგიერთი მძღოლი ამ მაჩვენებელს უგულებელყოფს, რადგან მიაჩნია, რომ საბურავისთვის ჰაერის დამატება დროის ფუჭად ხარჯვაა, მით უმეტეს, თუკი სხვაობა სულ ორი, სამი მეათედი ატმოსფეროა. ცდებიან ასეთი მძღოლები, ძალიან ცდებიან, რადგან ნაკლები ან ზედმეტი წნევა პირდაპირ გავლენას ახდენს მანქანის მდგრადობას, მართვას, ასევე, საწვავის ხარჯსა თუ დეტალების ცვეთას.

საბურავებში ჰაერის წნევა მუდმივად საჭირო რაოდენობით უნდა იყოს. სწორედ ამაზეა დამოკიდებული უსაფრთხოება და მასთან ერთად, გადაადგილების ხარისხიც. გადაადგილებისას წნევა ბევრი მიზეზით შეიძლება, შემცირდეს. ამდენად, პერიოდულად მისი შემოწმება ძალიან მნიშვნელოვანია. თანამედროვე მოწყობილობები კი გვაძლევს საშუალებას, ეს პროცესი ძალიან მარტივად წარვმართოთ.

რა შედეგი შეიძლება მოჰყვეს საბურავში ზედმეტად მაღალ წნევას:

• დისკომფორტი მძღოლისა და მგზავრებისთვის. ასევე, მცირდება მანქანის ამორტიზაცია, ძლიერდება ვიბრაცია;
• იზრდება საბურავის დაზიანების რისკი, ზედმეტად მაღალი წნევა ზრდის დატვირთვას რეზინზე, ნებისმიერი შეხება ორმოსთან ან სიჩქარის შემზღუდავ ბარიერთან კი შეიძლება საბედისწერო აღმოჩნდეს;
• პროტექტორების სწრაფი ცვეთა;
• მნიშვნელოვნად რთულდება საჭის მართვა;
• ზიანდება არაერთი დეტალი: ზამბარები, ამორტიზატორები და ასე შემდეგ.

რა შედეგი შეიძლება მოჰყვეს საბურავში ჰაერის შემცირებას:

• დეფორმირების გამო, შესაძლოა, საბურავი გასკდეს;
• გადახურდება რეზინი, რასაც ნელ-ნელა მთელი კარკასის ჩამოშლა მოსდევს;
• გვერდითა ზონების ცვეთის შედეგად, დეფორმირდება მთლიანად საბურავი, რასაც მისი მწყობრიდან გამოსვლა მოჰყვება, თანაც, უმოკლეს დროში;
• წვიმიან ამინდში, იმის გამო, რომ საბურავში საკმარისი ჰაერი არ არის, ასფალტთან შეხების ფართობი გაზრდილია, რის გამოც ავტომობილი, პრაქტიკულად, წყალში „სრიალებს“ და შესაბამისად, მართვის სერიოზულ სირთულეებს აჩენს;
• მცირდება მოჭიდების კოეფიციენტი, რაც მნიშვნელოვნად ზრდის ავარიის რისკებს;
• მატულობს საწვავის ხარჯვის მაჩვენებელი.

თამამად შეიძლება იმის თქმა, რომ ეს მხოლოდ ზღვაში წვეთია, რაც შეიძლება მოჰყვეს საბურავში წნევის შემოწმების უგულებელყოფას.

TOLSEN TOL 1613-73193 ჰაერის წნევის საზომი 40cm

• ბრენდი - TOLSEN
• პროდუქტის ტიპი - ბარომეტრი
• ზომა - 1/4''
• შტრიხ-კოდი - 6933528773214
• წონა (კგ) - 0.4
• მოცულობა - 0-12bar&0-170psi

CROWN CT38007 - ბარომეტრი

• ბრენდი - CROWN
• პროდუქტის ტიპი - ბარომეტრი
• ზომა - 65-120mm
• გარანტია - 1 წელი
• შტრიხ-კოდი - CT38007
• წონა (კგ) - 0.4
• წნევა - 0-4 bar

STANLEY STHT80874-0 წნევის საზომი ციფრული

• ბრენდი - STANLEY
• პროდუქტის ტიპი - ბარომეტრი
• შტრიხ-კოდი - 3253560808747
• წონა (კგ) - 0.095
• მოცულობა - 3-150psi, 0.21-10.5Kg/cm2, 0.2-10.3Bar and 20.7-1034Kpa