ბევრი ათასწლეულია, ადამიანი გაზონს უვლის და ალბათ, უძველეს ეპოქაში მცხოვრებ არც ერთ ადამიანს აზრადაც არ მოსვლია, ასეთი უცნაური რამ ეთქვა: გაზონი ვჭამოთ?!.. არ ჭამდნენ, უვლიდნენ, გულით უვლიდნენ, თავს ევლებოდნენ და უამრავი დამადასტურებელი აღმოჩენაც გაკეთებულა, რომ საკუთარი კარ-მიდამოს მოვლას ძველი წელთაღრიცხვის ადამიანიც დიდ ყურადღებას უთმობდა.

აგერ, ფაქტებიც: გაზონის პირველი მოხსენიება ჩინეთის საიმპერატორო პარკს უკავშირდება. არსებობს კიდევ უფრო ძველი მტკიცებულებებიც სპარსული, ბერძნული და რომაული ბაღებიდან.

თქვენ წარმოიდგინეთ, გაზონის პირველი ნახატი, რომელიც უძველეს ხელნაწერებშია აღმოჩენილი, XIV-XVI საუკუნეებით თარიღდება.

მოკლედ, კოხტა და მოწესრიგებული ეზო უძველესი ადამიანებისთვისაც მეტად მნიშვნელოვანი რამ გახლდათ, თანაც იმ პირობებში, რომ გაგებაში არ იყვნენ, რა იყო სათიბელა, მეტადრე, ხელსაწყო, რომელიც ბენზინზე იმუშავებდა და მთელი დღის საქმეს რამდენიმე წუთში გაუმკლავდებოდა.

გავიდა ბევრი საუკუნე და დღეს Holst.ge თამამად გთავაზობთ სიკოხტავე-წესრიგის მოყვარულებს ამ მართლაც საჭირო ინსტრუმენტს, რომელიც დროსაც დაგიზოგავთ და კმაყოფილსაც დაგტოვებთ.

რას უნდა მივაქციოთ ყურადღება

იმისთვის, რომ ბაღსა თუ სახლის ეზოში გაზონი მოვლილი იყოს, შესაბამისი ინსტრუმენტები და აღჭურვილობაა საჭირო. ერთ-ერთი ყველაზე გამორჩეული, კომფორტული და ხელმისაწვდომი ვარიანტი ბენზო სათიბელა გახლავთ. ინსტრუმენტი წარმატებით გაუმკლავდება ახალამოსულ ბალახს, მაღალ სარეველას და ბუჩქებსაც კი.

ქვემოთ იმის შესახებ ვისაუბროთ, რომელი სათიბელა უნდა შეარჩიოთ კონკრეტული საჭიროებისთვის, რათა თვალიც გავახაროთ და გულიც სავსე გვქონდეს დადებითი ემოციებით.

ძრავა

სანამ ბენზო სათიბელად შეარჩევთ, სასურველია, მისი კონსტრუქციის საფუძვლებს გაეცნოთ. ეს საშუალებას მოგცემთ, გაერკვეთ ძირითადი კვანძების დანიშნულებასა და მახასიათებლებში.

ძრავა მოწყობილობის მუშაობის პოტენციალს განსაზღვრავს. რაც უფრო მაღალია მისი სიმძლავრე, მით უფრო დიდ დატვირთვას გაუძლებს დანადგარი და მით უფრო დიდ ტერიტორიას გაასუფთავებს. ერთი კია, სიმძლავრესთან ერთად იზრდება სათიბელას ზომები და წონაც იზრდება. სათიბელას ძრავის ორი ვარიანტი არსებობს.

• 2-ტაქტიანი

მარტივი კონსტრუქციის მქონე მსუბუქი და კომპაქტური ძრავა, რომელიც მის შენახვასა და შესაძლო რემონტს მნიშვნელოვნად ამარტივებს. მოსახერხებელია ექსპლუატაციაც. ბენზო სათიბელას 2-ტაქტიანი მოტორი ბრუნვის საკმაოდ მაღალი სიჩქარით გამოირჩევა, რაც მის წარმადობაზე დადებითად მოქმედებს. უნდა ითქვას, რომ ასეთი ბენზო სათიბელა გარკვეული ნაკლებითაც ხასიათდება. მაგალითად, ხმაურიანია, გამონაბოლქვი აქვს და მუშაობისთვის ბენზინისა და ზეთის ნაზავი სჭირდება ამის მიუხედავად, 2-ტაქტიანი აგრეგატები მაინც მოთხოვნადი და პოპულარულია. ერთი, რომ ფასი აქვს მისაღები და მეორე, ექსპლუატაცია მარტივია, სერვისი - ყველასთვის ხელმისაწვდომი.

• 4-ტაქტიანი

მძლავრი მოტორი მაღალი მოტორესურსით. მუშაობს თანაბრად და ჩუმად, საწვავს ეკონომიურად მოიხმარს, ნაკლები აქვს გამონაბოლქვიც. აღჭურვილია ორი ავზით, რომელთაგან ერთში ბენზინი ისხმება, მეორეში - ზეთი. ნარევის წინასწარ მომზადება საჭირო არ არის.

4-ტაქტიანის ნაკლად წონა და ზომები სახელდება. კონსტრუქცია საკმაოდ რთულია, რისი გათვალისწინებითაც, რემონტი არც ისე იაფი დაჯდება. არც ღირებულება აქვს ისეთი ხელმისაწვდომი, როგორც 2-ტაქტიანს.

როგორ უნდა შეარჩიოთ ბენზო სათიბელა სახლისა და აგარაკისთვის

ჩვეულებრივ, საკუთარი სახლის წინ არც ისე დიდი ზომის გაზონი გვხვდება. ბუნებრივია, ადამიანების უმეტესობას სურს, რომ ეზო ყოველთვის მოვლილი ჰქონდეს და ლამაზად გამოიყურებოდეს. საამისოდ სწორ ადგილას ხართ მოხვედრილი - Holst.ge ამ კეთილშობილური მიზნის მიღწევაში დაგეხმარებათ, უფრო სწორად, ჩვენთან შეძენილი ბენზო სათიბელა.

საკუთარი სახლის ეზოს მოსავლელად აბსოლუტურად საკმარისია 2-ტაქტიანი ბენზო სათიბელა არც ისე დიდი სიმძლავრით.

რაც შეეხება აგარაკს, არ არის გამორიცხული, გაცილებით დიდი ტერიტორიები იყოს მოსავლელი. შესაბამისად, შედარებით მძლავრი აპარატი დაგჭირდებათ.

როგორი ბენზო სათიბელა უნდა შეარჩიოთ: პარამეტრები

ადამიანების დიდი ნაწილი, რომელიც სასურველი აღჭურვილობის შეძენას აპირებს, ბუნებრივად ინტერესდება, როგორ შეარჩიოს ინსტრუმენტი სწორად. ამ შემთხვევაში, ეს კითხვა ბენზო სათიბელას ეხება და აქცენტს სწორედ მის პარამეტრებზე გავაკეთებთ.

მოკლედ, სანამ შეიძენთ, ყურადღება უნდა მიაქციოთ:

• მოტორის სიმძლავრე. ეს მაჩვენებელი გავლენას ახდენს სათიბელას სიჩქარეზე და ასევე, მცენარეების ტიპზე, რომელსაც თქვენი აღჭურვილობა უნდა გაუმკლავდეს;
• ჭრის სისტემის ტიპი. ბენზო სათიბელების შემთხვევაში, რამდენიმე სახის ჭრის სისტემა არსებობს. კერძოდ, ეს არის დანა და ძუა. თავის მხრივ, ეს სახეობები რამდენიმე ქვესახეობად იყოფა;
• ჭრის სისტემის ბრუნების რაოდენობა;
• მწარმოებელი. რომელი ბრენდის სათიბელას შეიძენთ, დამოკიდებული იქნება ინსტრუმენტის შესაძლებლობები და შესრულებული სამუშაოს ხარისხი. Holst.ge-ზე მხოლოდ მსოფლიოში ცნობილი და რაც მთავარია, კარგად გამოცდილი მწარმოებლების პროდუქციის შეძენა შეგიძლიათ;
• მოტორის ტიპი. ბენზინის სათიბელას ორი სახეობის მოტორი შეიძლება ჰქონდეს: 2-ტაქტიანი და 4-ტაქტიანი;
• სახელურის ფორმა. სახელურიც, თავის მხრივ, შეიძლება სხვადასხვა ფორმის იყოს. სახელურის ფორმასა და მდებარეობაზე საკმაოდ ბევრი რამ არის დამოკიდებული, განსაკუთრებით, თქვენი კომფორტი. ამდენად, სანამ სათიბელას შეიძენთ, უმჯობესია, ამ თავისებურებას დიდი ყურადღება მიაქციოთ. პირველ რიგში, სცადეთ, ინსტრუმენტი მოირგოთ, გულდასმით შეამოწმოთ და მხოლოდ შემდეგ შეიძინოთ;
• წონა. აქ ყველაფერი თქვენს შესაძლებლობებსა და ფიზიკურ მომზადებაზეა დამოკიდებული;

დამატებითი საკითხები:

• აუცილებლად უნდა გაითვალისწინოთ თქვენი გაზონის ფართობი;
• გასათვალისწინებელია მცენარეების ტიპები, რომელთა დამუშავებასაც აპირებთ;
• არანაკლებ მნიშვნელოვანია ტერიტორიის თავისებურებები და ბუნებრივი თუ ხელოვნური ხელის შემშლელი ფაქტორები - ბორცვები, ქვები, ბოძები და ასე შემდეგ.

როგორ უნდა შეინახოთ ბენზო სათიბელა ზამთრის პერიოდში?

ხანგრძლივად შენახვის წინ აუცილებელია, სათიბელას ავზიდან მთელი საწვავი და ზეთი გადმოასხათ. ინსტრუმენტი კარგად უნდა გაწმინდოთ, გარეცხოთ ჰაერის ფილტრი. შეგიძლიათ, სათიბელა კედელზე დაკიდოთ. სასურველია, შენობა, სადაც ინსტრუმენტს შეინახავთ, იყოს თბილი და ხშირად ნიავდებოდეს.

Lux Garden ბენზო სათიბელა EXP-5200

• ბრენდი - LUX GARDEN
• პროდუქტის ტიპი - ბენზო სათიბელა
• სიმძლავრე - 1600W
• გარანტია - 1 წელი
• შტრიხკოდი - 4050030824783
• წონა (კგ) - 8.43
• კვების წყარო - საწვავი
• კომპლექტაცია - 2 საცვლელი პირი + ქამარი
• ძრავის მოცულობა - 52cc
• ავზის მოცულობა - 1.2 L
• ბრუნვის სიჩქარე - 7500 min
• ღერძის სიგრძე/დიამეტრი - 1500mm/26mm
• ძუა - 2.5mm
• მოტორი - 2 ტაქტიანი/გაგრილების სისტემით

CROWN CT20050-ბალახის სათიბი საწვავზე

• ბრენდი - CROWN
• პროდუქტის ტიპი - ბენზო სათიბელა
• სიმძლავრე - 1250W
• გარანტია - 1 წელი
• შტრიხკოდი - CT20050
• წონა (კგ) - 7.6
• კვების წყარო - საწვავი
• კომპლექტაცია - ქამარი + 3 საცვლელი პირი
• ძრავის მოცულობა - 42.7cc
• ავზის მოცულობა - 1.1 L
• ბრუნვის სიჩქარე - 3000 min
• ღერძის სიგრძე/დიამეტრი - 1500mm/26mm
• ძუა - 2.5mm
• მოტორი - 2 ტაქტიანი/გაგრილების სისტემით

SCHPINDEL ბენზო სათიბელა EXP-5200 Industrial

• ბრენდი - SCHPINDEL
• პროდუქტის ტიპი - ბენზო სათიბელა
• სიმძლავრე - 1650W
• გარანტია - 1 წელი
• შტრიხკოდი - 4050082199730
• წონა (კგ) - 8.66
• კვების წყარო - საწვავი
• კომპლექტაცია - 3 საცვლელი პირი + ქამარი
• ძრავის მოცულობა - 52cc
• ავზის მოცულობა - 1.6 L
• ბრუნვის სიჩქარე - 7000 min
• ღერძის სიგრძე/დიამეტრი - 1500mm/28mm
• ძუა - 2.5mm
• მოტორი - 2 ტაქტიანი/გაგრილების სისტემით

TOLSEN TOL1592-79620 ბენზო სათიბელა INDUSTRIAL 1200W/1.7HP

• ბრენდი - TOLSEN
• პროდუქტის ტიპი - ბენზო სათიბელა
• სიმძლავრე - 1500W
• გარანტია - 1 წელი
• შტრიხკოდი - 6933528788416
• წონა (კგ) - 12
• კვების წყარო - საწვავი
• კომპლექტაცია - 3 საცვლელი პირი + ქამარი
• ძრავის მოცულობა - 43cc
• ავზის მოცულობა - 1.2 L
• ბრუნვის სიჩქარე - 3000 min
• ღერძის სიგრძე/დიამეტრი - 1500mm/26mm
• ძუა - 2.4mm
• მოტორი - 2 ტაქტიანი/გაგრილების სისტემით