ის ამბავი თუ იცით, რომ წაუკითხავ წიგნებს შურისძიება შეუძლიათ? განსაკუთრებით კარგად კი ეს ამბავი სისხლის სამართლის კოდექსსა და ბენზო ხერხის ინსტრუქციას გამოსდით. პრინციპში, სიფრთხილეს თავი არ სტკივა და ყველგან ყურადღებით უნდა ვიყოთ, მთავარ სათქმელს კი ქვემოთ მოგახსენებთ.

ისტორია და მნიშვნელოვანი რჩევა

ხერხი და ისტორია? ისე, რატომაც არა, ვისზე ნაკლებად ბასრი და ყოვლისშემძლეა ვითომ? ჰოდა, თქვენს წინაშეა ბენზოხერხი, იგივე ჯაჭვური ხერხი, რომელიც როგორც წესი, ორტაქტიანი შიდაწვის ძრავით არის აღჭურვილი.

ბენზოხერხის საკვანძო კონსტრუქციული ელემენტები (ჯაჭვური ხერხი, შიდაწვის ძრავი) მე-19 საუკუნის ბოლოსკენ შეიქმნა, პრაქტიკული გამოყენება კი მე-20 საუკუნის პირველ წლებში დაიწყო, ამასთან, გამოიყენებოდა სხვა ტიპის ამძრავები: პნევმატური, ორთქლის, მექანიკური და ასე შემდეგ. საინტერესოა, რომ ყველა მაშინდელი ბენზო ხერხი სინამდვილეში, დიდგაბარიტიანი მოუხერხებელი დანადგარი გახლდათ, რომლის მართვასაც მინიმუმ ორი ადამიანი სჭირდებოდა. არაერთი მცდელობის მიუხედავად, ხერხის დახვეწა ვერ ხერხდებოდა, თუმცა როგორც იქნა, 1926 წელს გერმანელმა ინჟინერ-მექანიკოსმა ანდრეას შტილმა პირველი ელექტრომოტორიანი ჯაჭვური ხერხი დააპატენტა. რაც შეეხება ბენზინის ძრავიან ხერხს, მისი ავტორი ასევე გერმანელი გამომგონებელი ემილ ლერპია, რომლის ქმნილებას 8 ცხენის ძალის სიმძლავრე ჰქონდა მიღებული და 58 კილოგრამს იწონიდა. ამის შემდეგ დაიწყო და რა დაიწყო - ჯაჭვური ხერხი მაქსიმალურად დაიხვეწა, თუმცა Holst.ge დაბეჯითებით გირჩევთ, ამ ხელსაწყოთი მუშაობისას უსაფრთხოების ზომების დაცვა არასოდეს დაივიწყოთ.

როგორ მუშაობს და რა უნდა გაითვალისწინოთ

ბენზო ხერხი, როგორც ეს სახელწოდებიდანაც ჩანს, მუშაობს ბენზინზე, რომელიც ძრავთან განთავსებულ ავზში ისხმება. ავზების მოცულობა საშუალოდ 0.50 ლიტრია. ხერხის მუშაობა დამოკიდებულია დატვირთვაზე, საწვავის რაოდენობაზე, სიმძლავრესა და ავზის მოცულობაზე. თუმცა საშუალო ჯაჭვური ხერხი სავსე ავზით 15-20 წუთი უნდა მუშაობდეს იქამდე, სანამ დატვირთვა ნორმას არ გადააჭარბებს.

აუცილებლად უნდა გაითვალისწინოთ, რომ ბენზოხერხს ყურადღება და მოფრთხილება სჭირდება, ვინაიდან საკმაოდ ხშირად ხდება ხოლმე, რომ ნახერხი და მტვერი ზეთიან ჯაჭვს ეწებება და მუშაობას აფერხებს. ასევე, ჰაერის ფილტრიც ბინძურდება, თუ ხერხით აქტიურად მუშაობთ მტვრიან შენობაში ან უბრალოდ, ყოველდღიურად იყენებთ შეშის დასაჭრელად.

ჯაჭვური ხერხის კლასიფიკაცია

• საყოფაცხოვრებო - ყველაზე პრიმიტიული. როგორც წესი, მას შემთხვევიდან შემთხვევამდე იყენებენ, როცა მაგალითად, ხე არის მოსაჭრელი. ასეთი ხერხების შესაძლებლობები არც ისე შთამბეჭდავია. გათვლილია თვეში 20 საათიან ექსპლოატაციაზე (დღეში დაახლოებით 40 წუთი). სამაგიეროდ, არც ისე მძიმეა და გამოყენებაც საკმაოდ მოსახერხებელია.
• ნახევრადპროფესიონალური - გამოიყენება ნებისმიერი დანიშნულებით, დაწყებული სარემონტო-სამშენებლოთი, ხეების ჭრით დამთავრებული.  ხანგრძლივი პერიოდით მაქსიმალური დატვირთვა რეკომენდებული არ არის.
• პროფესიონალური - როგორც წესი, მძლავრია და ფუნქციების ფართო სპექტრით გამოირჩევა. ჩვეულებრივ, გამოიყენება ხე-ტყის გასაჩეხად. პროფესიონალური ბენზო ხერხის მთავარი უპირატესობა ის არის, რომ მისი შეუჩერებელი გამოყენება 8 საათის განმავლობაში შეიძლება.

Lux Garden ჯაჭვური ხერხი 20"

• ბრენდი - LUX GARDEN
• პროდუქტის ტიპი - ჯაჭვური ხერხი საწვავზესიმძლავრე - 2100W
• ზომა - 20"
• გარანტია - 1 წელი
• შტრიხკოდი - 4822334567891
• წონა (კგ) - 7.5კვების წყარო - საწვავი
• ძრავის მოცულობა - 54.6cc
• ავზის მოცულობა - 0.5 l
• ბრუნვის სიჩქარე - 3000min
• მოტორი - 2 ტაქტიანი

TOLSEN TOL1591-79614 ჯაჭვური ხერხი საწვავზე 52CC,20"

• ბრენდი - TOLSEN
• პროდუქტის ტიპი - ჯაჭვური ხერხი საწვავზე
• სიმძლავრე - 2200W
• ზომა - 20"
• გარანტია - 1 წელი
• შტრიხკოდი - 6933528788409
• წონა (კგ) – 8.5
• კვების წყარო - საწვავიძრავის მოცულობა - 52cc
• ავზის მოცულობა - 0.55 l
• ბრუნვის სიჩქარე - 3000min
• მოტორი - 2 ტაქტიანი

CROWN CT20102-20 ბენზო ხერხი 20"

• ბრენდი - CROWN
• პროდუქტის ტიპი - ჯაჭვური ხერხი საწვავზე
• სიმძლავრე - 2300W
• ზომა - 20"
• გარანტია - 1 წელი
• შტრიხკოდი - 7640177420909
• წონა (კგ) – 5.58
• კვების წყარო - საწვავი
• ძრავის მოცულობა - 54.6ცც
• ავზის მოცულობა - 0.55 ლ
• ბრუნვის სიჩქარე - 3000მინ
• მოტორი - 2 ტაქტიანი