კომფორტი - ეს არის კეთილმოწყობილი ყოფა-ცხოვრების პირობათა ერთობლიობა, კარგი ან მაღალი ხარისხის პირობები ცხოვრებისთვის და დაგვეთანხმებით, ზამთრის ცივ დღეებში კომფორტის შექმნის უმთავრესი პირობა სითბოა. სითბო, რომელსაც, საბედნიეროდ, 21-ე საუკუნეში, ძალიან მარტივად მივიღებთ და ამაში ცენტრალური გათბობის ქვაბი დაგვეხმარება.

იმ მარტივი მიზეზის გამო, რომ ცენტრალური გათბობის ქვაბი ხანგრძლივად გამოიყენება, სწორი არჩევანის გაკეთება, უკიდურესად მნიშვნელოვანია და უმცირესი დეტალიც კი კარგად უნდა აწონ-დაწონოთ.

პირველ რიგში, ყურადღება უნდა დაუთმოთ ისეთ დეტალებს, როგორიცაა, მაგალითად:

- ხარისხი;

- საიმედოობა;

- გამძლეობა;

- კომფორტულობა;

- ეკონომიურობა;

- ფუნქციონალური მახასიათებლები.

გათბობის ქვაბი და მისი ვარიანტები

• გაზის გათბობის ქვაბი. ოპტიმალური არჩევანია, მით უფრო, რომ აქვს განსაკუთრებული უპირატესობა - ავტომატური მართვა და მინიმალური მომსახურება. გაზის მოწყობილობის მონტაჟის შემთხვევაში, არ არის საჭირო იმაზე ფიქრი, სად უნდა შეინახოთ შეშა, დროულად დაჭრათ, შეუკეთოთ და ასე შემდეგ. უბრალოდ, დააყენებთ საჭირო რეჟიმს და სულ ეს არის. ამასთან ერთად, ხელმისაწვდომია კონდენსაციური ქვაბი, რომელიც ბევრად ეკონომიურია, ვინაიდან მოიხმარს 20%-მდე ნაკლებ გაზს და პლუს, 20%-ით ეფექტიანია. ერთი კია, ღირებულება ჩვეულებრივზე მაღალია, თუმცა გრძელვადიან პერსპექტივაში ინვესტიცია გამართლებულია. განსაკუთრებით აქტუალურია ასეთი ქვაბი დიდი შენობებისთვის ფართობით 200 კვადრატული მეტრიდან. თუმცა, თუკი პატარა სახლზეა საუბარი, ბევრად მომგებიანია ჩვეულებრივი გათბობის ქვაბი. ასეთ შემთხვევაში ხომ კონდენსაციური მოწყობილობის ეკონომიურობა არც ისე მნიშვნელოვანი იქნება.
• მყარ საწვავზე მომუშავე ქვაბი. ჩვეულებრივ, გათბობის ამ საშუალებას იყენებენ ისეთ სახლებში, სადაც გაზი შეყვანილი არ არის. ასეთ შემთხვევაში, საწვავად შეიძლება, გამოდგეს, შეშა, ნახშირი, ბრიკეტი, ნახერხი, ტორფი და ასე შემდეგ. ეს საკმაოდ მოსახერხებელიც კია, რადგან შესაძლებელია, გამოიყენოთ ყველაფერი, რაც ხელმისაწვდომი იქნება. თუმცა აუცილებლად გასათვალისწინებელია, რომ მყარ საწვავზე მომუშავე ქვაბისთვის საჭიროა კვამლსადენი და ხშირი მომსახურება.
• პელეტის ღუმელი. ეს არის მყარ საწვავზე მომუშავე სისტემა, რომელიც ცალკე უნდა განვიხილოთ. შეშის ღუმელისგან განსხვავებით, პელეტის ქვაბი ავტონომიურად მუშაობს. საწვავის როლს მის შემთხვევაში გრანულებია, რომლებიც სპეციალური ბუნკერიდან წვის ზონაში ავტომატურად ხვდებიან.

აღსანიშნავია, რომ პელეტი პრაქტიკულად, მთლიანად იწვება, არ წარმოიქმნება ნარჩენები, რაც იმას ნიშნავს, რომ მომსახურებაც მინიმალური სჭირდება.

ერთ-ერთ ნაკლად შეიძლება დასახელდეს ის, რომ აღჭურვილობისთვის დიდი სივრცეა საჭირო, ვინაიდან საკმაოდ დიდი ზომისაა. ასევე, ცალკე ადგილია საჭირო პელეტის შესანახადაც, რაც იმას ნიშნავს, რომ მცირე ფართობზე პელეტის ღუმელის გამოყენება, პრაქტიკულად, შეუძლებელია.

გასათვალისწინებელი რეკომენდაციები

გათბობის თანამედროვე ქვაბს უამრავი ფუნქცია გააჩნია, მათ შორის, რაც ყველაზე მთავარია ნებისმიერი ადამიანისთვის, დამცავი და სადიაგნოსტიკო. ეს იმას ნიშნავს, რომ დანადგარი დაკომპლექტებულია სენსორების კომპლექტითა და დამცავი სარქვლებით, რომელთა დახმარებითაც ავტომატურ, მუდმივ რეჟიმში ხდება წნევისა თუ ტემპერატურის კონტროლი და იმ შემთხვევაში, თუკი რომელიმე მაჩვენებელი მკვეთრად შეიცვლება, ან ცენტრალური გათბობა მუშაობის ჩვეულ რეჟიმს ასცდება, მყისიერად ხდება ან სრული გათიშვა, ან ქვაბისთვის საწვავის მიწოდების შეწყვეტა და ავარიული სიტუაციის თავიდან აცილება.

ასეთი უნიკალური შესაძლებლობების მიუხედავად, ცენტრალური გათბობის ქვაბი უსაფრთხოების ზომების დაცვის მხრივ ყურადღების მოდუნების უფლებას მაინც არ გვაძლევს და აუცილებელია, ცენტრალური გათბობა პროფესიონალებს დაამონტაჟებინოთ, რომლებიც სრულყოფილ ინსტრუქციებსაც მოგაწვდიან. ასევე, გაითვალისწინეთ ისიც, რომ გათბობის ქვაბი საჭიროებს პერიოდულ მომსახურებას, მაგალითად, შემოწმებას, გაწმენდასა და რეგულირებას.

კიდევ ერთი - კარგს იზამთ, თუ ზუსტად იქნებით ჩამოყალიბებული დანადგარის დანიშნულებასთან დაკავშირებით. კერძოდ, თუკი გჭირდებათ აპარატი მხოლოდ გათბობისთვის, შეგიძლიათ, ერთკონტურიანი ქვაბი შეიძინოთ. რაც შეეხება ორკონტურიანს, იგი გათბობასთან ერთად, ცხელი წყლით მომარაგების ფუნქციასაც ითავსებს და შესანიშნავია როგორც ბინებისთვის, ისე არც ისე დიდი ზომის სახლებისთვის.

WINGER -WGB20-KW - ცენტრალური გათბობის ქვაბი საკვამურით

• ბრენდი - WINGER
• პროდუქტის ტიპი - ცენტრალური გათბობის ქვაბი
• სიმძლავრე - 20kw/110W
• ზომა - 700x420x240
• ფერი - თეთრი
• გარანტია - 3 წელი
• შტრიხ-კოდი - 8277169283564
• წონა (კგ) - 32
• კვების წყარო - 220-240V
• მოცულობა - 10.2kg/min
• წნევა - 0.4~-3bar/0.2~8bar
• გაზი - 2000Pa NG
• ტემპერატურის მაჩვენებელი - Led Display
• ტემპერატურის რეგულატორი - სენსორული
• კომპლექტაცია - საკვამური
• დაცვა - IPX4D Class1

WINGER -WGB26-KW - ცენტრალური გათბობის ქვაბი საკვამურით

• ბრენდი - WINGER
• პროდუქტის ტიპი - ცენტრალური გათბობის ქვაბი
• სიმძლავრე - 26kw/110W
• ზომა - 700x420x240
• ფერი - თეთრი
• გარანტია - 3 წელი
• შტრიხ-კოდი - 8277169283571
• წონა (კგ) - 32
• კვების წყარო - 220-240V
• მოცულობა - 13.2kg/min
• წნევა - 0.4~-3bar/0.2~8bar
• გაზი - 2000Pa NG
• ტემპერატურის მაჩვენებელი - Led Display
• ტემპერატურის რეგულატორი - სენსორული
• კომპლექტაცია - საკვამური
• დაცვა - IPX4D Class1