როგორი უნიკალური მასალაც არ უნდა გამოიგონოს კაცობრიობამ, ხის მასალა შეუფასებელია ინტერიერის გაფორმებისთვის. რომელი ერთი გავიხსენოთ - როგორ სახლშიც არ უნდა შევიდეთ - ევრორემონტიდან დაწყებული, კოსმეტიკურით დამთავრებული, გამორიცხულია, ხის ნაკეთობები არ დაგვხვდეს, კარებზე რომ აღარაფერი ვთქვათ.

ტექნიკური პროგრესისა და ტექნოლოგიების განვითარებასთან ერთად, უამრავი შესაძლებლობა გაუჩნდა ადამიანს, ხის მასალა, პრაქტიკულად, სრულყოფილად გადაამუშაოს თუ დაამუშაოს.

ბუნებრივია, ამ მხრივ ერთ-ერთი გამორჩეული ინსტრუმენტი ელექტრო შალაშინი გახლავთ, რომელსაც თავისი სიზუსტისა და ეფექტიანობის წყალობით, აბსოლუტურად დამსახურებულად შეგვიძლია, შეუცვლელი დამხმარე ვუწოდოთ.

ამ ელექტრო ინსტრუმენტს იყენებს ყველა, ვისაც ასე თუ ისე უწევს ხის მასალასთან მუშაობა.

სანამ იქამდე მიხვალთ, რომ ელექტრო შალაშინი შეიძინოთ, მის ძირითად მახასიათებლებზე, მუშაობის პრინციპსა და შესაძლებლობებზე მოგიყვებით.

რაში დაგეხმარებათ ელექტრო შალაშინი?

ისე, ენის გასატეხად კი გამოდგება ამ ხელსაწყოს სახელი - ზოგი შალაშინს ეძახის და ასეცაა, თუმცა, ბევრს შ-ს ნაცვლად ს-ს წარმოთქვა გამოსდის და იტყვის ხოლმე - სალაშინი.

მთავარი ის არის, შალაშინი იქნება, თუ - სალაშინი, ინსტრუმენტის შესაძლებლობებს ამით არაფერი აკლდება და საკუთარ საქმეს იდეალურად ასრულებს.

დავიწყოთ იმით, რომ ელექტრო შალაშინი ხის იდეალურთან მიახლოებული სწორი და გლუვი ზედაპირის შესაქმნელად გამოიყენება. ინსტრუმენტი მოთხოვნადია როგორც პროფესიულ სფეროებში, ასევე, ყოველდღიურ ცხოვრებაში. მექანიკური მოწყობილობისგან განსხვავებით, ელექტრო მოწყობილობას ფუნქციონირების ფართო სპექტრი აქვს.

ინსტრუმენტის ფუნქციებში შედის:

• ზედაპირების გათანაბრება;
• ნაწიბურების დამუშავება;
• ზომების კორექტირება;
• ირიბი კიდეების გასწორება;
• ქერქის მოშორება.

როგორ მუშაობს ელექტრო შალაშინი?

ელექტრო სალაშინი მარტივი ხელსაწყო ნამდვილად არ არის, რაც იმას ნიშნავს, რომ მისი აღჭურვილობისა და მუშაობის პრინციპის ცოდნა აუცილებელია ნებისმიერი ადამიანისთვის, ვინც ხის დამუშავებაზე მუშაობს. წესების გათვალისწინება ხელს შეუწყობს ერთი, რომ სამუშაო პროცესის გამარტივებას, ხოლო დაზიანების შემთხვევაში - შეკეთებას.

ელექტრო შალაშინის ძირითადი სამუშაო ელემენტი მბრუნავი ბარაბანია, რომლის კორპუსშიც ჰორიზონტალური ფოლადის დანებია ჩაშენებული. ბარაბანი ბრუნვას ელექტრომოტორის დახმარებით იწყებს. დამუშავების ხარისხი მისი ბრუნვის სიჩქარეზეა დამოკიდებული. მაღალ ბრუნებზე დანები ზედაპირს ეხება და საჭირო სისქის ნათალს აშორებს.

ჭრის სიღრმეზე მარეგულირებელი მექანიზმია პასუხისმგებელი. მოდელების უმეტესობა ნახერხის შემგროვებლითაც არის აღჭურვილი.

დამუშავებული ზედაპირის ხარისხი პირდაპირ დამოკიდებულია ჭრის ელემენტებზე. დანის პირების ფორმა ტალღოვანი, მომრგვალო და სწორია. მოდელიდან გამომდინარე, შეიძლება დამონტაჟდეს 1-დან 4-მდე დანა.

კონსტრუქციის აგებულება:

• ჩამრთველი ღილაკი;
• დამცავი გარსაცმი;
• წინა სახელური;
• დისკო;
• დანებიანი ბარაბანი;
• ძრავა;
• სადენი;
• უკანა სახელური.

შალაშინით მუშაობისთვის სულაც არ არის საჭირო წლების გამოცდილება და განსაკუთრებული უნარ-ჩვევები. საკმარისია ინსტრუქციის წაკითხვა და რაც მთავარია, უსაფრთხოების წესების ზედმიწევნით დაცვა. სამუშაო სივრცედ ნებისმიერი საყოფაცხოვრებო ადგილი გამოდგება.

ელექტრო შალაშინის სიმძლავრე

ელექტრო შალაშინის სიმძლავრის დიაპაზონი საკმაოდ ფართოა. ნაკლებად მძლავრი მოდელი ვერ გაუმკლავდება ხის მყარ მასალას, მაგალითად, იფანსა თუ აკაციას, რადგან დანები „გაიჭედება“ და დამუშავების ხარისხი არც ისე სახარბიელო იქნება. მეორე მხრივ, თუკი ძირითადად ფიჭვთან ან ცაცხვთან მუშაობა გიწევთ, მაშინ მძლავრი მოწყობილობა უბრალოდ ზედმეტ ენერგიას ფუჭად დახარჯავს.

გთავაზობთ ხელსაწყოს სიმძლავრის დაახლოებით შესაძლებლობებს სხვადასხვა სახეობის ხესთან მუშაობისას:

- 220-600 ვატი - გამოდგება რბილ მასალასთან მუშაობისას, როგორიც არის, მაგალითად, ფიჭვი, წაბლი, ცაცხვი, ვერხვი, მურყანი და ღვია;

- 600-1000 ვატი - დაბრკოლებების გარეშე იმუშავებთ საშუალო სიმკვრივის მასალასთან, როგორიც არის, მაგალითად, ვაშლი, არყი, ნეკერჩხალი, ლარიქსი და ასე შემდეგ;

- 1000-1500 ვატი - გამოდგება მაღალი სიმკვრივის მქონე ხის მასალის დამუშავებისთვის, მაგალითად, მუხა, იფანი, აკაცია, რცხილა და ასე შემდეგ.

ბუნებრივია, არსებობს კიდევ უფრო მძლავრი ელექტრო შალაშინი, თუმცა მისი შეძენა რეკომენდებული და გამართლებულია იმ შემთხვევისთვის, თუკი მასშტაბური პროექტების განხორციელებას აპირებთ.

CROWN CT24001HX - შალაშინი ელემენტის გარეშე 20V MAX

• ბრენდი - CROWN
• პროდუქტის ტიპი - ელექტრო შალაშინი
• სიმძლავრე - 20V
• ზომა - სიგანე: 82mm; სიღრმე: 0-1,5mm
• გარანტია - 1 წელი
• შტრიხ-კოდი - 7640186248662
• წონა (კგ) - 2.6
• კვების წყარო - ელემენტი
• ბრუნვის სიჩქარე - 16000min
• მუშაობის სიღრმე - 0-9mm

Dewalt DWE6411-QS ელექტრო სახეხი ხელსაწყო

• ბრენდი - DEWALT
• პროდუქტის ტიპი - ელექტრო შალაშინი
• სიმძლავრე - 230W
• ზომა - 108x115mm
• გარანტია - 1 წელი
• შტრიხ-კოდი - 5035048553893
• წონა (კგ) - 1.28
• კვების წყარო - 220-240V
• კომპლექტაცია - მტვრის შემგროვებელი ჩაშენებული ადაპტორით მტვერსასრუტისთვის
• ბრუნვის სიჩქარე - 0-14000min

Dewalt DW680-QS ელექტრო შალაშინი 600W

• ბრენდი - DEWALT
• პროდუქტის ტიპი - ელექტრო შალაშინი
• სიმძლავრე - 600W
• ზომა - სიგრძე: 290mm სიგანე: 82mm დიამეტრი: 54mm
• გარანტია - 1 წელი
• შტრიხ-კოდი - 5011402291458
• წონა (კგ) - 3.2
• კვების წყარო - 220-240V
• კომპლექტაცია - დანა ორმხრივი საჭრელი პირით + პარალელური მიმმართველი + გადამყვანი მტვერსასრუტისთვის
• ბრუნვის სიჩქარე - 0-15000min
• მუშაობის სიღრმე - 0-2.5mm