ხელოსნებმა, რომლებიც ხის დამუშავებაზე მუშაობენ, შესანიშნავად იციან, რას წარმოადგენს ელექტრო შალაშინი - ეს არის ინსტრუმენტი, რომლის გარეშეც ისინი სასურველ შედეგს უბრალოდ, ვერ მიიღებენ. ერთი ეგ არის, სახელწოდებაში ვერ თანხმდებიან - ზოგი ამბობს სალაშინი ჰქვიაო, ზოგის ვერსია შალაშინი გახლავთ, ვის როგორ მოსწონს, აწყობს თუ ახსოვს... საბედნიეროდ, ეს მცირე შეუთანხმებლობა პოლარიზაციის მიზეზი არასოდეს გამხდარა და ყველა ხელოსანი თანხმდება, რომ ელექტრო შალაშინი ის ინსტრუმენტია, რომელიც კიდევ კარგი, არსებობს!..

იყო დრო, ჩვეულებრივი შალაშინითაც ბრწყინვალე ნაკეთობები იქმნებოდა, მაგრამ აფერუმ ელექტრიფიკაციას, ამ მიმართულების განვითარებასაც ნამდვილად დიდად წაადგა - გაიზარდა შრომის პროდუქტიულობა, განსაკუთრებით, როცა საქმე დაფებისა და ძელების დამუშავებას ეხება.

ელექტრო სალაშინის მოხმარებაც მარტივია: საჭიროა მხოლოდ მიმართულების მიცემა, დანარჩენს თავის თავზე ელექტრომოტორი იღებს.

ინსტრუმენტის დანიშნულება

ელექტრო შალაშინი - ეს არის ინსტრუმენტი, რომლის დანიშნულებაც უხეშად დამუშავებული ხე-ტყის მასალის ზედაპირის სრულყოფილად გათანაბრებაა. შედეგად, მასალა, როგორც წესი, იდეალურად გლუვი ხდება, რადგან ხერხდება უსწორმასწორობის, ყველა სახის დეფექტის აღმოფხვრა.

გამოყენების სფერო და ფუნქციური შესაძლებლობები

კიდევ რისთვის შეიძლება ელექტრო შალაშინის გამოყენება, მის ტექნიკურ მახასიათებლებსა და დამატებით შესაძლებლობებზეა დამოკიდებული. თუკი ინსტრუმენტის კონსტრუქციური თავისებურებები საშუალებას იძლევა, შემდეგი ოპერაციების შესრულებაც შეიძლება:

• ირიბი კიდეების ჩამოჭრა;
• მასალაზე ღარების დატანა;
• მასალის დამუშავება და საჭირო ზომამდე დაყვანა;
• მეოთხედის ამოღება.

ამით ელექტრო შალაშინის შესაძლებლობების აღწერა ნამდვილად არ სრულდება. მაგალითად, მისი დახმარებით შესაძლებელია კვეთის სიღრმის კონტროლი, რაც იდეალური შედეგის მისაღებად მეტად მნიშვნელოვანია. კიდევ ერთი სასარგებლო ფუნქცია გახლავთ მეოთხედის ან ფალცის ამოღება.

გასათვალისწინებელია, რომ იმ შემთხვევაში, როცა გამოიყენება სწორი დანები, შედეგი ყოველთვის დამაკმაყოფილებელი არ არის: ზედაპირზე უმნიშვნელო ტალღები რჩება. გამოსავალი „სპირალური“ საცმების გამოყენება გახლავთ.

რა განასხვავებს ელექტრო შალაშინს ხელის ანალოგისგან

ელექტრო და ხელის შალაშინის ძირითადი კონსტრუქციული ელემენტები ერთნაირია, თუმცა ელექტრო, ბუნებრივია, ბევრად განსხვავებულია და აი, რაში:

• ტექნიკური თვალსაზრისით გაცილებით რთული მოწყობილობაა;
• მისი გამოყენება შეიძლება მხოლოდ კვების წყაროს არსებობის შემთხვევაში;
• მუშაობისას გაცილებით ნაკლები ძალისხმევაა საჭირო. შესაბამისად, დაღლილობაც არც იმდენად მასშტაბური იქნება;
• ბევრად მაღალია წარმადობა;
• დანების განსხვავებული კონსტრუქცია;
• შეიძლება მისი, როგორც რეისმუსის გამოყენება;
• შესრულებული სამუშაოს ხარისხი და სიზუსტე მნიშვნელოვნად მაღალია;
• მასალის დამუშავება ხდება დანების ტრიალის და არა ადამიანის ორმხრივი მოძრაობების ხარჯზე
• მუშაობის შედეგად წარმოქმნილი ნახერხი ძირს დაყრის ნაცვლად, სპეციალურ ტომარაში გადადის.

აქვე ისიც აუცილებლად არის გასათვალისწინებელი, რომ ინსტრუმენტის მუშაობის საკმაოდ მაღალი სიჩქარის გამო, ტრავმატიზმის რისკები ნამდვილად არ არსებობს, თუმცა მათი შემცირება უსაფრთხოების ზომების დაცვით ძალიანაც მარტივად შეიძლება.

CROWN CT13401-ელ. შალაშინი 320W

• ბრენდი - CROWN
• პროდუქტის ტიპი - ელექტრო შალაშინი
• სიმძლავრე - 320W
• ზომა - 115x230mm
• გარანტია - 1 წელი
• შტრიხკოდი - 7640177421708
• წონა (კგ) - 2.43
• კვების წყარო - 220-240V
• კომპლექტაცია - მტვრის შემგროვებელი + სახეხი ფურცელი 3 ცალი
• ბრუნვის სიჩქარე - 6000-12000min

CROWN CT14019-ელექტრო შალაშინი 710W

• ბრენდი - CROWN
• პროდუქტის ტიპი - ელექტრო შალაშინი
• სიმძლავრე - 710W
• ზომა - 82mm
• გარანტია - 1 წელი
• შტრიხკოდი - 7640177410657
• წონა (კგ) - 2.8
• კვების წყარო - 220-240V
• კომპლექტაცია - დანის გასალესი + გასასწორებელი + გვერდითი მისაბჯენი + ვერტიკალური მისაბჯენი
• ბრუნვის სიჩქარე - 0-16000min
• მუშაობის სიღრმე - 0-2.5mm

CROWN CT24001HX-შალაშინი ელემენტის გარეშე 20V MAX

• ბრენდი - CROWN
• პროდუქტის ტიპი - ელექტრო შალაშინი
• სიმძლავრე - 20V
• ზომა - სიგანე: 82mm; სიღრმე: 0-1,5mm
• გარანტია - 1 წელი
• შტრიხკოდი - 7640186248662
• წონა (კგ) - 2.6
• კვების წყარო - ელემენტი
• ბრუნვის სიჩქარე - 16000min
• მუშაობის სიღრმე - 0-9mm