როცა რამეს ვაკეთებთ, ვქმნით, ვამზადებთ, მნიშვნელობა არ აქვს - ყველაფერს ისეთი ხარისხი უნდა ჰქონდეს, მტრები და ავი თვალის მქონეები იმის იქით წასულან და მოყვარე რომ გაიხარებს და გადაირევა. ჰოდა, ასეთი შედეგი რომ მივიღოთ, დამხმარე ატრიბუტებიც, რაღა თქმა უნდა, ხარისხიანი უნდა იყოს.

სწორედ ხარისხიანი შალაშინი უნდა გვქონდეს იმისთვის, რომ ნაკეთობაც შესაბამისი მივიღოთ - ავეჯი იქნება, კარები თუ ფანჯრის რაფა, ჩარჩო თუ თაროები, ზედაპირის გათანაბრება თუ ზომების კორექტირება - ამ ყველაფრისთვის ხარისხიანი ელექტრო შალაშინი გვჭირდება.

როგორც ხშირად გვითქვამს ხოლმე, სანამ რამეს შევიძენთ, ჯერ ის არის აუცილებელი, ზუსტად ვიცოდეთ, რისთვის გვჭირდება სხვადასხვა ხელსაწყო. რაღა თქმა უნდა, იმავეს გავიმეორებთ ამჯერადაც - თუკი გსურთ, სალაშინი იყიდოთ, კარგად განსაზღვრეთ, რას აპირებთ, რათა როგორც მინიმუმ, ზედმეტი არ გადაიხადოთ.

ნაბიჯი I - როგორ უნდა შევარჩიოთ ელექტრო შალაშინი?

პრინციპში, პირველი ნაბიჯი მაინც ის არის, რაც ზემოთ ვთქვით - კარგად ვიცოდეთ, რისთვის გვჭირდება ელექტრო შალაშინი, თუმცა, რადგან ეს ეტაპი გავიარეთ, უშუალოდ სამოქმედო გეგმა დავაზუსტოთ.

ჰოდა, იმას ვამბობდით, იმისთვის, რომ საიმედო ინსტრუმენტი შეარჩიოთ, აუცილებელია შეისწავლოთ კონსტრუქციის თავისებურებები და კომპლექტაციის შესაძლებლობები. ყურადღება დაუთმეთ ძირითად მახასიათებლებს, დანებსა და მათ ფორმებში გარკვევას.

რეგულარული გამოყენებისთვის პროფესიონალურ ელექტრო შალაშინს ირჩევენ, ხოლო თუ იშვიათად მოგიწევთ ინსტრუმენტის გამოყენება, უმჯობესია, არჩევანი მარტივ მოდელზე შეაჩეროთ.

ელექტრო შალაშინის შერჩევისას, როგორც წესი, შემდეგ ფაქტორებს ითვალისწინებენ:

• ინსტრუმენტის სიმძლავრე;
• ხის დამუშავების სიჩქარე;
• ფენების მოხსნის სიღრმე და სიგანე;
• წონა;
• დანების სახეობები;
• სახელურის კომფორტულობა;
• კვების ტიპი;
• დამატებითი პარამეტრები და ასე შემდეგ.

ნაბიჯი II - რა სიმძლავრეა საჭირო?

რაკი სიმძლავრე ერთ-ერთი ყველაზე მნიშვნელოვანი მაჩვენებელია, აქცენტი ჩვენც სწორედ მასზე გავაკეთოთ.

ელექტრო შალაშინის სიმძლავრის დიაპაზონი საკმაოდ ფართოა. ნაკლებად მძლავრი მოდელი ვერ გაუმკლავდება ხის მყარ მასალას, მაგალითად, იფანსა თუ აკაციას, რადგან დანები „გაიჭედება“ და დამუშავების ხარისხი არც ისე სახარბიელო იქნება. მეორე მხრივ, თუკი ძირითადად ფიჭვთან ან ცაცხვთან მუშაობა გიწევთ, მაშინ მძლავრი მოწყობილობა უბრალოდ ზედმეტ ენერგიას ფუჭად დახარჯავს.

გთავაზობთ ხელსაწყოს სიმძლავრის დაახლოებით შესაძლებლობებს სხვადასხვა სახეობის ხესთან მუშაობისას:

• 220-600 ვატი - გამოდგება რბილ მასალასთან მუშაობისას, როგორიც არის, მაგალითად, ფიჭვი, წაბლი, ცაცხვი, ვერხვი, მურყანი და ღვია;
• 600-1000 ვატი - დაბრკოლებების გარეშე იმუშავებთ საშუალო სიმკვრივის მასალასთან, როგორიც არის, მაგალითად, ვაშლი, არყი, ნეკერჩხალი, ლარიქსი და ასე შემდეგ;
• 1000-1500 ვატი - გამოდგება მაღალი სიმკვრივის მქონე ხის მასალის დამუშავებისთვის, მაგალითად, მუხა, იფანი, აკაცია, რცხილა და ასე შემდეგ.

ბუნებრივია, არსებობს კიდევ უფრო მძლავრი ელექტრო სალაშინი, თუმცა მისი შეძენა რეკომენდებული და გამართლებულია იმ შემთხვევისთვის, თუკი მასშტაბური პროექტების განხორციელებას აპირებთ.

წესები ელექტრო შალაშინით მუშაობისთვის

მიუხედავად იმისა, რა ზომისა თუ სიმძლავრის ინსტრუმენტს შეიძენთ, მუშაობის დროს ეს წესები აუცილებლად უნდა გაითვალისწინოთ:

• აუცილებელია შალაშინის სწორად მომართვა;
• დანები კარგად უნდა იყოს გალესილი;
• მასალის დამუშავების პროცესი უნდა წარიმართოს მიმართულებით „თქვენგან“;
• კატეგორიულად არ არის რეკომენდებული მუშაობის პროცესში ყურადღების სხვა რაღაცებზე გადატანა. კონცენტრირდით საქმეზე და შედეგიც შესაბამისი იქნება და აღარ საფრთხე გამოხტება არსაიდან;
• სასურველია, ელექტრო შალაშინით მუშაობის პროცესში სპეციალური ყურსასმენები და დამცავი სათვალეები გამოიყენოთ;
• დამუშავებული მასალის ზედაპირის შემოწმება მასზე მხოლოდ ხელის გადასმითაც შეიძლება;
• აუცილებელია, ინსტრუმენტი სწორად შეინახოთ (მოარიდოთ ნესტს და ასე შემდეგ).

B&D KA450-QS-ელ. სახეხი ხელსაწყო 220W

• ბრენდი - BLACK&DECKER
• პროდუქტის ტიპი - ელექტრო შალაშინი
• სიმძლავრე - 220W
• ზომა - 113.5x109mm
• გარანტია - 1 წელი
• შტრიხ-კოდი - 5035048561010
• წონა (კგ) - 3.58
• კვების წყარო - 220-240V
• ბრუნვის სიჩქარე - 0-16000min

CROWN CT24001HX - შალაშინი ელემენტის გარეშე 20V MAX

• ბრენდი - CROWN
• პროდუქტის ტიპი - ელექტრო შალაშინი
• სიმძლავრე - 20V
• ზომა - სიგანე: 82mm; სიღრმე: 0-1,5mm
• გარანტია - 1 წელი
• შტრიხ-კოდი - 7640186248662
• წონა (კგ) - 2.6
• კვების წყარო - ელემენტი
• ბრუნვის სიჩქარე - 16000min
• მუშაობის სიღრმე - 0-9mm

Dewalt DW680-QS ელექტრო შალაშინი 600W

• ბრენდი - DEWALT
• პროდუქტის ტიპი - ელექტრო შალაშინი
• სიმძლავრე - 600W
• ზომა - სიგრძე: 290mm სიგანე: 82mm დიამეტრი: 54mm
• გარანტია - 1 წელი
• შტრიხ-კოდი - 5011402291458
• წონა (კგ) - 3.2
• კვების წყარო - 220-240V
• კომპლექტაცია - დანა ორმხრივი საჭრელი პირით + პარალელური მიმართველო + გადამყვანი მტვერსასრუტისთვის
• ბრუნვის სიჩქარე - 0-15000min
• მუშაობის სიღრმე - 0-2.5mm