მიუხედავად იმისა, რომ ხელსაწყოების ნაკრები უსაზღვროდ სასარგებლო და საჭირომ რამ გახლავთ, 26 მარტის გამარჯვების შემდეგ დიდსა თუ პატარას, თუკი სიტყვა „ნაკრებს“ მოჰკრავს ყურს, აუცილებლად საქართველოს საფეხბურთო ნაკრები გაახსენდება და აბსოლუტურად მართალიც იქნება.

თუკი ეროვნულმა ნაკრებმა ბედნიერებისგან გვატირა, აი, ინსტრუმენტების ნაკრები ნერვების მოშლისგან ტირილს აგვარიდებს - უამრავ რამესთან გამკლავებაში დახმარება შეუძლია და იმიტომ.

რაში გვეხმარება ინსტრუმენტების ნაკრები, ამის შესახებ ქვემოთ წაიკითხავთ, თუმცა, სანამ კითხვას შეუდგებით, ერთი გემრიელი რამე ვთქვათ: ეროვნულ ნაკრებს ევროპიდანაც ისე გავეხარებინოთ, როგორც 26 მარტს თბილისიდან გაგვახარა.

რა სხვაობაა ინსტრუმენტების ნაკრებებს შორის

• სპეციალიზაცია - განსაზღვრეთ, რისთვის გჭირდებათ ინსტრუმენტების ნაკრები: მცირე მასშტაბების რემონტისთვის, ხეზე მუშაობისთვის, ლითონის დასამუშავებლად, თუ ფარეხში რომ ჩაიკეტოთ და საყვარელი მანქანა თქვენს ჭკუაზე გადააკეთოთ? სწორედ ამ საკითხებზე დაფიქრება დაგეხმარებათ, ის ხელსაწყოები შეიძინოთ, რომლებიც ნამდვილად გჭირდებათ.
• ნივთების რაოდენობა - ინსტრუმენტების ნაკრები შეიძლება შედგებოდეს 2-3 ან 200 და მეტი ელემენტისგან. თუკი ბავშვთან ერთად ჩიტების სახლის აშენებას აპირებთ, დიდი ალბათობით, უარს იტყვით ისეთი ნაკრების შეძენაზე, რომელიც 200 დეტალისგან შედგება, ავტოსერვისისთვის კი არასოდეს შეიძენთ 5-6 დეტალიან კომპლექტს.
• შევსება - ნაკრებში შეიძლება შედიოდეს ინსტრუმენტების რამდენიმე სახეობა, ასევე, ერთი ტიპის აღჭურვილობა, თუმცა ყველა სხვადასხვა ზომის, ან ერთიცა და მეორეც. პირველი ვარიანტი უფრო მეტად გამოსადეგია სახლისთვის, მაგალითად, ბრტყელტუჩა + გასაშლელი ქანჩის გასაღები + „რულეტკა“. მეორე - ხრახნებთან ან ჭანჭიკებთან ან უბრალოდ, მანქანასთან მუშაობისთვის. მესამე - ავტოსერვისებისთვის და სპეციალიზებული სახელოსნოებისთვის.
• შეფუთვა - ჩვეულებრივი ნაკრები, როგორც წესი, ბლისტერშია გადაფუთული, უკეთესი კომპლექტი კი ჩემოდნებსა და ლოჟემენტებში თავსდება.

როგორი შეიძლება იყოს ხელსაწყოების ნაკრები

დავიწყოთ სახლის ნაკრებით, რომელიც ორ ჯგუფად იყოფა, შემდეგ გადავიდეთ საავტომობილოზე, ბოლოს - პროფესიონალურზე.

ნაკრები ყოველი შემთხვევისთვის

ასეთი ჩემოდნები ნებისმიერ მამაკაცს უნდა ჰქონდეს, რადგან როცა საჭირო გახდება თაროს დამაგრება, კედელზე ლურსმნის დაჭედება თუ ონკანის გამოცვლა, ინსტრუმენტების ნაკრები მთავარ მშველელად მოგვევლინება.

სახლში მოფუსფუსე ოსტატისთვის

ამ ჯგუფში შედის კომპლექტები შედარებით რთული ამოცანების შესასრულებლად: შტეფსელის რემონტისთვის, სადენის გაყვანისთვის, ღობის აგებისთვის. აქვე ერთიანდება ხელსაწყოები ადამიანებისთვის, ვისთვისაც ხელით მუშაობა ჰობია. ასეთ შემთხვევაში, შესაძლებელი ხდება სკამის გამაგრება ან უკეთესი - ახლის შექმნა, ჩიტის სახლის აშენება და ავეჯის გარემონტებაც კი.

• საავტომობილო

დიდი ალბათობით, თქვენი მანქანის საბარგულში მოიძიება სახრახნისი, ბრტყელტუჩა, ხრახნები, ქანჩები. შესაძლებელია, მთელი ეს ჯართის გროვა ატაროთ, ვისი რა საქმეა, მაგრამ ბევრად მარტივი ხომ ინსტრუმენტების ნაკრების შეძენაა, რომელიც უნდა შეიცავდეს:

• ქანჩის გასაღების ნაკრები;
• წამოსაცმელი ქანჩი;
• ხრახნდამჭერი;
• გასაშლელი ქანჩის გასაღები (ე.წ. რაზვადნოი კლუჩი);

სასურველია, იქვე იყოს სახრახნისი და ბრტყელტუჩა, თანაც - რამდენიმე სახეობის. ასეთ ჩემოდნებს ირჩევენ ავტომოყვარულები, რომლებიც ფარეხში ავტომობილს არემონტებენ.

• პროფესიონალური

ამ ჯგუფში გიგანტები შედიან - all inclusive ნაკრებები. ერთი ასეთი ყუთი შეიძლება შეიცავდეს 200 და მეტ საგანს, ამდენად, მათ იყენებენ სახელოსნოებში, სერვისცენტრებში. რაც მთავარია, ეს არის ინსტრუმენტების ყველაზე ხარისხიანი ნაკრებები: თითოეული დეტალი დიდ დატვირთვაზეა გათვლილი.

ათასგვარი ქანჩებისა და ხრახნების პარალელურად, აქ შეხვდებით ჩაქუჩს, საჭრეთელს და სხვა დეტალს - ელექტრო და პნევმო ინსტრუმენტამდე.

• უნივერსალური

როგორც ყველაზე ჩამოუყალიბებელი ჯგუფი, უნივერსალურ ნაკრებებში ცოტ-ცოტას ყველაფერს გადაეყრებით: წამოსაცმელი და ჯვარედინი ქანჩები, ბრტყელტუჩა და ასე შემდეგ. მოკლედ, ყველაფერი, რასაც მწარმოებლის ფანტაზია გასწვდება.

თუკი არ იცით, რომელი ხელსაწყოები გჭირდებათ, ეს ყველაზე უნივერსალური ნაკრებია. ასეთ კომპლექტებში ცოტ-ცოტა მართლაც ყველაფერია ისეთი შემთხვევებისთვის, როცა როდის რა დაგჭირდება, არავინ რომ არ იცის.

• საზეინკლო

თუკი ვერ ჩამოყალიბდით, პროფესიონალური სამუშაოებისთვის რომელი ნაკრების შეძენა ჯობს, საზეინკლო ყველაზე წარმატებული არჩევანი იქნება - ერთ-ერთი ყველაზე გამორჩეული და მრავალფეროვანი სწორედ ასეთი კომპლექტებია.

• სადურგლო

ასეთ ჩემოდნებში ხის დამუშავებისთვის საჭირო უამრავი ინსტრუმენტი იმალება: ბურღები, ქლიბები, საჭრეთლები. მშვენიერი არჩევანია, თუკი თქვენი საქმიანობა დურგლობას უკავშირდება.

• ელექტრო სამონტაჟო

ელექტრიკოსის მუშაობის აშკარა სპეციფიკა რომ მაღალ ძაბვასთან მუდმივი შეხებაა, კი მოგეხსენებათ. ჰოდა, სწორედ აქ არის სხვაობა ჩვეულებრივსა და ელექტრო ხელსაწყოების ნაკრებებს შორის: ეს უკანასკნელი აუცილებლად აღჭურვილია იზოლირებული სახელურებით, რომლებიც გათვლილია 1000 ვოლტამდე ძაბვასთან მუშაობისთვის. უმეტესად, კომპლექტში შეხვდებით ათასგვარ სახრახნისს, მათ შორის, ინდიკატორს.

TOL2274-85300 ხელსაწყოების ნაკრები ნაჭრის ჩასადებით 9ც-იანი

• ბრენდი - TOLSEN
• პროდუქტის ტიპი - ხელსაწყოების ნაკრები
• შტრიხ-კოდი - 6933528780267
• წონა (კგ) - 1.61
• რაოდენობა - 9 ცალიანი ნაკრები

TOLSEN TOL1688-85352 ხელსაწყოების ნაკრები 89ც

• ბრენდი - TOLSEN
• პროდუქტის ტიპი - ხელსაწყოების ნაკრები
• შტრიხ-კოდი - 6933528780182
• წონა (კგ) - 4.25
• რაოდენობა - 89 ცალიანი ნაკრები

TOLSEN TOL 1400-79685 ინსტრუმენტების ნაკრები 95ც-იანი

• ბრენდი - TOLSEN
• პროდუქტის ტიპი - ხელსაწყოების ნაკრები
• შტრიხ-კოდი - 6933528787877
• წონა (კგ) - 7.65
• რაოდენობა - 95 ცალიანი ნაკრები