ხშირად ვიცით ხოლმე ადამიანებმა ყველაფრის გაბუქება და გადაჭარბება: „ისეთი სიმამრი მინდა, შვეიცარიულ ბანკში ანგარიში გამიხსნასო“, „ისეთს დაგარტყამ, ამერიკაში გაგაფრენო“, „ისეთი ჰაერის კომპრესორი მინდა, ყველგან რომ ეტეოდესო“...

შვეიცარია და ამერიკა კი მიხედავენ თავიანთ ამბებს, მაგრამ აი, ჰაერის კომპრესორს რაც შეეხება, ეს უკვე ნამდვილად ჩვენი სფეროა და პირველ რიგში, ის უნდა გითხრათ, რომ „ყველგან დასატევი კომპრესორი“ არც არსებობს და რომც არსებობდეს, რა, გამოგადგებათ?

სწორედ ამ კითხვას უნდა გასცეთ პასუხი - როგორი კომპრესორი გჭირდებათ? ფაქტია, ყველანაირი ნამდვილად არ გამოგადგებათ.

რა ძირითადი ფაქტორები მოქმედებს ჰაერის კომპრესორის შერჩევაზე?

რადგან აუცილებლად დადგება დღის წესრიგში საკითხი, რომ ჰაერის კომპრესორი შეიძინოთ, შერჩევისას ყურადღება შემდეგ მთავარ ფაქტორებს დაუთმეთ:

• წარმადობა;
• მაქსიმალური წნევა;
• სიმძლავრე.

ბუნებრივია, ბევრი ადამიანისთვის ერთ-ერთი მნიშვნელოვანი საკითხი კომპრესორის გაბარიტები და მისი მობილურობაა. ასეთ შემთხვევაში, დგუშიანი კოაქსიალური მოდელი ყველაზე კომპაქტურია. გადატანისთვის კი ყველაზე მოსახერხებელია უზეთო კომპრესორი, რომელზეც რესივერი არ არის დამონტაჟებული.

ბევრი მოდელი, როგორც დგუშიანი, ასევე, ხრახნიანი, ბორბლებითა და სახელურებით არის აღჭურვილი, რაც მათ გადაადგილებას გაცილებით კომფორტულს ხდის.

რისთვის არის საჭირო კომპრესორი?

რამდენადაც ცნობილია, კომპრესორი შეკუმშული ჰაერით უზრუნველყოფს პნევმატიკურ ინსტრუმენტს. ამდენად, როგორც სხვა უამრავი დანადგარისა თუ ხელსაწყოს შემთხვევაში გირჩევთ ხოლმე, პირველ რიგში, ის უნდა განსაზღვროთ, რისთვის გამოიყენებთ ამ აღჭურვილობას. მაგალითად, პულვერიზატორებისთვის

საკმარისია წნევა 4 ბარის მოცულობით, ხოლო სილაჭავლური პისტოლეტისთვის, როგორც წესი, მინიმუმ 6 ბარია საჭირო.

არანაკლებ მნიშვნელოვანი ფაქტორია კომპრესორის გამოყენების ინტენსივობა. რაღა თქმა უნდა, წელიწადში რამდენჯერმე გამოყენებისას, მაგალითად, სახლის გარშემო სარემონტო სამუშაოებისთვის, ძლიერი, პროფესიონალური აღჭურვილობა არ დაგჭირდებათ.

ინფორმაციისთვის იმასაც გეტყვით, რომ რესივერის არსებობა ან არარსებობა კომპრესორის მუშაობაზე დიდად არ მოქმედებს. ეს არის სათავსი, რომელშიც შეკუმშული აირი ინახება რამდენ ხანში შეივსება,მის მოცულობაზეა დამოკიდებული. როცა რესივერი ბოლომდე ივსება, დანადგარი ითიშება და შეკუმშული აირი ავზიდან გამოიყოფა.

როგორი კომპრესორის შერჩევაა უმჯობესი - დგუშით თუ ხრახნით?

ხანგრძლივი სარემონტო სამუშაოებისთვის დგუშიანი ზეთის კომპრესორის შერჩევა ჯობია.

პლუსები:

• მცირე გაბარიტები;
• შთამბეჭდავი წარმადობა;
• მაქსიმალური წნევა - 8-10 ბარი;
• რესივერის მოცულობა - 24-200 ლიტრი;
• მიმდებარე ნაწილების ავტომატური გაპოხვა;

მთავარი მინუსი ის არის, რომ ხშირად სჭირდება გათიშვა. ამდენად, თუკი ხანგრძლივ სამუშაოებზეა საუბარი, უკეთესი არჩევანი იქნება დგუშიანი კომპრესორი ქამრით.

პლუსები:

• ხანგრძლივი სამუშაო რესურსი;
• მაქსიმალური წნევა - 10-15 ბარი;
• რესივერის მოცულობა - 24-500 ლიტრი;
• გაგრილების გაუმჯობესებული სისტემა;
• გადახურებისგან ძრავის დაცვა;

მთავარი მინუსი ხმაური გახლავთ, მაგრამ როცა საქმე მოითხოვს, სხვა რა გზაა...

უწყვეტი მუშაობისთვის ხრახნიანი კომპრესორის შერჩევაა საჭირო, რომელსაც დამატებითი ელემენტებიც აქვს მიღებული. მაგალითად, საშრობი, ფილტრები, სიხშირული რეგულატორი და ასე შემდეგ.

პლუსები:

• მაღალი წარმადობა (ზოგიერთი მოდელი წუთში 500-დან 12 ათას ლიტრამდე შეკუმშულ ჰაერს გამოიმუშავებს);
• მაქსიმალური წნევა - 6-15 ბარი;
• ენერგიის მცირე რაოდენობით მოხმარება;
• ხმაურისა და ვიბრაციის დაბალი მაჩვენებელი;
• უწყვეტი მუშაობის შესაძლებლობა რამდენიმე ცვლის მანძილზე.

TOLSEN TOL1793-73125 ჰაერის კომპრესორი 24L

• ბრენდი - TOLSEN
• პროდუქტის ტიპი - ჰაერის კომპრესორი
• სიმძლავრე - 1.5kw
• გარანტია - 1 წელი
• შტრიხკოდი - 6933528773542
• წონა (კგ) - 23
• კვების წყარო - 220-240V
• მოცულობა - 24 l
• წნევა - 8 bar
• ბრუნვის სიჩქარე - 0-2850min
• წარმადობა - 188 l/min
• ცხენის ძალა - 2HP

CROWN CT36031 - ჰაერის კომპრესორი 100L

• ბრენდი - CROWN
• პროდუქტის ტიპი - ჰაერის კომპრესორი
• სიმძლავრე - 1.5kw
• გარანტია - 1 წელი
• შტრიხკოდი - 7640177424525
• წონა (კგ) - 55
• კვების წყარო - 220-240V
• მოცულობა - 100 l
• წნევა - 8 bar
• ბრუნვის სიჩქარე - 0-980min
• წარმადობა - 120 l/min
• ფაზა - 0
• ცხენის ძალა - 2HP

Schpindel ჰაერის კომპრესორი 200L

• ბრენდი - SCHPINDEL
• პროდუქტის ტიპი - ჰაერის კომპრესორი
• სიმძლავრე - 2.2kw
• გარანტია - 1 წელი
• შტრიხკოდი - 4050030383563
• წონა (კგ) - 115
• კვების წყარო - 220-240V
• მოცულობა - 200 l
• წნევა - 8 bar
• ბრუნვის სიჩქარე - 0-1100min
• წარმადობა - 336 l/min
• ფაზა - 0
• ცხენის ძალა - 2HP