წყალი ხომ საოცრებაა თავისი არსით, შინაარსითა და დანიშნულებით და არანაკლებ მნიშვნელოვანია ცხელი წყალიც, რომელიც ნებისმიერ ოჯახს ჰაერივით სჭირდება. ისე, წყალი რომ ჰაერივით გჭირდება, ცოტა უცნაურად კი ჟღერს, მაგრამ ფაქტია და თქვენც დაგვეთანხმებით, ცხელი წყალი უკიდურესად საჭირო რამ არის. ერთ-ერთი ყველაზე მარტივი საშუალება კი იმისთვის, რომ ოჯახი ცხელი წყლით უზრუნველვყოთ, გაზის წყლის გამაცხელებელი გახლავთ.

თამამად შეიძლება იმის თქმა, რომ საბედნიეროდ, წყლის თანამედროვე გამათბობელი ნამდვილად აღარ არის ის „კალონკა“, რომელიც ასანთით უნდა აგვენთო, გვეკონტროლებინა მილსადენში ნაკადის სიმძლავრე და თუ ოჯახის წევრი ბანაობდა, აბაზანის კართან ვმდგარიყავით, ემანდ, რამე ხიფათს არ გადაჰყროდა.

Holst.ge-ზე გაზის წყლის გამათბობელი საკმაოდ საინტერესო ასორტიმენტით არის წარმოდგენილი - ერთ კამერიანი გნებავთ, თუ - ორ კამერიანი, თეთრი თუ - ლურჯი, „ბუთქუნა“, თუ - „გამხდარი“...

ქვემოთ გულისყურით განვიხილოთ, როგორ უნდა შევარჩიოთ გაზის წყლის გამათბობელი, რათა ოჯახი ჰაერივით საჭირო ცხელი წყლით უზრუნველვყოთ.

გაზის წყლის გამაცხელებელი და მისი უპირატესობები

• კომპაქტურობა - ყველაზე მძლავრი დანადგარიც კი, რომელსაც ცხელი წყლით რამდენიმე წერტილის მომარაგება შეუძლია, დიდ ადგილს არ დაიკავებს.
• ეკონომიურობა - წყლის გაცხელება გაზის გამოყენებით, გაცილებით იაფი გამოდის, ვიდრე ელექტროენერგიის მეშვეობით.
• ცხელი წყლით რამდენიმე წერტილის მომარაგების შესაძლებლობა - ცხელი წყლით 3-4 წერტილის მომარაგებისთვის გაზის „კალონკა“ შეიძლება მიუერთოთ ჩვეულებრივ საკომუნიკაციო ხაზებს, რაც იმას ნიშნავს, რომ შესაბამისი სამსახურებისთვის დამატებითი სიმძლავრეების თხოვნა  არ მოგიწევთ.

გაზის წყლის გამაცხელებელი და მისი შერჩევის კრიტერიუმები

როგორც თავშიც ვთქვით, Holst.ge-ზე გაზის წყლის გამათბობლების საინტერესო ასორტიმენტია წარმოდგენილი, რომლებიც, ბუნებრივია, ერთმანეთისგან განსხვავდებიან. ზოგადად, რა სხვაობაა წყლის გამათბობლებს შორის და რა კრიტერიუმებით უნდა შეარჩიოთ სასურველი მოდელი, ქვემოთ კონკრეტულ საკითხებზე შევჩერდებით.

პირველ რიგში, რაღა თქმა უნდა, განსაკუთრებით მნიშვნელოვანია უსაფრთხოება და ამ თემაზე საუბარსაც შესაბამის მომენტებზე ყურადღების გამახვილებით დავიწყებთ.

გაზი რომ ფეთქებადსაშიში ნივთიერებაა, მისი პროდუქტები კი - მომწამვლელი, არახალი ამბავია. ამდენად, გირჩევთ, განსაკუთრებული ყურადღება მიაქციოთ მწარმოებელს, ნაწარმის ხარისხს, გამოყენებულ მასალას, ექსპლუატაციის ხანგრძლივობას, ასევე, დაცვისა და უსაფრთხოების ზომების არსებობას და ასე შემდეგ.

იმისთვის, რომ გაიგოთ, როგორ შეარჩიოთ წყლის გამათბობელი, უნდა დააზუსტოთ მონაცემები მაგალითად, წყლით მომარაგების სისტემაში წყლის წნევისა და ხარისხის შესახებ, უნდა იცოდეთ წყლის ხარჯვის სავარაუდო მოცულობა და ასე შემდეგ.

აგრეგატის შერჩევისას ყურადღება მიაქციეთ შემდეგ ტექნიკურ მახასიათებლებს:

• სიმძლავრე - ოჯახისთვის, რომელშიც 3-4 ადამიანი ცხოვრობს, აბსოლუტურად საკმარისია 19 კვტ. მოწყობილობები 28 კვტ-მდე დიდ სახლებსა და დაწესებულებებში მონტაჟდება;
• წარმადობა - წუთში რამდენ ლიტრ წყალს აცხელებს მოწყობილობა;
• ანთების ტიპი - პიეზო სანთებელა, ელექტრო ანთება, ჰიდროგენერატორი;
• უსაფრთხოება - ღია წვის კამერის მქონე გამათბობლისთვის აუცილებელია მოწყობილობა, რომელიც აკონტროლებს წნევას, ჰიდროკლაპანი (წყლის არარსებობის შემთხვევაში, აგრეგატი ითიშება), ალის მაკონტროლებელი.

მართალია, ცხელი წყალი ჩვენი ოჯახებისთვის წელიწადის ნებისმიერ დროს არის საჭირო, რაკი ზამთარი კარს მოგვდგომია, წყლის გამათბობელი - ხარისხიანი და გამართული, რაღა თქმა უნდა, კიდევ უფრო აქტუალურია. აქედან გამომდინარე, იმედია, ამ უაღრესად საჭირო დანადგარზე ამომწურავი ინფორმაცია მოგაწოდეთ. თუმცა, თუკი დამატებითი კითხვებიც გაქვთ, Holst.ge მზად არის, ყველაფერზე დაწვრილებით გესაუბროთ.

JSD28-14DL02 ერთკამერიანი გაზის წყლის გამათბობელი

• ბრენდი - MIDEA
• პროდუქტის ტიპი - გაზის წყლის გამათბობელი
• სიმძლავრე - 28kw
• ზომა - 679x370x213
• ფერი - თეთრი
• გარანტია - 1 წელი
• შტრიხ-კოდი - 8916081990005
• წონა (კგ) - 11.77
• კვების წყარო - 220-240V
• კამერების რაოდენობა - 1
• მოცულობა - 14 l
• წნევა - 0.3~10bar
• ტემპერატურის მაჩვენებელი - Led Display
• ტემპერატურის რეგულატორი - მექანიკური

KETTLER გაზის წყლის გამათბობელი - JSG12GT-T48 (თეთრი)

• ბრენდი - KETTLER
• პროდუქტის ტიპი - გაზის წყლის გამათბობელი
• სიმძლავრე - 26kw
• ზომა - 522x337x158
• ფერი - თეთრი
• გარანტია - 1 წელი
• შტრიხ-კოდი - 1998070421346
• წონა (კგ) - 10
• კვების წყარო - 220-240V
• კამერების რაოდენობა - 2
• მოცულობა - 12 l
• წნევა - 0.2~10bar
• ტემპერატურის მაჩვენებელი - Led Display
• ტემპერატურის რეგულატორი - სენსორული
• დამატებითი კომპლექტაცია - საკვამური

JSG26-13VL00 ორკამერიანი გაზის წყლის გამათბობელი

• ბრენდი - MIDEA
• პროდუქტის ტიპი - გაზის წყლის გამათბობელი
• სიმძლავრე - 26kw
• ზომა - 660x370x213
• ფერი - თეთრი
• გარანტია - 1 წელი
• შტრიხ-კოდი - 8916081991125
• წონა (კგ) - 14.9
• კვების წყარო - 220-240V
• კამერების რაოდენობა - 2
• მოცულობა - 13 l
• წნევა - 0.2~10bar
• ტემპერატურის მაჩვენებელი - Led Display
• ტემპერატურის რეგულატორი - სენსორული
• დამატებითი კომპლექტაცია - საკვამური