რამდენი საქმეა სახლში გასაკეთებელი - იქ გემრიელი კერძია მოსამზადებელიო, ჭურჭელია დასარეცხიო, სარეცხიც ისე უცბად დაგროვდება ხოლმე, პირადი ჰიგიენაა მისახედი და როგორ გინდა, ამ ყველაფერს ცივი წყლით გაუმკლავდე? დანარჩენს რომ თავი დავანებოთ, ჯერ ერთი, ჭურჭელს ცხიმი არ მოშორდება და უარესი - დილით ცივი შხაპის მიღებას ეხუმრებით?

სწორედ ამ ამბების მოსაგვარებლად, სახლში, ბინაში, აგარაკზე აუცილებელია გაზის წყლის გამათბობელი, რომელიც თბილი, ან თუ გირჩევნიათ - ცხელი წყლით ნებისმიერ დროს მოგამარაგებთ და პრაქტიკულად, იდეალურ კომფორტს შეგიქმნით.

გაზის წყლის გამაცხელებელი და მისი მუშაობის პრინციპი

მუშაობის პრინციპი არც ისეთი რთულია - სისტემიდან მიღებული ცივი წყალი შეედინება თბოგადამცემში, ცხელდება და შემდეგ მომხმარებლამდე მიდის - ეს არის და ეს.

უნდა ითქვას, რომ კომუნალური გადასახადების თვალსაზრისით, გაზის წყლის გამაცხელებელი გაცილებით ეკონომიური გამოდის, ვიდრე მისი ელექტრო „თანამოძმეები“. ამასთან ერთად, სხვა კონკურენტებისგან კომპაქტურობაც გამოარჩევს, რაც არც ისე მცირე სივრცის დაზოგვის საშუალებას იძლევა.

რა წარმადობის წყლის გამაცხელებელი დააკმაყოფილებს თქვენს მოთხოვნებს?

როგორც წესი, წარმადობა მის სიმძლავრეზეა დამოკიდებული. უფრო გასაგებად რომ ვთქვათ, საუბარია იმაზე, რა რაოდენობის, რამდენ ლიტრ წყალს გააცხელებს მოწყობილობა წუთში. ეს ნიშნული, ჩვეულებრივ, 10-დან 15 ლიტრამდე მერყეობს. ანუ, იმ შემთხვევაში, თუკი გამათბობლის სიმძლავრეა 10ლ/წთ-ში, წუთში 10 ლიტრ ცხელ წყალს მიიღებთ.

იმისთვის, რომ შეაფასოთ თქვენთვის საჭირო წარმადობა, ის უნდა იცოდეთ კარგად, ერთდროულად რამდენი ონკანის გამოყენება მოხდება. როგორც წესი, შხაპის მიღებისას დინება 7-8 ლ/წმ-ს უტოლდება ხოლო ონკანის შემთხვევაში, ეს მაჩვენებელი 3-5 ლ/წმ გახლავთ. აქედან შეიძლება დავასკვნათ, რომ კომფორტული მოხმარებისთვის უმჯობესია, გაზის წყლის გამათბობლის წარმადობა 13-14 ლ/წმ ან კიდევ უფრო მეტი, თუკი ცხელი წყლის მასშტაბურ მოხმარებაზეა საუბარი.

რომელი თბოგადამცემია უკეთესი?

გამაცხელებლების უმეტესობა სპილენძის თბოგადამცემით არის აღჭურვილი, თუმცა ყველა მწარმოებელი როდი იყენებს მაღალი ხარისხის სპილენძს, რაც ვარგისიანობის ხანგრძლივობას, ბუნებრივია, ამცირებს.

მაღალი ხარისხის სპილენძისთვის დამახასიათებელია ბზინვარება და ფერი, დაბალი ხარისხის თბოგადამცემი კი, როგორც წესი, დამცავი ნაერთით არის დაფარული, რათა წყლის ზემოქმედებისგან იყოს დაცული. ასევე, ყურადღება უნდა მიექცეს შედუღების ადგილებსაც - შავი წერტილები იმის მანიშნებელია, რომ შედუღება ხელით მოხდა, რაც მსუბუქად რომ ვთქვათ, არც ისე კარგი შედეგების მომტანი იქნება.

უსაფრთხოების წესები

შეძენამდე უნდა დარწმუნდეთ, არის თუ არა აღჭურვილი გამათბობელი გაზის დანადგარისთვის საჭირო უსაფრთხოების საშუალებებით:

• ალის კონტროლის სენსორი - განლაგებულია უშუალოდ მთავარ სანთურთან და აქტიური ალის დროს ელექტროდებს შორის სივრცის იონიზება ხდება, რითაც სიგნალს აძლევს ფიტინგებს, რომ გაზის მიწოდების სარქველი ღია დარჩეს. თუ ალი არ აინთება, გაზის სარქველი გადაიკეტება;
• კვამლსადენის სენსორი - იმ შემთხვევაში, თუკი კვამლსადენის გაწოვა არასაკმარისია, სენსორი მოქმედებაში მოდის და გამათბობელი ითიშება;
• ტემპერატურის კონტროლი - ეს სენსორი აკონტროლებს ტემპერატურას თბოგადამცემში, რათა არ გადააჭარბოს ნიშნულს 100 გრადუსის სიახლოვეს. ექსტრემალური გადახურების შემთხვევაში, მოწყობილობა ითიშება.

ყურადსაღები რეკომენდაციები

• ყურადღებით გაეცანით გაზის წყლის გამათბობლის ინსტრუქციაში მოყვანილ მოთხოვნებს, წესებსა და რჩევებს;
• ხისტი წყალი თბოგადამცემს დროზე ადრე აზიანებს. ამდენად, რეკომენდებულია წყლის სიხისტე შეესაბამებოდეს მაჩვენებელს, რომელიც პასპორტშია მითითებული და საჭიროების შემთხვევაში, უსაფრთხოების საჭირო ზომები მიიღოთ;
• შეეცადეთ, კომფორტული ტემპერატურა მიიღოთ არა ონკანის, არამედ გამათბობლის ღილაკების გამოყენებით;
• გამაცხელებლის შემოწმება რეკომენდებულია წელიწადში ერთხელ;
• აუცილებელია, პერიოდულად შემოწმდეს შენობა, სადაც გაზის წყლის გამათბობელია დამონტაჟებული, განსაკუთრებით იმ შემთხვევაში, თუკი დანადგარი ისეთ სივრცეშია, რომელიც ცუდად ნიავდება.

JSD28-14DL02 ერთკამერიანი გაზის წყლის გამათბობელი

• ბრენდი - MIDEA
• პროდუქტის ტიპი - გაზის წყლის გამათბობელი
• სიმძლავრე - 28kw
• ზომა - 679x370x213
• ფერი - თეთრი
• გარანტია - 1 წელი
• შტრიხ-კოდი - 8916081990005
• წონა (კგ) - 11.77
• კვების წყარო - 220-240V
• კამერების რაოდენობა - 1
• მოცულობა - 14 l
• წნევა - 0.3~10bar
• ტემპერატურის მაჩვენებელი - Led Display
• ტემპერატურის რეგულატორი - მექანიკური

KETTLER გაზის წყლის გამათბობელი - JSG12GT-T48 (თეთრი)

• ბრენდი - KETTLER
• პროდუქტის ტიპი - გაზის წყლის გამათბობელი
• სიმძლავრე - 26kw
• ზომა - 522x337x158
• ფერი - თეთრი
• გარანტია - 1 წელი
• შტრიხ-კოდი - 1998070421346
• წონა (კგ) - 10
• კვების წყარო - 220-240V
• კამერების რაოდენობა - 2
• მოცულობა - 12 l
• წნევა - 0.2~10bar
• ტემპერატურის მაჩვენებელი - Led Display
• ტემპერატურის რეგულატორი - სენსორული
• დამატებითი კომპლექტაცია - საკვამური

JSG22-11VL00 ორკამერიანი გაზის წყლის გამათბობელი

• ბრენდი - MIDEA
• პროდუქტის ტიპი - გაზის წყლის გამათბობელი
• სიმძლავრე - 22kw
• ზომა - 660x370x213
• ფერი - თეთრი
• გარანტია - 1 წელი
• შტრიხ-კოდი - 8916081990692
• წონა (კგ) - 14.28
• კვების წყარო - 220-240V
• კამერების რაოდენობა - 2
• მოცულობა - 11 l
• წნევა - 0.2~10bar
• ტემპერატურის მაჩვენებელი - Led Display
• ტემპერატურის რეგულატორი - სენსორული
• დამატებითი კომპლექტაცია - საკვამური