ახლა ის არ თქვათ, არ მაქვს ელექტრო შალაშინი ჩემი ინსტრუმენტების არსენალშიო და სხვა რაც გინდათ, ის იყოს. მით უფრო, თუ ხელმარჯვე ოსტატობა თქვენთვის უცხო არ არის და კიდევ უფრო მით უფრო, თუ ხელოსანი ხართ - სულ მეზობელი ხომ არ უნდა შეაწუხოთ, სალაშინი მათხოვე და ციმციმ დაგიბრუნებო?..

მოკლედ, უნდა შევთანხმდეთ, რომ ელექტრო შალაშინი ერთ-ერთი ძალიან საჭირო ხელსაწყოა და რაც შეუძლია და როგორ წარმატებებსაც აღწევს, ამაზე საუბარს, რა თქმა უნდა, არ დაგზარდებით.

რისთვის არის საჭირო ელექტრო შალაშინი?

ელექტრო შალაშინი - ეს არის ინსტრუმენტი, რომლის დანიშნულებაც ხის მასალის ზედაპირის სრულყოფილად გათანაბრებაა. შედეგად, მასალა, როგორც წესი, იდეალურად გლუვი ხდება, რადგან ხერხდება უსწორმასწორობის, ყველა სახის დეფექტის აღმოფხვრა.

ხელსაწყო დიდი პოპულარობით სარგებლობს სადურგლო სახელოსნოებსა და ავეჯის ქარხნებში. ყოველდღიურ ცხოვრებაში კი ელექტრო შალაშინის გამოყენება გამართლებულია არა მხოლოდ იმ შემთხვევაში, როცა დიდი სამუშაოა შესასრულებელი, არამედ მაშინაც, თუკი ადამიანს სურს, რასაც აკეთებს, ხარისხიანად გააკეთოს.

რა თქმა უნდა, არსებობს როგორც პროფესიონალური, ისე - საყოფაცხოვრებო ელექტრო შალაშინი.

შალაშინის შეძენისას, ერთ-ერთი პირველი, რასაც ყურადღება უნდა დაუთმოთ, ალბათ, მისი სიმძლავრეა და დეტალური საუბარიც სწორედ ამ მაჩვენებლის მნიშვნელობით დავიწყოთ.

სიმძლავრე - სწორედ სიმძლავრე გახლავთ ელექტრო შალაშინის პოტენციალისა და წარმადობის ძირითადი მაჩვენებელი. პირდაპირ ამაზეა დამოკიდებული დამუშავების სისქე და სიღრმე. ამდენად, როცა ინსტრუმენტის შეძენაზე მიდგება საქმე, გასათვალისწინებელია, რა სახეობის ხის დამუშავება უნდა მოხდეს, როგორ მდგომარეობაში იქნება მასალა და ასე შემდეგ.

მყარი ჯიშებისთვის (მუხა, წიფელი და მსგავსი) მძლავრი მოდელის შერჩევა ჯობს. სხვა შემთხვევაში, შესაძლოა, ის ხარისხი ვერ მიიღოთ, რომელსაც ელოდით და გჭირდებოდათ. აქვე ისიც უნდა ვთქვათ, რომ რაც უფრო მძლავრია მოტორი, მით მეტია საერთო წონა და მასა. ამდენად, თუკი მხოლოდ მცირე მასშტაბის სამუშაოები იგეგმება და თან ხეც მსუბუქი ჯიშისაა (მაგალითად, ფიჭვი), მცირე სიმძლავრის მოდელიც აბსოლუტურად მისაღები იქნება. ასეთი შალაშინი მსუბუქია და ცალი ხელით მუშაობაც უპრობლემოდ არის შესაძლებელი.

მაქსიმალური ბრუნი - შალაშინი დანებიანი ლილვის სიჩქარეს ირეკლავს. ეს ტექნიკური მახასიათებელი მეტად მნიშვნელოვანია. რაც მაღალია ბრუნვის სიჩქარე, ხის ზედაპირიც უფრო ხარისხიანად დამუშავდება.

• დაბალი ბრუნი (10000-13000 ბრუნი წუთში) - იდეალურია უხეში დამუშავებისთვის და მასალაში აგრესიული შეღწევისთვის;
• საშუალო ბრუნი (13000-15000 ბრუნი წუთში) - ასეთი მოდელი უნივერსალურად მიიჩნევა და მრავალფეროვანი დავალების შესრულება შეუძლია;
• მაღალი ბრუნი (19000-მდე) - ასეთი შალაშინი იშვიათად გვხვდება და შესაფერისია ყველაზე სუფთა და გლუვი დამუშავებისთვის.

ხშირად გვხვდება მცდარი წარმოდგენა, თითქოს მძლავრი ინსტრუმენტი აუცილებლად პროფესიონალური ელექტრო შალაშინია. მძლავრი შალაშინი დამუშავების სიღრმის მაღალი მაჩვენებლით შესაძლოა, საყოფაცხოვრებო კლასისაც იყოს, უბრალოდ, მისი რესურსი ხშირ გამოყენებაზე არ იქნება გათვლილი და პირიქით, ხარისხიანი და საიმედო პროფესიონალური მოდელი სავსებით შესაძლებელია, მცირე სიმძლავრის მოტორით იყოს აღჭურვილი.

ეგრონომიკა და ელექტრო სისტემები

ელექტრო შალაშინისთვის ტექნიკური მახასიათებლები უმნიშვნელოვანესი პარამეტრებია, თუმცა არ ღირს უყურადღებოდ დავტოვოთ ინსტრუმენტის გარეგნობა და ეგრონომიკული თვისებები, მასალის ხარისხი, რომლითაც კორპუსია შესრულებული.

• უმჯობესია, თუკი მთავარი სახელური იქნება რეზინში ჩასმული და პერფორირებული, რათა მოხერხდეს ვიბრაციის ჩახშობა და ინსტრუმენტი ხელში ზედმეტად არ ხტოდეს.  შეძენამდე შალაშინის ხელში დაკავება და მისი კომფორტულობის შეგრძნების შემოწმება ზედმეტი სულაც არ იქნება;
• ხის მასალის დამუშავების შემდეგ, ნახერხი მილყელისკენ მიემართება. ნახერხის გამოდევნის მიმართულება შეიძლება იყოს ცალმხრივი ან ორმხრივი. დახვეწილ მოდელს, როგორც წესი, ორმხრივი მილყელი აქვს, რაც ბევრად მოსახერხებელია;
• ყურადღება უნდა მიექცეს შალაშინის საყრდენს, რადგან ის ხომ გახლავთ ნაწილი, რომელიც უშუალოდ ეხება დასამუშავებელ მასალას. ალუმინის შენადნობიანი საყრდენი მარტივად უნდა დასრიალებდეს და ზედაპირზე ნაკაწრებს არავითარ შემთხვევაში არ უნდა ტოვებდეს.

TOLSEN TOL1518-79564 ელ.სახეხი ხელსაწყო 220w

• ბრენდი - TOLSEN
• პროდუქტის ტიპი - ელექტრო შალაშინი
• სიმძლავრე - 220W
• ზომა - 187x92.5mm
• გარანტია - 1 წელი
• შტრიხ-კოდი - 6933528798613
• წონა (კგ) - 1.97
• კვების წყარო - 220-240V
• კომპლექტაცია - მტვრის ყუთი + 3 ცალი სახეხი ქაღალდი
• ბრუნვის სიჩქარე - 6000-12000min

CROWN CT24001HX - შალაშინი ელემენტის გარეშე 20V MAX

• ბრენდი - CROWN
• პროდუქტის ტიპი - ელექტრო შალაშინი
• სიმძლავრე - 20V
• ზომა - სიგანე: 82mm; სიღრმე: 0-1,5mm
• გარანტია - 1 წელი
• შტრიხ-კოდი - 7640186248662
• წონა (კგ) - 2.6
• კვების წყარო - ელემენტი
• ბრუნვის სიჩქარე - 16000min
• მუშაობის სიღრმე - 0-9mm

Dewalt DW680-QS ელექტრო შალაშინი 600W

• ბრენდი - DEWALT
• პროდუქტის ტიპი - ელექტრო შალაშინი
• სიმძლავრე - 600W
• ზომა - სიგრძე: 290mm სიგანე: 82mm დიამეტრი: 54mm
• გარანტია - 1 წელი
• შტრიხ-კოდი - 5011402291458
• წონა (კგ) - 3.2
• კვების წყარო - 220-240V
• კომპლექტაცია - დანა ორმხრივი საჭრელი პირით + პარალელური მიმმართველი + გადამყვანი მტვერსასრუტისთვის
• ბრუნვის სიჩქარე - 0-15000min
• მუშაობის სიღრმე - 0-2.5mm