ინდირა განდის უთქვამს თავის დროზე: „ისტორია საუკეთესო მასწავლებელია ყველაზე ცუდი მოსწავლეებითო“... რა იგულისხმა დიდად პატივცემულმა განდიმ, ამაზე რომ ვიმსჯელოთ, ისე შორს წავალთ, უკან დაბრუნებას კარგა ხანი ვერ შევძლებთ. სამაგიეროდ, იმის თქმა თამამად შეიძლება, რომ საუკეთესო მასწავლებელმა - ისტორიამ ძალიან მნიშვნელოვანი ხელსაწყო შემოგვინახა - სახრახნისი, ჩვენ კი იმდენად კარგი მოსწავლეები აღმოვჩნდით, აგერ, 21-ე საუკუნეში იმის შესაძლებლობა გვაქვს, ჩვეულებრივი რას გვიქვია, უკვე ელექტრო სახრახნისი გამოვიყენოთ, თანაც - დიდი წარმატებით.

რაკიღა ისტორია ვახსენეთ, ეჭვი გვაქვს, ბევრს არ ეცოდინება სახრახნისის შექმნის ამბები და მოდით, ცოტა ვიმოგზაუროთ, სხვათა შორის, საკმაოდ შორეულ წარსულში...

ისტორია

დაგვეთანხმებით, სახრახნისი განსაკუთრებული ინსტრუმენტია, რომლის გამოყენება ჩვეულებრივ მოვლენად არის ქცეული და ძალიან ბევრ რამეშიც გვეხმარება. სახრახნისს მთელ მსოფლიოში იყენებენ სრულიად განსხვავებული კატეგორიის ადამიანები: ავიაკოსმოსური სფეროს სპეციალისტებიდან დაწყებული, რიგითი ობივატელით დამთავრებული; იყენებენ სხვადასხვა მექანიზმების ასაწყობად, საბავშვო კონსტრუქტორი იქნება, თუ - მაღალტექნოლოგიური მოწყობილობა.

მიიჩნევა, რომ სახრახნისი მე-17 საუკუნეში გამოიგონეს, თუმცა არაოფიციალური ვერსია მის გამოჩენას მინიმუმ მე-16 საუკუნეს უკავშირებს.

ჩვენამდე მოღწეულია არა მხოლოდ ნაკეთობათა ნიმუშები, რომელთა ანალიზი ცხადყოფს, რომ სახრახნისი შორეულ წარსულშიც გამოიყენებოდა, არამედ მოიპოვება დოკუმენტური მტკიცებულებებიც. კერძოდ, გერმანელი მეცნიერის, გეორგ აგრიკოლას 1556 წელს გამოცემულ წიგნში, სახელწოდებით: „ლითონების შესახებ“, გამოსახულია სამაგრი ხრახნი, რომელიც დიდად სულაც არ განსხვავდება თანამედროვე „მოძმეებისგან“ და ცხადია, ჭრილი ზედა ნაწილზე არა სილამაზისთვის, არამედ იმ მიზეზით აქვს დატანილი, რომ სახრახნისი მოერგოს.

სახრახნისის ისტორიას კიდევ ერთი ცნობილი ადამიანის სახელი უკავშირდება. მეორე მსოფლიო ომამდე ცოტა ხნით ადრე ამერიკელმა გამომგონებელმა და ბიზნესმენმა, ჰენრი ფილიპსმა ხრახნების წარმოება დაიწყო. საუბარია დღეს უკვე კარგად ცნობილ ხრახნზე, რომელსაც ფიგურული სახრახნისი ერგება.

ფილიპსის გამოგონება სათანადოდ დააფასეს „ჯენერალ მოტორსის“ მესვეურებმა, რომლებმაც გამოყენება მალევე გამოუძებნეს და „კადილაკის“ მარკის ავტომობილებში აწყობის პროცესს წარმატებით მოარგეს.

სახრახნისის ისტორია დღესაც წარმატებით იწერება - არსებობს ნახევრად ავტომატური სახრახნისები, ხოლო მრავალფეროვანი თავაკების მქონე ელექტრო სახრახნისი კი საერთოდაც, ისე უმარტივებს ადამიანს მუშაობას, მცირე ფიზიკურ დატვირთვასაც არ ითხოვს.

რა ნიშნებით არის გამორჩეული ელექტრო სახრახნისი

• კომპაქტურობა;
• სიიაფე;
• კომფორტულობა;
• მსუბუქი წონა;
• მაგნიტური წვერი ჭანჭიკების შესამაგრებლად;
• სხვადასხვა სიჩქარე განსხვავებული სამუშაოებისთვის.

ელექტრო სახრახნისის დანიშნულება და გამოყენების სფეროები

ინსტრუმენტის მთავარი დანიშნულება ხრახნების, ჭანჭიკებისა და სხვა დეტალების კედლებში, ინტერიერის საგნებსა და სხვა ზედაპირებში დამაგრებაა. სახრახნისის გამოყენება შეიძლება სარემონტო სამუშაოებისას, სხვადასხვა სახეობის ავეჯის აწყობისას, ფანჯრების ღიობებისა და თავად ფანჯრების მონტაჟისას, ელექტრო მოწყობილობების შეკეთებისთვის, კომპიუტერული ტექნიკის მომსახურებისთვის და ასე შემდეგ და ასე შემდეგ

თანამედროვე ელექტრო სახრახნისს მნიშვნელოვანი უპირატესობა გამოარჩევს. მისი გამოყენება მარტივია უსადენოდ. ამის წყალობით, მოწყობილობა შეიძლება გამოყენებულ იქნას ძნელად მისადგომ ადგილებში, შენობის გარეთ, სადაც არ არის წვდომა ელექტროენერგიაზე, მაგალითად, საავტომობილო აღჭურვილობის შეკეთებისას ავტოფარეხებში და ავტოსადგომებში.

სხვა ყველაფერთან ერთად, ელექტრო სახრახნისი აღჭურვილია დამატებითი შესაძლებლობებით, რაც ხელსაწყოს გამოყენების სფეროებს მნიშვნელოვნად აფართოებს.

ტექნიკური მახასიათებლები

ელექტრო სახრახნისს შემდეგი ტექნიკური პარამეტრები გამოარჩევს:

• სიმძლავრე ან ძაბვა. ამ მაჩვენებელზეა დამოკიდებული მოწყობილობის მარგი ქმედების კოეფიციენტი. მახასიათებელი ცვალებადია და პირდაპირ დამოკიდებულია დატენვის დონეზე. რაც მეტად დატენილია ელემენტი, ინსტრუმენტი მით უფრო აქტიურად და ხანგრძლივად მუშაობს;
• ელემენტის ტიპი - სულ სამი სახეობა გამოიყენება: ნიკელ-კადმიუმიანი, ჰიბრიდული ნიკელ-ლითონისა და ლითიუმ-იონური აკუმულატორები. პირველი ვარიანტი ყველაზე ხელმისაწვდომია ფასის მხრივ. მარტივად ადაპტირდება ტემპერატურული რეჟიმების ცვლილებებთან, ხოლო ექსპლოატაციის ვადა 1000 დამუხტვით განისაზღვრება. ლითიუმ-კადმიუმიანი მოდელი ყველაზე დიდი ტევადობისაა და მცირე ზომებითაც გამოირჩევა, თუმცა ღირებულება საკმაოდ მაღალია. რაც შეეხება ჰიბრიდულს, დამუხტვა შთამბეჭდავი დროით ჰყოფნის, თუმცა პირველისგან განსხვავებით, ექსპლოატაციის ვადა შედარებით ნაკლები აქვს;
• ელემენტის ტევადობა - მაჩვენებელი მოქმედებს ინსტრუმენტით მუშაობის დროზე. ენერგიის ხარჯვა არათანაბრად ხდება და პირდაპირ კავშირშია რეჟიმზე, რომელიც კონკრეტულ დროს არის მოწყობილობაზე დაყენებული;
• ბრუნვის მომენტი - განისაზღვრება მასალასთან შეხებისას;
• საცმის ბრუნების რაოდენობა - დამოკიდებულია სიმძლავრეზე. ამდენად, არჩევანის გაკეთებამდე, კარგად უნდა გქონდეთ განსაზღვრული, კონკრეტულად, რა ტიპის სამუშაოები გაქვთ შესასრულებელი.

როგორ უნდა შეარჩიოთ ელექტრო სახრახნისი

შერჩევის მნიშვნელოვანი კრიტერიუმია მოწყობილობის სახელურის ფორმა, ელემენტის სიმძლავრე და ტევადობა. ასევე, მოწყობილობას უნდა დაერთოს თავაკები, რომლებიც შესასრულებელი სამუშაოს სირთულის მიხედვით შეიძლება შეიცვალოს. მნიშვნელოვანია გავითვალისწინოთ, რომ იაფი სახრახნისი ხარისხით დიდად ვერ დაიკვეხნის, ამდენად, ვერც დიდხანს მუშაობის რესურსი გამოარჩევს. უმჯობესია, უპირატესობა უფრო ძვირიან მოდელებს მიანიჭოთ.

მისაღები მახასიათებლებითა და გამძლეობით გამოირჩევა ლითიუმ-იონური ელემენტების მქონე ინსტრუმენტი. უმჯობესია არჩევანი შეაჩეროთ უსადენო სახრახნისს, რომელიც დამატებითი ფუნქციებით არის აღჭურვილი. მათ შორის ყველაზე გავრცელებულია: ბრუნების სიჩქარის კონტროლი, სახელურის რამდენიმე პოზიცია, რევერსი.

დასკვნა

ხელსაწყოს გამოარჩევს კომპაქტური ზომა, აქვს მისაღები ღირებულება. მისი გამოყენება მარტივია არა მხოლოდ საშინაო საჭიროებისთვის, არამედ სამშენებლო ინდუსტრიაში, მაგალითად, დიდ საწარმოებსა და საწყობებში. ელექტრო სახრახნისის მრავალი განსხვავებული მოდელი არსებობს, რომლებიც განსხვავდებიან სიმძლავრით, გარეგნობითა და დანიშნულებით და რომელთა შერჩევა Holst.ge-ზე ძალიან მარტივად შეგიძლიათ.

B&D CS3651LC-XK-ელ. სახრახნისი 3.6V

• ბრენდი - BLACK&DECKER
• პროდუქტის ტიპი - ელექტრო სახრახნისი
• სიმძლავრე - 3.6V
• ელემენტი - 1.5Ah
• დატენვის ხანგრძლივობა - 15hrs
• გარანტია - 1 წელი
• შტრიხკოდი - 5035048477526
• წონა (კგ) - 1.24
• კვების წყარო - ელემენტი
• ბრუნვის სიჩქარე - 0-180min
• ბრუნვის მომენტი - 5Nm
• ვაზნის დიამეტრი - HEX 1/4''
• ფუნქციები - რევერსი
• დამატებითი კომპლექტაცია - 1 ელემენტი + დამტენი

TOL1781-79036 ხრახნმჭერი ელემენტზე 12V

• ბრენდი - TOLSEN
• პროდუქტის ტიპი - ელექტრო სახრახნისი
• სიმძლავრე - 12v
• ელემენტი - 1.5Ah
• დატენვის ხანგრძლივობა - 1hrs
• გარანტია - 1 წელი
• შტრიხკოდი - 6933528789642
• წონა (კგ) - 1.32
• კვების წყარო - ელემენტი
• ბრუნვის სიჩქარე - 0-400/0-1500
• ბრუნვის მომენტი - 28Nm
• ვაზნის დიამეტრი - 0.8-10mm
• მაქს. ბურღვა (ხე; მეტალი) - 21mm/10mm
• ფუნქციები - რევერსი
• დამატებითი კომპლექტაცია - დამტენი + ელემენტი

CROWN CT21055L-ელექტრო სახრახნისი 14,4v

• ბრენდი - CROWN
• პროდუქტის ტიპი - ელექტრო სახრახნისი
• სიმძლავრე - 14.4V
• ელემენტი - 1.5Ah
• დატენვის ხანგრძლივობა - 1hrs
• გარანტია - 1 წელი
• შტრიხკოდი - 7640177420022
• წონა (კგ) - 1.02
• კვების წყარო - ელემენტი
• ბრუნვის სიჩქარე - 0-400/0-1400min
• ბრუნვის მომენტი - 19/30Nm
• ვაზნის დიამეტრი - 0.8-10mm
• მაქს. ბურღვა (ხე; მეტალი) - 28mm/10mm
• ფუნქციები - რევერსი
• დამატებითი კომპლექტაცია - 2 ელემენტი + დამტენი + ქეისი

Bosch GSB 180 LI - ელექტრო სახრახნისი 18V;2x2,0Ah Case

• ბრენდი - BOSCH
• პროდუქტის ტიპი - ელექტრო სახრახნისი
• სიმძლავრე - 18v
• ელემენტი - 2Ah
• გარანტია - 1 წელი
• შტრიხკოდი - 06019F8307
• წონა (კგ) - 1.6
• კვების წყარო - ელემენტი
• ბრუნვის სიჩქარე - 0-500/0-1900min
• ბრუნვის მომენტი - 21Nm/54Nm
• ვაზნის დიამეტრი - 1.5-13mm
• მაქს. ბურღვა (ხე; მეტალი) - 35mm/10mm
• ფუნქციები - რევერსი
• დამატებითი კომპლექტაცია - 2 ელემენტი + დამტენი + ქეისი