რთულია, რომელიმე ხელსაწყო გამოარჩიო და თქვა, რომ აი, ზუსტად ეს არის, რაც ყველაზე აუცილებელია, თუმცა, სამართლიანობისთვის უნდა ვთქვათ, რომ ლაზერული თარაზო ნამდვილად არის ერთ-ერთი ყველაზე აუცილებელი ინსტრუმენტი, რომელიც ნებისმიერ ადამიანს სჭირდება, ვინც მაგალითად, სარემონტო სამუშაოებს ასრულებს. თუმცა, რაღა თქმა უნდა, რემონტი არ არის ერთადერთი, სადაც ლაზერული თარაზო ფასდაუდებელ დახმარებას გვიწევს.

დავიწყოთ ამ ინსტრუმენტზე საუბარი და უკეთ გავერკვეთ, რატომ არის ლაზერული თარაზო ხელმარჯვე ოსტატების ხელმარჯვე დამხმარე:

- რა არის ლაზერული თარაზო?

ჩვეულებრივი თარაზოს გამოყენების შემთხვევაში, საჭიროა, დააკვირდეთ, როგორ მოძრაობს ჰაერის ბუშტი - როცა იგი ზუსტად შუაში ჩერდება, ესე იგი, ზედაპირი სწორია. გაცილებით მარტივად შეიძლება ამ ამოცანის შესრულება ლაზერული თარაზოს გამოყენებით.

ხელსაწყო ზედაპირზე მკვეთრ სხივს ან სხივებს აჩენს, გააჩნია მოდელს. სხივი მეტად მოსახერხებელია, როგორც ორიენტირი: აღარ არის საჭირო, მანძილი ე.წ. რულეტკით გაზომოთ, შემდეგ კი ე.წ. რეიკები გამოიყენოთ, რომ ბოლოს სწორი ხაზი ფანქრით გაავლოთ.

ლაზერული თარაზო ყველაფერს თავად აკეთებს. მაგალითად, დახრილ ზედაპირზე დაყენებისას ის ავტომატურად მიიღებს ჰორიზონტალურ პოზიციას. თუ დახრილობა ძალიან დიდია, ხელსაწყო მიანიშნებს, რომ ვერ რეგულირდება და საჭიროა ადგილის შეცვლა.

- რას უნდა მიაქციოთ ყურადღება ლაზერული თარაზოს შერჩევისას

დავიწყოთ იმით, რომ ლაზერული თარაზო შეიძლება იყოს საყოფაცხოვრებო და პროფესიონალური.

მცირე რემონტისთვის ბინასა თუ კერძო სახლში საყოფაცხოვრებო ლაზერული თარაზო აბსოლუტურად საკმარისია, რაც შეეხება პროფესიონალურს, მას მასშტაბურ მშენებლობებზე იყენებენ და საყოფაცხოვრებოსთან შედარებით, ფასი მაღალი აქვს. შესაბამისად, თუკი სამშენებლო კომპლექსის აშენება არ გაქვთ გეგმაში, უმჯობესია, საყოფაცხოვრებო მოდელი შეიძინოთ.

• დატენის მეთოდი - ლაზერული თარაზო მუშაობს როგორც ჩაშენებული აკუმულატორით, რომლის დატენაც როზეტიდან შეიძლება, ისე ელემენტებით.
• გაზომვების სიზუსტე - თუ სიზუსტე ერთ მეტრზე 0,5 მილიმეტრია, მაშინ, როცა მანძილი თარაზოდან კედლამდე 10 მეტრს აღწევს, ცდომილება დაახლოებით 5 მილიმეტრამდეა.

საყოფაცხოვრებო მოდელების ცდომილება 0,3-დან 1,5 მილიმეტრამდეა, პროფესიონალურის შემთხვევაში - 0,2 მილიმეტრამდე.

• სხივების რაოდენობა და ფერები - მოდელების უმეტესობა ორი ხაზის პროეცირებას ახდენს: ვერტიკალურისა და ჰორიზონტალურის.

ლაზერული თარაზოს სხივების მაქსიმალური რაოდენობა 16-ია, რაც მოდელზეა დამოკიდებული. ამასთან ერთად, ზოგიერთ მოდელს შეუძლია სხივები 360 გრადუსით განალაგოს. ანუ, მოწყობილობა იდგმება ოთახის შუაში, მოქმედებაში მოყვანის შემდეგ კი სხივების გენერირებას საკუთარი თავის გარშემო ახდენს, რაც ძალიან კომფორტულია, მაგალითად, ოთახების გადატიხვრის დროს.

რაც შეეხება ფერებს, სხივები შეიძლება იყოს წითელი და მწვანე. მიიჩნევა, რომ მწვანე ფერის სხივი უკეთესია ქუჩაში მუშაობის დროს - მზეზე უკეთ ჩანს. შენობის შიგნით კი ფერს გადამწყვეტი მნიშვნელობა დიდად არ აქვს.

• სხივის ფორმირების დიაპაზონი - ბინაში მუშაობის დროს საკმარისია 15-20 მეტრი, ქუჩაში - ბევრად მეტია საჭირო.
• შტატივზე დამაგრების შესაძლებლობა - შტატივი საშუალებას იძლევა, ლაზერული თარაზო საჭირო სიმაღლეზე დაფიქსირდეს. შტატივის კუთხვილის სტანდარტული ზომა 1/4 დიუმია. მძიმე მოწყობილობებისთვის - 5/8 დიუმი. მინი შტატივი გამოსადეგია საყოფაცხოვრებო გამოყენებისთვის. კომფორტულია შენახვა და გადატანა.
• დაცვა და შენახვა - როგორც ზემოთ აღვნიშნეთ, ლაზერული თარაზო ნებისმიერი სახის რემონტისთვის არის საჭირო. თუმცა, რაკიღა ამ პროცესს ყოველთვის ახლავს მტვერი, აუცილებელია, მოწყობილობა, პირველ რიგში, სწორედ მტვრისგან დაიცვათ. გარდა ამისა, რეკომენდებულია, არ შეინახოთ ნესტიან ადგილებში.

TOLSEN TOL1572-35141 ლაზერული თარაზო 20M

• ბრენდი - TOLSEN
• პროდუქტის ტიპი - ლაზერული თარაზო
• დიაპაზონი - 20 m
• გარანტია - 1 წელი
• შტრიხ-კოდი - 6933528735632
• წონა (კგ) - 0.55
• კვების წყარო - 2xAA ელემენტი
• კომპლექტაცია - ჩანთა
• სიზუსტე - ±0.3 mm/10m
• ლაზერი - 635 Nm Arima
• შტატივის ხრახნი - 1/4''
• ლაზერის ფერი - წითელი

CROWN CT44047 - ლაზერული თარაზო 30m

• ბრენდი - CROWN
• პროდუქტის ტიპი - ლაზერული თარაზო
• დიაპაზონი - 30 m
• გარანტია - 1 წელი
• შტრიხ-კოდი - 7640177425058
• წონა (კგ) - 0.85
• კვების წყარო - 4xAA ელემენტი
• ლაზერის პროექცია - 1V 1H
• სიზუსტე - ±3 mm / 10m
• ლაზერი - 520 Nm II კლასი
• შტატივის ხრახნი - 1/4''
• თვითგასწორების დრო და დიაპაზონი - <=4 წ/± 4o
• ლაზერის ფერი - მწვანე

Dewalt DW0811-XJ ლაზერული თარაზო

• ბრენდი - DEWALT
• პროდუქტის ტიპი - ლაზერული თარაზო
• დიაპაზონი - 30 m
• გარანტია - 1 წელი
• შტრიხ-კოდი - 5035048475942
• წონა (კგ) - 1.9
• კვების წყარო - 3xAA ელემენტი
• კომპლექტაცია - ქეისი + 3x ელემენტი
• სიზუსტე - ±0.4 mm/m
• ლაზერი - I კლასი
• შტატივის ხრახნი - 1/4''
• თვითგასწორების დრო და დიაპაზონი - <=4 წ/± 4o
• ლაზერის ფერი - წითელი