არა და არა, სულაც არ ჟღერს უცნაურად, რომ შესაძლოა, ერთი ჩვეულებრივი ხელსაწყო ხელოსნის, ოსტატის განვითარებისთვის ერთ-ერთი აუცილებელი პირობა გახდეს. სინამდვილეში, „ერთი ჩვეულებრივი ხელსაწყო“ უფრო ჟღერს უცნაურად, რადგან ლობზიკი, იგივე ბეწვა ხერხი, ძალიან ბევრი მიზეზით გახლავთ „ერთი ძალიან აუცილებელი“ და აი, რატომ:

რატომ არის ბეწვა ხერხი „ძალიან აუცილებელი“ და რისთვის არის საჭირო?

ლობზიკის დახმარებით ყველაზე განსხვავებული ოპერაციების შესრულება შეიძლება: გრძივი, განივი, ფიგურული ჭრა, უზუსტესი კვეთა, სხვადასხვა დიამეტრის მქონე მრგვალი თუ მართკუთხა ხვრელების დატანა კონკრეტულ მასალაზე. ინსტრუმენტის კონსტრუქცია და გამოყენების პრინციპი იმდენად მარტივია, რომ მასთან „დამეგობრება“ ნებისმიერ ადამიანს შეუძლია, თუნდაც მსგავს მექანიზმებთან შეხება წარსულში არასოდეს ჰქონოდა.

ბეწვა ხერხის კონსტრუქცია მოიცავს ალუმინის ან ფოლადისგან დამზადებულ საყრდენი მიმართულების პლატფორმას, რომელიც აფიქსირებს მას დამუშავებისთვის საჭირო კუთხით, რაც მასალის მაღალი სიზუსტით ჭრის საშუალებას იძლევა.

ლობზიკი გამოიყენება სხვადასხვა სიმკვრივის მასალებთან. ღერძის ბრუნვის შეცვლით მუშავდება ლითონი, ხე, პლასტმასა. აქვე უნდა ითქვას, რომ საჭიროა ფოლადისათვის მინიმალური სიჩქარის განსაზღვრა, რათა თავიდან იქნეს აცილებული გადახურება.

ლობზიკი და მისი მუშაობის პრინციპი

მისი მუშაობის საფუძვლად გამოყენებულია ელექტროენერგიის მექანიკურ ენერგიად გარდაქმნა. ელექტროენერგიის გავლენით მოძრაობს როტორი და მოქმედებაში რედუქტორი მოჰყავს. თავის მხრივ, ეს უკანასკნელი განაპირობებს ხერხის პირის მოძრაობას, რომელიც ლობზიკის საყრდენი ზედაპირის პერპენდიკულარულად არის განთავსებული.

ელექტრო ლობზიკის ძირითადი კონსტრუქციული ელემენტებია:

• კორპუსი - დამზადებულია პლასტიკისგან, დანიშნულება კი ინსტრუმენტის შიდა ელემენტების მექანიკური დაზიანებებისგან დაცვა და ასევე, გარე კომპონენტების დამაგრებაა. შიდა ნაწილში განლაგებულია ელექტრომოტორი და ხერხის პირის მოქმედებაში მოყვანის სისტემა;
• სახელური - მისი დახმარებით ხდება ინსტრუმენტის ხელში ჭერა და მიმართულების მიცემა;
• საყრდენი ზედაპირი - გამოიყენება მასალის ზედაპირთან კონტაქტისთვის. ჩვეულებრივ, მზადდება ალუმინის ან სხვა რომელიმე ლითონისგან;
• ხერხის პირი - მთავარი სამუშაო ელემენტი. დანიშნულება მარტივად მისახვედრია - სასურველი მასალის ჭრა.

ასევე, კორპუსზე განლაგებულია დამხმარე ელემენტები, ისეთი, როგორიცაა: ჩართვის ღილაკი, დამცავი გარსაცმი, ნახერხის ექსტრაქტორი და ხერხის პირის შეღწევის სიღრმის რეგულატორი.

ელექტრო ლობზიკის კომპლექტში შეიძლება შედიოდეს - პარალელური საბჯენი, ლაზერული ინდიკატორები და ასე შემდეგ.

რა არის ვიბრაციული სვლა

ელექტრო ლობზიკი უამრავი დამატებითი ფუნქციით არის აღჭურვილი, რომელთა შორის აღნიშვნას იმსახურებს ხერხის პირის ვიბრაციული სვლა.

ვიბრაციული სვლა - ხერხის პირის მოქმედების ამპლიტუდის გაზრდა ელექტრო ლობზიკის გრძივი ღერძის მიმართ.

აღნიშნული ფუნქცია რბილ მასალასთან მუშაობისას გამოიყენება, მაგალითად, ფანერა.

გაითვალისწინეთ, რომ ვიბრაციული სვლის გამოყენება არ არის რეკომენდებული დეკორატიულ მასალაზე მუშაობის დროს.

როგორ უნდა შეარჩიოთ ბეწვა ხერხი

დასაწყისშივე უნდა შევთანხმდეთ, რომ ზუსტად უნდა იყოს განსაზღვრული, ზუსტად უნდა იცოდეთ, კონკრეტულად რისთვის აპირებთ ამ ხელსაწყოს გამოყენებას.

რაკიღა ამაზე შევთანხმდით, ისიც ვთქვათ, რომ ყველა ლობზიკი არ არის იდეალური ნიმუში, რომელიც მომხმარებელს ყველა პარამეტრით შეესაბამება. ზოგიერთისთვის პირველ რიგში, მნიშვნელოვანია ისეთი მაჩვენებლები, როგორიცაა ინსტრუმენტის სიმძლავრე, სიჩქარე და კვეთის მაქსიმალური სიღრმე. სხვებისთვის - წინა პლანზეა ის ფაქტორი, რომელ კლასს მიეკუთვნება აპარატი. როგორც პირველ, ისე მეორე შემთხვევაში შეიძლება იყოს პლუსებიცა და მინუსებიც. მაგალითად, საყოფაცხოვრებო ბეწვა ხერხი შესაძლოა, გარკვეულ ოპერაციებში პროფესიონალურს აღემატებოდეს.

მოკლედ გამოვყოთ შემდეგი მომენტები:

• წონა და სიმძლავრე - მძლავრ ინსტრუმენტს წონაც შესაბამისი აქვს, რასაც მუშაობისას მეტი ძალა და დრო სჭირდება. სახლის პირობებში გამოყენებისას აბსოლუტურად საკმარისია საყოფაცხოვრებო კლასის ლობზიკი;
• დანიშნულება - თუკი მცირე რემონტი დაგეგმეთ, ამ შემთხვევაშიც, არჩევანი საყოფაცხოვრებო მოდელზე უნდა შეაჩეროთ. პროფესიონალურის შეძენა გამართლებული მხოლოდ მაშინ იქნება, თუკი ინსტრუმენტი ხშირად უნდა გამოიყენოთ, ხოლო სტაციონარული - თუკი ავეჯს ამზადებთ.

B&D BDCJS18N-XJ - ელექტრო ხერხი, დამტენის და ელემენტის გარეშე 18V

• ბრენდი - BLACK&DECKER
• პროდუქტის ტიპი - ბეწვა ხერხი
• სიმძლავრე - 18V
• ზომა - 18mm
• გარანტია - 1 წელი
• შტრიხ-კოდი - 5035048630310
• წონა (კგ) - 2.22
• კვების წყარო - ელემენტი
• კომპლექტაცია - ელემენტის გარეშე
• ბრუნვის სიჩქარე - 0-2500min
• ფუნქციები - დახრის კუთხე 0° - 45°
• მუშაობის სიღრმე - ხე: 55mm ფერადი ლითონი: 20mm მეტალი: 5mm

DEWALT DWE349-QS ბეწვა ხერხი 650W

• ბრენდი - DEWALT
• პროდუქტის ტიპი - ბეწვა ხერხი
• სიმძლავრე - 650W
• ზომა - 20mm
• გარანტია - 1 წელი
• შტრიხ-კოდი - 5054905298470
• წონა (კგ) - 3.25
• კვების წყარო - 220-240V
• ბრუნვის სიჩქარე - 500-3200min
• მუშაობის სიღრმე - ხე: 85mm ფერადი ლითონი: 20mm მეტალი: 10mm

CROWN CT25003HX ელექტრო ხერხი "ლობზიკი" 20 V Max

• ბრენდი - CROWN
• პროდუქტის ტიპი - ბეწვა ხერხი
• სიმძლავრე - 20V
• ელემენტი - 4Ah
• დატენის ხანგრძლივობა - 1hrs
• ზომა - 26mm
• გარანტია - 1 წელი
• შტრიხ-კოდი - 7640177424778
• წონა (კგ) - 2.8
• კვების წყარო - ელემენტი
• ბრუნვის სიჩქარე - 700-3000min
• მოტორი - უნახშირო
• ფუნქციები - დახრის კუთხე 0° - 45°
• მუშაობის სიღრმე - ხე: 85mm ფერადი ლითონი: 20mm მეტალი: 10mm