ნებისმიერი გამოწვევისთვის მზად უნდა ვიყოთ, შენ ხარ ჩემი ბატონი: გვალვა იქნება თუ ხოშკაკალი, ავდრიანობა თუ დარიანობა - ჩვენს მცენარეებს, ბაღ-ვენახ-ყანებს ხეირიანი მორწყვა კარგ ამინდშიც სჭირდება და თუკი ციდან წვიმის ერთი წვეთიც კი არ ვარდება, თავადაც იცით, საქმეში მაშინვე სარწყავი შლანგი უნდა ჩაერთოს.

თუმცა, ადამიანს, რომელმაც პირველად უნდა შეიძინოს სარწყავი შლანგი, შესაძლოა, მოეჩვენოს, რომ ნებისმიერი მათგანი ერთნაირია. სინამდვილეში, გარეგნული მსგავსების მიუხედავად, შლანგს უამრავი მახასიათებელი აქვს და შესაბამისად, შესაძლებლობები. რა და როგორ არის, ახლავე ყველაფერს მოგახსენებთ.

შერჩევის კრიტერიუმები

არასწორი შლანგის შერჩევას არაერთი პრობლემის გამოწვევა შეუძლია: წყლის გაჟონვა, სწრაფი ცვეთა, სუსტი მორწყვა, მცენარეების დაზიანება და ასე შემდეგ. ამდენად, მნიშვნელოვანია, შერჩევის საკვანძო კრიტერიუმები გაითვალისწინოთ:

• მასალა;
• შრეების რაოდენობა;
• სიგრძე;
• შიდა დიამეტრი;
• სამუშაო წნევა.

არ გაგიკვირდებათ, თუკი გეტყვით, რომ მცენარეების ეფექტიანად მოვლის მხრივ სარწყავი შლანგის სწორად შერჩევას გადამწყვეტი მნიშვნელობა აქვს. ის არა მხოლოდ მორწყვის სპეციფიკურ მოთხოვნებს უნდა შეესაბამებოდეს, არამედ გამძლე და კომფორტულად მოსახმარი უნდა იყოს.

მასალა

სარწყავი სხვადასხვა მასალისგან მზადდება. მაგალითად, გამოიყენება რეზინი, სილიკონი, ნეილონი, თუმცა, ყველაზე პოპულარული პოლივინილქლორიდია, „პევეხას“ რომ ვუწოდებთ. ეს არის ფასისა და ხარისხის ოპტიმალური თანაფარდობა.

პოლივინილქლორიდის შლანგის უპირატესობებია:

• უძლებს 20-30 ბარამდე წნევას - შესაძლებელია ტუმბოებსა და სხვა მოწყობილობებს მიუერთოთ;
• არ კარგავს თვისებებს ტემპერატურების ფართო დიაპაზონისას - გამოყენებას შეძლებთ ცელსიუსით -10-დან +50 გრადუსის პირობებში;
• არმირებულია - ზეგამძლე პოლიამიდის ძაფი გადატეხისგან და ზოგადად, ნაადრევი დაზიანებისგან იცავს;
• აქვს გლუვი შიდა კედლები - მცენარეების მორწყვისას წყლის სტაბილურ წნევას უზრუნველყოფს;
• არ აქვს დიდი წონა - სადაც მოგესურვებათ, ყველგან მარტივად გადაიტანთ.

თანამედროვე მოდელების უმეტესობას მზის სხივებისგან დამატებითი დაცვაც აქვს, რაც მათ გახუნების საშუალებას არ აძლევს. გაუმჭვირვალე შიდა ფენა ხელს უშლის შიგნით წყალმცენარეების წარმოქმნას. მრავალშრიანი სარწყავი შლანგები 35 წლამდე ძლებს.

შრეების რაოდენობა

სარწყავი შლანგი სხვადასხვა რაოდენობის შრეებით იწარმოება, რაც გავლენას ახდენს მის სიძლიერეზე, მოქნილობასა და მომსახურების ხანგრძლივობაზე:

• ერთ შრიანი - გამოდგება შედარებით ხანმოკლე გამოყენებისთვის;
• ორ შრიანი - ძალიან კარგია გაზონების, ბუჩქების, ყვავილების მორწყვისთვის. არის საკმაოდ მოქნილი და გამძლე დეფორმაციის მიმართ;
• სამ და ოთხ შრიანი - აერთიანებს სიმტკიცეს, გამძლეობას, მოქნილობასა და ყველა სხვა დადებით თვისებას. გამოდგება მორწყვის ფართო სპექტრისთვის, მათ შორის, დიდი გაზონების, ბაღებისა და ასე შემდეგ.

სამ და ოთხ შრიანი შლანგი ყველაზე გავრცელებული და უნივერსალურია. არის ძალიან გამძლე და დაკისრებული მოვალეობას წლების მანძილზე პირნათლად შეასრულებს. რეკომენდებულია არა მხოლოდ პირადი, არამედ კომერციული გამოყენებისთვისაც.

სიგრძე

1. გაზომეთ მოსარწყავი ზონა.

2. გამოთვალეთ სარწყავი შლანგის სიგრძე. პირველ პუნქტში მიღებული შედეგი 2-ზე გაყავით.

ესეც მაგალითი: თუ სარწყავი ზონის პერიმეტრი 40 მეტრია, მაშინ შლანგის მინიმალური სიგრძე 20 მეტრი გამოდის: 40:2=20. სარწყავი შლანგი სტანდარტული სიგრძით მზადდება, უფრო ხშირად 25 და 50 მეტრი. ჩვენი მაგალითისთვის შესაფერისია 25 მეტრის სიგრძის შლანგი.

სამუშაო წნევა

შესაფერისი სამუშაო წნევის მქონე შლანგის არჩევით თქვენი სარწყავი სისტემის უსაფრთხოებასა და ეფექტიანობას უზრუნველყოფთ. თუ ის ძალიან დაბალია, წყლის წნევა დაზარალდება, ხოლო თუ ძალიან მაღალია, ეს გამოიწვევს სარწყავი შლანგის გახეთქვას.

შიდა დიამეტრი

სარწყავი სისტემა რომ იდეალურად აეწყოს, ქუროები, გადამყვანები, საქშენები, ბუნიკები, ყველა კომპონენტი შიდა დიამეტრს უნდა ემთხვეოდეს.

თუ უკვე გაქვთ ზოგიერთი ნაწილი, კარგად გაზომეთ და შლანგიც შესაბამისი ზომის იყიდეთ. თუ არა, იხელმძღვანელეთ ტუმბოს ან წყალმომარაგების სისტემის გარშემოწერილობით, რომელსაც აღჭურვილობას დააკავშირებთ.

შია დიამეტრის გავრცელებული ზომებია:

• 1/2'' – 12,5 მმ;
• 5/8'' – 15 მმ;
• 3/4'' – 19 მმ.

რეკომენდაციები

• შეინახეთ გრილ, ბნელ და მშრალ, მზის პირდაპირი სხივებისგან დაცულ ადგილას.
• გაასუფთავეთ შენახვის წინ, წყალი შიგნიდან მაქსიმალურად უნდა გამოდევნოთ.
• მექანიკური დაზიანებებისგან დასაცავად ჩამოკიდეთ ვერტიკალურ.
• გამოიყენეთ ქუროები და დამაერთებლები, რომლებიც გაჟონვის თავიდან ასაცილებლად შლანგს მყარად ერგება.
• პერიოდულად უნდა გაწმინდოთ ნარჩენებისა და ნადებისგან.
• რეგულარულად შეამოწმეთ, ხომ არ დაზიანდა.
• დაზიანებებს წყალგაუმტარი ლენტით „უმკურნალეთ“.
• მოაძვრეთ ონკანს და გადაწურეთ წყალი ყოველი გამოყენების შემდეგ.

Lux Garden LGH სარწყავი შლანგი Anti-Torsion (Plus) 1/2x25m

• ბრენდი - LUX GARDEN
• პროდუქტის ტიპი - სარწყავი შლანგი
• ზომა - 1/2''
• სიგრძე - 25m
• შტრიხ-კოდი - 5554182689218
• წონა (კგ) - 4
• შრეების რაოდენობა - 4 შრიანი
• სამუშაო წნევა - 10 bar

Lux Garden LGH-002 სარწყავი შლანგი Anti-Torsion 3/4x15m

• ბრენდი - LUX GARDEN
• პროდუქტის ტიპი - სარწყავი შლანგი
• ზომა - 3/4''
• სიგრძე - 15m
• მასალა - PVC
• შტრიხ-კოდი - 5554184849025
• წონა (კგ) - 4.33
• შრეების რაოდენობა - 5 შრიანი
• სამუშაო წნევა - 8 bar

Lux-Garden LGH-036 სარწყავი შლანგი გამჭვირვალე Clear Braid 3/4x25m

• ბრენდი - LUX GARDEN
• პროდუქტის ტიპი - სარწყავი შლანგი
• ზომა - 3/4''
• სიგრძე - 25m
• მასალა - PVC
• შტრიხ-კოდი - 5554109271717
• წონა (კგ) - 1.5