თქვენ თუ იცით, რომ გამოცდილი შემდუღებელი, სანამ ფოტოაპარატიდან „ჩიტი გამოფრინდება“ და წამიერი სინათლე გაიელვებს, ნიღბის მორგებას ასწრებს? ჰოდა, აფერუმ მის ამ ჩვევას - შედუღების აპარატთან ურთიერთობა, სხვა ყველაფერთან ერთად, უსაფრთხოების ზომების მკაცრად დაცვასაც გულისხმობს.

სხვათა შორის, ფოტოაპარატის იმ მოწყობილობას, რომელიც ფოტოს გადაღების წინ წამიერად გაანათებს ხოლმე, ბლიცი ჰქვია... და კიდევ ერთი სხვათა შორის - მოწყობილობას, რომელზეც ქვემოთ უნდა ვისაუბროთ, სვარკის აპარატი კი არა, შედუღების აპარატი ეწოდება. არა, თუ სვარკის აპარატი გირჩევნიათ, თქვენი ნებაა, მაგრამ ქართული შესატყვისი გაცილებით ჩინებულად არ ჟღერს?

იმის გათვალისწინებით, რომ შედუღების აპარატები თანამედროვე ყოფაში პრაქტიკულად, ნებისმიერ სამშენებლო თუ სარემონტო სამუშაოებში გამოიყენება, Holst.ge მის შესახებ მაქსიმალურად დეტალურ და გამოსადეგ ნიუანსებზე მოგიყვებათ. მაგალითად, გაგაცნობთ ისტორიას, ასევე, მიიღებთ ინფორმაციას იმის შესახებ, რა სახის შედუღების სამუშაოები არსებობს, როგორი აპარატით ჯობს მათი შესრულება. გეტყვით იმასაც, რომელი შედუღების აპარატის გამოყენებაა რეკომენდებული სხვადასხვა სახის ლითონზე მუშაობის დროს და ასე შემდეგ.

ორიოდ სიტყვა ისტორიის შესახებ

ბევრი ფიქრობს, რომ თითქოს შედუღება სულ ცოტა ხნის წინ გამოიგონეს, რომ თითქოს ეს თანამედროვე ტექნოლოგიაა. სინამდვილეში, შედუღება ჯერ კიდევ მაშინ გაჩნდა, როცა კაცობრიობამ ლითონის დამუშავება ისწავლა. შედუღების პირველი იარაღის სტატუსს სპეციალისტები, რაც არ უნდა გასაკვირად ჟღერდეს, უროს აკუთვნებენ. უროს, რომელიც უხსოვარ დროში მცხოვრები მჭედლების ხელში სასწაულებს ახდენდა...

გავიდა დიდი დრო და მთავარი გარდატეხაც მოხდა - 1903 წელს აცეტილენ-ჟანგბადის ტიპის სანთურა გამოიგონეს. ელექტროდების საფარი პირველად 1912 წელს გამოიყენეს. რაც შეეხება ვოლფრამის ტიპის ელექტროდებს, ის 1940 წელს გამოჩნდა. შედუღება ერთდროულად რამდენიმე ელექტროდით 20 წლის შემდეგ, 1960 წლიდან დაიწყო.

რაც დრო გადის, შედუღების აპარატები სულ უფრო მეტად იხვეწება, ჩნდება უამრავი ახალი მოდელი, რომელიც ადამიანის საქმიანობის სხვადასხვა სფეროს მნიშვნელოვნად ამარტივებს.

საშემდუღებლო სამუშაოები და ტიპები

შედუღების აპარატის თითოეული სახეობა კონკრეტულ დავალებას ასრულებს. ამდენად, საშემდუღებლო სამუშაოები შეგვიძლია, შემდეგნაირად დავყოთ:

• პლაზმური;
• რკალური;
• გაზის;
• ლაზერული;
• ელექტროწიდური.

1) შედუღების პირველი ტიპი, პლაზმური, პლაზმის ჭავლის ხარჯზე ხორციელდება. შედუღების ეს ტიპი გამოიყენება ყველა ლითონზე და ნებისმიერი სირთულის დავალებას უმკლავდება. ეს არის უმძლავრესი მოწყობილობა, რომელიც მაღალი სიჩქარითა და წარმადობით გამოირჩევა.

2) რკალური შედუღების პრინციპი გულისხმობს ლითონის შედუღებას ელექტროდების დახმარებით. სამუშაოების ეს ტიპი განსაკუთრებული პოპულარობით სარგებლობს, ვინაიდან აგრეგატი მსუბუქი, მარტივი და მობილურია. ერთადერთი მინუსი დაბალი სიჩქარეა. ყველაზე მეტად გამოსადეგია უჟანგავი ლითონების შედუღებისთვის.

3) რაც შეეხება მესამე ტიპს, სადაც მთავარ როლს გაზი ასრულებს, მარტივი მისახვედრია, რომ საქმე გვაქვს ცეცხლთან, რომელიც გაზისა და ჟანგბადის კონტაქტის შედეგად წარმოიშვება. ცეცხლის ძალა დასამუშავებელი მასალის სისქიდან გამომდინარე განისაზღვრება: რაც უფრო სქელია, წვის სიმძლავრეც მით მეტი უნდა იყოს. ეს ტექნოლოგია გამოიყენება მაშინ, როცა დასამუშავებელია ნახშირბადოვანი, სპეციალური ფოლადი.

4) ლაზერული ტიპი - ყველაზე მძლავრი და მაღალი წარმადობის გახლავთ. მთავარი უპირატესობა ის არის, რომ დამუშავების შემდეგ მასალის ზედაპირი არ ზიანდება, კონსტრუქცია კი იდეალურ ნაკერს დიდი ხნით ინარჩუნებს. გამოსადეგია ნებისმიერი სახის ლითონზე მუშაობისთვის.

5) ელექტროწიდური შედუღება წარმოებს შესადუღებელზედაპირებს შორის მოთავსებული წიდით. გაცხელებული წიდა ადნობს შესადუღებელ ელემენტებს და მავთულს. გამოიყენება სქელკედლიან ნაკეთობათა ვერტიკალური შედუღების ნაკერებისთვის.

შედუღების აპარატები, კონსტრუქციული თავისებურებები და საოპერაციო შესაძლებლობები

თუკი იცით, უბრალოდ, შეგახსენებთ, ხოლო თუ არ იცით, ახლავე გაიგებთ შედუღების აპარატების სახეობებს:

• ტრანსფორმატორები;
• ინვერტორები;
• ნახევრადავტომატები;
• გამმართველი.

1) პირველი სახეობის საფუძველი მძლავრი ტრანსფორმატორია, რომელზეც მოწყობილობაა მიერთებული. აგრეგატი პასუხისმგებელია, ქსელის ძაბვისგან მიიღოს ძაბვის ის მაჩვენებელი, რომელიც შედუღების პროცესისთვის არის საჭირო. ტრანსფორმატორული ტიპის აპარატის მუშაობისთვის საჭიროა სულ რაღაც 50-60 ვოლტი, ქსელში კი, მოგეხსენებათ, გაცილებით მაღალი ძაბვაა, რასაც შემცირება სჭირდება.

2) ინვერტორები - ეს არის პირველის, ანუ ტრანსფორმატორის გაუმჯობესებული სახეობა, სადაც მუდმივი დენის ცვლად დენში გადაყვანა ხდება დატექნოლოგია საკმაოდ მარტივია.

თავის მხრივ, არსებობს ამ სახეობის რამდენიმე ქვესახეობა. ყველაზე პოპულარული და გავრცელებული მოწყობილობებია არგონ-რკალური შედუღების აპარატები, რომელსაც ჩვეულებრივ, უჟანგავი ლითონების შედუღებისთვის იყენებენ.

შედუღების ამ ტიპს არაერთი უპირატესობა აქვს:

• კონსტრუქციის მცირე ზომა;
• აპარატის ადვილად გადაადგილების, ტრანსპორტირების შესაძლებლობა ერთი ადგილიდან მეორეზე;
• რეჟიმები მარტივი რეგულირებით.

3) ნახევრადავტომატები - პროცესი მიმდინარეობს მისადუღი ღეროს ხარჯზე. ლითონების შედუღება ხდება დამცავ, ინერტული აირის გარემოში.

4) ბოლო ტიპის შედუღების აპარატიც ასევე გარდაქმნის ქსელის ძაბვას იმ ძაბვად, რაც სამუშაოების შესრულებას სჭირდება. გარდა ამისა, აქაც გამოიყენება ტრანსფორმატორი.

როგორ უნდა შეარჩიოთ აპარატი

შედუღების აპარატის არჩევისას აუცილებელია, ყურადღება მიაქციოთ ისეთ ტექნიკურ მახასიათებლებს, როგორიცაა:

• დენის ძალა - რაც მაღალია ამპერი, მით სქელი მასალის დამუშავება არის შესაძლებელი;
• ძაბვა - აუცილებელია, რომ ქსელიდან გამომავალი ძაბვა შეესაბამებოდეს მოწყობილობის სიმძლავრეს, რათა დანადგარს პრობლემები არ შეექმნას;
• დანადგარის მუშაობის დრო - რაც მეტხანს შეძლებს აპარატი, ჩართული იყოს, მით მაღალია წარმადობა;
• მუდმივი ან ცვლადი დენი - პირველ შემთხვევაში, შეიძლება, ნებისმიერი მასალის შედუღება, მათ შორის, ფერადი ლითონისაც კი, მეორე ვარიანტი განკუთვნილია მხოლოდ და მხოლოდ უფერო ლითონებისთვის;
• შესადუღებელი მასალის ტიპი - თუკი ცნობილი არ არის, რასთან მოგიწევთ მუშაობა, უმჯობესია, უნივერსალური აგრეგატის შეძენაზე იფიქროთ. აქვე ისიც შეიძლება, ვთქვათ, რომ ალუმინისთვის ნახევრადავტომატი გამოდგება, ხოლო უჟანგავი ლითონებისთვის - არგონ-რკალური სვარკის აპარატი.

დანადგარის შერჩევისას არ უნდა დაივიწყოთ და უფრო მეტიც, აუცილებლად უნდა გაითვალისწინოთ შედუღების აპარატის მარკაც. იმისთვის, რომ აგრეგატი დიდხანს გემსახუროთ, აუცილებელია საიმედო და წლების მანძილზე გამოცდილი მწარმოებელი. Holst.ge-ზე კი ასეთს არაერთს ნახავთ. მაგალითად, აქვე შეგიძლიათ, იხილოთ Schpindel-ის რამდენიმე მოდელი, თუმცა შედუღების აპარატების კატეგორიაში გადასვლით კიდევ უფრო მეტს მოიძიებთ.

Schpindel შედუღების აპარატი ინვენტორული 150A

• ბრენდი  - SCHPINDEL
• პროდუქტის ტიპი - შედუღების აპარატი
• სიმძლავრე - 150A
• IP დაცვა - IP21S
• გარანტია - 1 წელი
• შტრიხკოდი - 4891663632112
• წონა (კგ) - 3.9
• კვების წყარო - 220-240V
• კომპლექტაცია - ელექტროდის დამჭერი კაბელი + დამიწების კაბელი + დამცავი სათვალე +რკინის ჩოთქი
• ელექტროდის ზომა - 2.5-3.2mm
• ტექნოლოგია - IGBT
• ეფექტურობა - 0.8
• იზოლირების დონე - F
• მუშაობის ციკლი - 0.35

Schpindel შედუღების აპარატი ინვენტორული 200A

• ბრენდი - SCHPINDEL
• პროდუქტის ტიპი - შედუღების აპარატი
• სიმძლავრე - 200A
• გარანტია - 1 წელი
• შტრიხკოდი - 4050030821683       
• წონა (კგ) - 6.86
• კვების წყარო - 220-240V   
• კომპლექტაცია - ელექტროდის დამჭერიკაბელი + დამიწების კაბელი + დამცავი სათვალე + რკინის ჩოთქი + ქეისი       
• ელექტროდის ზომა - 1.6-4.0mm
• ტექნოლოგია - IGBT
• ეფექტურობა - 0.83
• იზოლირების დონე - F
• მუშაობის ციკლი - 0.4

Schpindel შედუღებისაპარატი ინვენტორული 250A

• ბრენდი - SCHPINDEL
• პროდუქტის ტიპი - შედუღების აპარატი
• სიმძლავრე - 250A
• გარანტია - 1 წელი
• შტრიხკოდი - 4050030838254
• წონა (კგ) - 8.18
• კვების წყარო - 220-240V
• კომპლექტაცია - ელექტროდის დამჭერი კაბელი + დამიწების კაბელი + დამცავი სათვალე + რკინის ჩოთქი
• ელექტროდის ზომა - 1.6-5.0mm
• ტექნოლოგია - IGBT
• ეფექტურობა - 0.78
• იზოლირების დონე - F
• მუშაობის ციკლი - 0.25 

Schpindel შედუღების აპარატი ინვენტორული MIG\MMA 180A 1

• ბრენდი - SCHPINDEL
• პროდუქტის ტიპი - შედუღების აპარატი კემპით
• სიმძლავრე - 180A
• გარანტია - 1 წელი
• შტრიხკოდი - 4823085236340
• წონა (კგ) - 15.64
• კვებისწყარო - 220-240V
• კომპლექტაცია - ელექტროდის დამჭერი კაბელი + დამიწების კაბელი + დამცავი სათვალე + რკინის ჩოთქი + ქეისი
• ელექტროდის ზომა - MMA: 1.6-4.0mm MIG: 0.6-1.0mm
• ტექნოლოგია - IGBT
• ეფექტურობა - 0.76
• იზოლირების დონე - F
• მუშაობის ციკლი - 0.35