ამდგარიყო მალევიჩი და შავი კვადრატის დახატვის ნაცვლად, თეთრი კვადრატი შეექმნა - შავ საღებავსაც დაზოგავდა და... და მაინც ყველა გაკვირვებული იქნებოდა, ამ უცნაურობაში ფულს როგორ იხდიანო... ან თუ მაინცდამაინც შავი უნდა ყოფილიყო, ფუნჯებით რას ხატავდა, აეღო პულივიზატორი და ყველაზე ძვირფასს დაზოგავდა - დროს... შედეგი ამ შემთხვევაშიც ისეთი იქნებოდა, რაც ზემოთ ვთქვით...

უმჯობესია, მოვასვენოთ პატივცემული კაზიმირ მალევიჩი! თავისი სიტყვა ნამდვილად თქვა ამ უნიჭიერესმა ადამიანმა და თან ძალიან მაგარი სიტყვა და მთავარ სათქმელზე გადავიდეთ - ელექტრო პულივიზატორი განვიხილოთ.

ელექტრო პულივიზატორი საუკეთესო სპეციალისტების საუკეთესო დამხმარეა. თუმცა, არა, რატომ მხოლოდ სპეციალისტების? მოყვარულებიცა და რემონტის ამბებში ნაკლებაც გათვითცნობიერებული ადამიანებიც მას პრაქტიკულად, უპრობლემოდ გამოიყენებენ. თქვენ წარმოიდგინეთ, თუ განსაკუთრებით მოინდომებენ, შედევრების შექმნასაც შეძლებენ, რატომაც არა?!

როგორც ზემოთ უკვე ვთქვით, პულივიზატორის ერთ-ერთი გამორჩეული უპირატესობა ის გახლავთ, რომ სასურველი ზედაპირის შეღებვის პროცესის ხანგრძლივობას მნიშვნელოვნად ამცირებს და დროის დაზოგვის საშუალებას გვაძლევს. რაღა თქმა უნდა, ეს ერთადერთი პლუსი არ არის და მივყვეთ, ერთი, ყველაფერს საგულდაგულოდ გავეცნოთ.

ესე იგი, ელექტრო პულივიზატორის რამდენიმე ტიპი და უამრავი მოდელი არსებობს, რაც პრინციპში, გასაკვირი სულაც არ არის - მართლაც საჭირო ხელსაწყოა და შესაბამისად, მწარმოებლები მისი ასორტიმენტის გაზრდას მუდმივად ცდილობენ. განსაკუთრებული მოთხოვნა კი, ბუნებრივია, თანამედროვე მაღალტექნოლოგიურ პულივიზატორებზეა.

გამოიყოფა პულივიზატორის სამი ტიპი:

1. პნევმატური (დაბალი ან მაღალი წნევის ტექნოლოგიით);

2. მექანიკური;

3. ელექტრო.

აქვე ისიც უნდა ითქვას, რომ არსებობს სპეციალიზებული ელექტრო ინსტრუმენტები, რომელთა დახმარებითაც შესაძლებელია, ზედაპირი მაღალი სიბლანტის შემადგენლობებით შეიღებოს.

ელექტრო პულივიზატორის დადებითი და უარყოფითი მხარეები

ეჭვგარეშეა, მორიგი უპირატესობა ის არის, რომ როცა ელექტრო პულივიზატორი არსებობს, აღარ არის საჭირო ფუნჯი, სამღებრო ლილვაკი თუ სხვა ტიპის საფრქვეველი. გარდა ამისა, გამოიყოფა შემდეგი დადებითი მხარეები:

• იზოგება ყველაზე მთავარი - დრო;
• უმჯობესდება შესასრულებული სამუშაოს ხარისხი;
• ხელსაწყოები აღჭურვილია სითხის მიწოდების რეგულირებით;
• გარკვეული მოდელების კომპლექტში შეხვდებით თავაკებს, რომელთა დახმარებითაც საღებავის ნაკადის სისქე რეგულირდება;
• მოდელების უმრავლესობას წებოვანი შემადგენლობის გაფრქვევაც შეუძლია;
• ფასი მნიშვნელოვნად ხელმისაწვდომია, ვიდრე პნევმატურის.

როგორც ნებისმიერი სხვა ტექნიკა, ელექტრო პულიზივატორის შემთხვევაშიც, გარკვეული უარყოფითი მხარეები მაინც არსებობს:

• იაფფასიანი მოდელი ყველა სახეობის საღებავით ვერ მუშაობს;
• ხმაური და ვიბრაცია მუშაობის პროცესში.

რისთვის გამოიყენება - რა და როგორ იღებება

ელექტრო პულივიზატორით ნებისმიერი ზედაპირის შეღებვა შეიძლება. საღებავი მცირე ზომის ავზიდან ტუმბოს დახმარებით საქშენის გავლით გამოდის. ხრახნი, რომელიც როგორც წესი, სახელურზეა განთავსებული, საღებავის რაოდენობის დარეგულირების საშუალებას იძლევა. ზოგიერთი მოდელი აღჭურვილია ჭავლის ელექტრორეგულატორით. ასევე, სპეციფიკური დეტალისთვის დამუშავებისთვის შესაძლებელია ცალკე საქშენის შერჩევა.

რა ტიპის საღებავებისთვისაა განკუთვნილი

საღებავებისა თუ სხვა შემადგენლობების ასორტიმენტი, რომლებითაც ელექტრო პულივიზატორით მუშაობა შეიძლება, საკმაოდ ფართოა. ესენია:

• ზეთის საღებავები;
• აკრილის ლაქები;
• წყლის, ცარცისა და კირის შემადგენლობები;
• ფისოვანი გრუნტი;
• მინანქარი.

ყურადღებით იყავით, ყველა ელექტრო პულივიზატორს არ შეუძლია ჩამოთვლილი შემადგენლობებით მუშაობა!

კლასიფიკაცია და ტიპები

საუბრის დასაწყისში მოხმობილი კლასიფიკაციის გარდა, მოქმედების პრინციპის მიხედვით ელექტრო პულივიზატორის ტიპები შემდეგნაირად იყოფა:

• პროფესიონალური;
• საყოფაცხოვრებო;
• კომბინირებული.

ავზის მოცულობა, ფორმა და მასალა

ელექტრო პულივიზატორის უმნიშვნელოვანესი შემადგენელი დეტალია ავზი, რომელიც აუცილებლად კორპუსის განუყოფელი ნაწილია და ცალკე არ გვხვდება.

განლაგება - ავზი, როგორც წესი, განლაგებულია საქშენზე ან მის ქვემოთ. მოდელი, რომელზეც ავზი საქშენის ზედა ნაწილშია, უმნიშვნელო უპირატესობის მატარებელია ბლანტი ლაქებისა და საღებავების გამოყენებისას, თუმცა ასეთი ინსტრუმენტის ხელში დიდხანს ჭერა, როცა რეზერვუარი სავსეა, არც მთლად მოსახერხებელია. მოდელი, რომელსაც ავზი ქვედა ნაწილში აქვს, არც ისე კარგია ისეთ შემთხვევებში, როცა ჭერის შეღებვა საჭირო.

მოცულობა - მოდელიდან გამომდინარე, ავზის ტევადობა 700-დან 1800 მილილიტრამდე მერყეობს (0,7-1,8 ლიტრი). ელექტრო პულივიზატორის მექანიზმი იქმნება უწყვეტი მუშაობისთვის იმ დროის გათვალისწინებით, რაც განსაზღვრული მოცულობის ამოწურვას სჭირდება. ამის შემდეგ, ზოგჯერ გარკვეული შესვენებაა საჭირო.

მასალა - შესაძლებელია ორი ვარიანტი: პლასტმასი და ლითონი. პლასტმასის ავზი უფრო ბიუჯეტური მოდელებისთვის გამოიყენება. ერთდაერთი უპირატესობა გამჭვირვალობაა, ვინაიდან დარჩენილი საღებავის რაოდენობის კონტროლია შესაძლებელი. მინუსი ის გახლავთ, რომ ინსტრუმენტის დავარდნის შემთხვევაში, შესაძლოა, ავზი გატყდეს. ასევე, გარეცხვა შედარებით რთულია. ლითონის ავზი გაცილებით გამძლეც არის და გასარეცხად - ბევრად მარტივი.

როგორ უნდა შეარჩიოთ

ელექტრო პულივიზატორის შერჩევისას ყურადღება შემდეგ დეტალებს უნდა მიაქციოთ:

• წარმადობა - საყოფაცხოვრებო დანიშნულებისთვის გამოდგება მოდელი, რომლის მუშაობის სიჩქარეც 0,5 ლ/წთ გახლავთ;
• ავზი - როგორც უკვე ვთქვით, ავზი შეიძლება იყოს ლითონის ან პლასტმასის. ეს უკანასკნელი კომფორტულია იმით, რომ შესაძლებელია დარჩენილი საღებავის რაოდენობის დანახვა. სამაგიეროდ, ლითონის ავზი გაცილებით ადვილად ირეცხება. მოცულობა არც ძალიან დიდი და არც ძალიან პატარა უნდა იყოს;
• კორპუსის მასალა - პლასტმასის კორპუსი უფრო მოსახერხებელია, რადგან ნაკლები წონა აქვს;
• შესაფრქვევი ლულის ზომა - თუკი შეიძენთ პულივიზატორს ზედმეტად ფართო შესაფრქვევი ლულით, დეტალების შეღებვისას საღებავი არაეკონომიურად გაიხარჯება. მცირე ლულის შემთხვევაში, პირიქით, ნაკადი წვრილი იქნება და დიდი ფართობის შეღებვისას, რაღა თქმა უნდა, ეს საკმაოდ არაკომფორტულია;
• კვება - სასურველია, ელექტრო პულივიზატორი არა მხოლოდ ელექტროენერგიაზე, არამედ აკუმულატორზეც მუშაობდეს;

და კიდევ ერთი - არ დაგავიწყდეთ შეძენისას:

• ინსტრუქციის წაკითხვა. განსაკუთრებული ყურადღება უნდა დაუთმოთ ჩამონათვალს, სადაც ჩამოთვლილია საღებავები და შემადგენლობები, რომლებითაც პულივიზატორს მუშაობა შეუძლია;
• შეამოწმეთ კორპუსი, კომპლექტაცია, ჰერმეტულობა. და თუკი მომხმარებლების შეფასებებსაც მოიძიებთ და გაეცნობით, ყველაფერი გაცილებით გაგიადვილდებათ.

დასკვნა

ელექტრო პულივიზატორი ყველაზე მისაღები ვარიანტია საყოფაცხოვრებო პირობებში გამოყენებისთვის. ინსტრუმენტს არ სჭირდება შეკუმშული ჰაერი, ვინაიდან ჩაშენებული აქვს უჰაერო ტუმბო, რომელიც სითხეს ზუსტი დოზირებით ასხურებს.

პულივიზატორის დახმარებით, ერთ საათში დაახლოებით 250 კვადრატული მეტრის შეღებვაა შესაძლებელი. ასევე, ელექტრო პულივიზატორი ღებვის სხვა საშუალებებს რომ შევადაროთ, მასალის მნიშვნელოვან ეკონომიას მივიღებთ. ინსტრუმენტის წონა მოდელის ტიპზეა დამოკიდებული და როგორც წესი, 25 კილოგრამს არ აღემატება, „პისტოლეტის“ ტიპის წონა კი, ჩვეულებრივ, 2-3 კილოგრამი გახლავთ.

ელექტრო პულივიზატორის შეძენა ნამდვილად გამართლებულია, თუკი საღებავების გამოყენება ხშირად გიწევთ - დროსაც დაზოგავთ, თანხებსაც და ვინ იცის, შედევრის შექმნაც კი მოახერხოთ...

TOLSEN TOL1616-79577 საღებავის შესაფრქვევი ელექტრო 220-240V/50HZ,110W/800ML

• ბრენდი - TOLSEN
• პროდუქტის ტიპი - ელექტრო პულივიზატორი
• სიმძლავრე - 110W
• გარანტია - 1 წელი
• შტრიხკოდი - 6933528788744
• წონა (კგ) - 1.918
• კვების წყარო - 220-240V
• ავზის მოცულობა - 800 ml
• წარმადობა - 300ml/min
• შესაფრქვევი ლულის ზომა - 0.8mm
• ცხვირის ტიპი - რეგულირებადი
• მაქსიმალური სიბლანტე - 60DIN

B&D HVLP200-QS-ელ. პულივიზატორი 400W

• ბრენდი - BLACK&DECKER
• პროდუქტის ტიპი - ელექტრო პულივიზატორი
• სიმძლავრე - 400W
• გარანტია - 1 წელიშტრიხკოდი - 5035048340790
• წონა (კგ) - 1.49
• კვების წყარო - 220-240V
• წნევა - 0.1-0.2bar
• ავზის მოცულობა - 1200 ml
• წარმადობა - 1000 l/min
• შესაფრქვევი ლულის ზომა - 1.0mm
• ცხვირის ტიპი - რეგულირებადი
• მაქსიმალური სიბლანტე - 50DIN

CROWN CT31010-ელ. პულივიზატორი 700W

• ბრენდი - CROWN
• პროდუქტის ტიპი - ელექტრო პულივიზატორი
• სიმძლავრე - 700W
• გარანტია - 1 წელი
• შტრიხკოდი - CT31010
• წონა (კგ) - 5.5
• კვების წყარო - 220-240V
• წნევა - 0.1-0.3bar
• ავზის მოცულობა - 800 ml
• წარმადობა - 1000 l/min
• შესაფრქვევი ლულის ზომა - 2.5mm
• ცხვირის ტიპი - რეგულირებადი
• მაქსიმალური სიბლანტე   50DIN

CROWN CT31015-ელექტრო პულივიზატორი 1200W

• ბრენდი - CROWN
• პროდუქტის ტიპი - ელექტრო პულივიზატორი
• სიმძლავრე - 1200W
• გარანტია - 1 წელი
• შტრიხკოდი - 7640177422262
• წონა (კგ) - 5.1
• კვების წყარო - 220-240V
• წნევა - 0.1-0.3bar
• ავზის მოცულობა - 900 ml
• წარმადობა - 1100 l/min
• შესაფრქვევი ლულის ზომა - 2/2.5/3mm
• ცხვირის ტიპი - რეგულირებადი
• მაქსიმალური სიბლანტე - 150DIN