„წვიმს“ - პაულო კოელიო მრავალმნიშვნელოვნად ახასიათებს ამინდს...

„მაგარია“ - უცნობი ხელოსანი გულწრფელად ახასიათებს ხელსაწყოების ნაკრებს...

მიდით, აბა, რომელიმეს შეედავეთ - რომ წვიმს, წვიმს და ეგრეა და რომ მაგარია ხელსაწყოების ნაკრები, მაგარია და რა გინდა, რომ ქნა?!

რატომ არის ინსტრუმენტების ნაკრები მაგარი, ჩემო ბატონო, ახლავე ყველაფერს მოგახსენებთ:

ხელსაწყოების ნაკრებები - საკმაოზე მეტად ფართო ცნებაა. მიზეზი ის გახლავთ, რომ შესაძლებელია მას აბსოლუტურად განსხვავებული კომპლექტაცია ჰქონდეს - დაწყებული რამდენიმე ყველაზე პოპულარული, დამთავრებული ერთმანეთისგან ყველაზე განსხვავებული ინსტრუმენტით. ამასთან, განსხვავებულია როგორც რაოდენობა (პროფესიონალურ ნაკრებებში, მაგალითად, ავტომობილებისთვის, დეტალების რაოდენობა ხშირად 200 ერთეულსაც კი აღემატება), ისე ხარისხი. ყველა ამ კრიტერიუმზეა დამოკიდებული როგორც გამოყენების სფეროები, ისე - ღირებულებაც.

შენიშვნა: კომპლექტში ელემენტების ოპტიმალური რაოდენობა, როგორც უკვე აღვნიშნეთ, დამოკიდებულია მისი გამოყენების კონკრეტულ მიზნებზე, სფეროსა და ექსპლოატაციის სიხშირეზე. მაქსიმალიზმი ამ მიმართულებით გამართლებული ნამდვილად არ გახლავთ - სახელოსნოსა თუ ავტომობილის საბარგულში ტყუილად მიყრილი ხელსაწყოები არაპრაქტიკულია და რაც მთავარია, ზედმეტი ხარჯების გაღებას გულისხმობს და აბა, ასეთი რამ ვის სჭირდება?!

რას გთავაზობთ Holst.ge?

ყოველთვის ყველაფერს საუკეთესოს, თუმცა თემას რომ არ ავცდეთ, რა თქმა უნდა, პასუხი ასეთია: Holst.ge-ზე ხელსაწყოების ნაკრების მრავალფეროვანი ასორტიმენტია და დიახ, საუკეთესო ხარისხის.

აქვე, ამ ბლოგში მოშველიებულ რამდენიმე ვარიანტსაც თუ შეავლებთ თვალს, ნახავთ, რომ Tolsen-ის ბრენდის რადიკალურად განსხვავებული კომპლექტაციებია წარმოდგენილი: 9, 89 და 119 ცალიანი.

99 ცალი ხინკლის ანეკდოტი თუ მოუსმენიათ Tolsen-ში, კაცმა არ იცის, მაგრამ მთავარი ის არის, რომ ნებისმიერი გემოვნებისა თუ საქმიანობის მქონე მომხმარებლის მოთხოვნის დაკმაყოფილება არის შესაძლებელი. კიდევ უფრო მეტ ასორტიმენტს Holst.ge-ს შესაბამის განყოფილებაში მოიძიებთ და დარწმუნებით შეიძლება იმის თქმა, რომ სასურველს აუცილებლად მიაგნებთ.

ძებნაში, შეძენასა და მოხმარებაში წარმატებას გისურვებთ, ქვემოთ კი ისევ მთავარ საკითხს მივუბრუნდეთ.

რატომ არის ინსტრუმენტების ნაკრები მაგარი?

როდის რა გამოხტება, როდის რა დასჭირდება ადამიანს, წინასწარ ცოდნა, რა თქმა უნდა, უმჯობესი იქნება, მაგრამ რადგან ყოველთვის ისე არ ხდება, როგორც ჩვენ გვინდა, ყველაფრისთვის მზად უნდა ვიყოთ. ჰოდა, სწორედ ასეთი მოულოდნელი შემთხვევებისთვის არის მისწრება ინსტრუმენტების ნაკრები, რომელიც პრაქტიკულად, ნებისმიერი პროფესიის ადამიანს გამოადგება. რაც არანაკლებ მნიშვნელოვანია, თამამად შეიძლება იმის თქმა, რომ ხელსაწყოების ნაკრები ყველა იმ ადამიანს უნდა ჰქონდეს, ვისაც საკუთარი ავტომობილი ჰყავს.

თითოეული ნაკრები ადაპტირებულია გარკვეული ფუნქციების შესრულებისთვის, რაც პირდაპირ კავშირშია მათ სახეობებთან:

• უნივერსალური - კომპლექტი, პრაქტიკულად, ყველაფრისთვის, სადაც აღმოაჩენთ როგორც საყოფაცხოვრებო, ისე პროფესიონალური საქმიანობისთვის საჭირო ხელსაწყოებს.
• ავტოფუნქციები - ტრანსპორტის „სასწრაფო დახმარება“. ასეთი ნაკრები საშუალებას იძლევა, შეასრულოთ პროფილაქტიური და მცირე მასშტაბის სარემონტო სამუშაოები (საბურავის შეცვლა, მაგნიტოფონისა თუ საიგნალიზაციის მონტაჟი და ასე შემდეგ);
• სპეციალური - შეესაბამება კონკრეტულ საქმიანობას. გამოიყენება დელიკატური, ვიწრო პროფილური მიმართულებებით. აღსანიშნავია, რომ ასეთი ყუთები, როგორც წესი, შეიცავს ინსტრუმენტებს, როგორსაც სხვაგან ვერსად იპოვით.

რა უნდა გაითვალისწინოთ ხელსაწყოების ნაკრების შეძენისას

1. ლითონის ელემენტების ხარისხი და გამძლეობა;

2. ლითონის მდგრადობა ჟანგვის მიმართ;

3. საცმების, გასაღებებისა და სხვა ელემენტების ზომების ფართო დიაპაზონი;

4. გადამყვანებისა და დამაგრძელებლების არსებობა;

5. დამაგინებული დეტალების არსებობა;

6. ერგონომიული სახელურები;

7. დარტყმაგამძლე, კომფორტული, ტრანსპორტირებადი ყუთი;

8. საკუთარ ადგილზე თითოეული ინსტრუმენტის მჭიდრო ფიქსაცია;

9. მცირე წონა და კომპაქტურობა;

10. ხელმისაწვდომი ფასი;

ესეც Tolsen-ის რამდენიმე ნაკრები, რომლებიც ზემოთ უკვე ვახსენეთ: შეავლეთ თვალი, შეარჩიეთ და შეგვიკვეთეთ.

TOLSEN TOL656-85301 ხელსაწყოების ნაკრები 9ც.-იანი

• ბრენდი - TOLSEN
• პროდუქტის ტიპი - ხელსაწყოების ნაკრები
• შტრიხკოდი  - 6933528780076
• წონა (კგ) - 1.4
• რაოდენობა - 9 ცალიანი ნაკრები

TOLSEN TOL1688-85352 ხელსაწყოების ნაკრები 89ც

• ბრენდი - TOLSEN
• პროდუქტის ტიპი - ხელსაწყოების ნაკრები
• შტრიხკოდი  - 6933528780182
• წონა (კგ) - 4.25
• რაოდენობა - 89 ცალიანი ნაკრები

TOLSEN TOL2081-85350 ხელსაწყოების ნაკრები 119ც

• ბრენდი - TOLSEN
• პროდუქტის ტიპი - ხელსაწყოების ნაკრები
• შტრიხკოდი  - 6933528780175
• წონა (კგ) - 4.2
• რაოდენობა - 119 ცალიანი ნაკრები