ესე იგი, ხმელი სუნელი, ოხრახუში, პაპრიკა, დაფქული წიწაკა და მარილი გემოვნებით - ასე შეიძლება დაიწყოს რომელიმე გემრიელი კერძის რეცეპტი, მაგრამ რაც შეეხება სხვადასხვა მცენარის მოვლას, არც ხმელი სუნელის მიკარება შეიძლება და მით უმეტეს, გემოვნებით ვერაფერს დაამატებთ - სასუქები ყველა კულტურას სჭირდება, თანაც, აუცილებლად ზუსტი რაოდენობებით.

როგორი სასუქი არსებობს, რატომ და რისთვის არის სასარგებლო, ახლავე ყველაფერს მოგახსენებთ.

როგორი სასუქები არსებობს?

სასუქების კლასიფიკაციისას გასათვალისწინებელია ქიმიური შემადგენლობა, მიღების მეთოდები და სხვა ნიშნები. ძირითადად, სპეციალისტები სასუქის შემდეგ სახეობებს გამოყოფენ: ორგანული, მინერალური, მინერალურ-ორგანული, ბაქტერიული და მიკრო სასუქები.

სპეციალისტები იმასაც ამბობენ, რომ საქართველოს მრავალფეროვანი ნიადაგურ-კლიმატური პირობები განსხვავებულ ზეგავლენას ახდენენ თუნდაც ერთი და იმავე კულტურის ზრდა-განვითარებაზე. ამდენად, მცენარეებსაც აუცილებლად სჭირდებათ სწორი კვება და სასუქით დახმარების აღმოჩენა.

გასათვალისწინებელია, რომ ბიოლოგიურად სუფთა პროდუქციის მისაღებად საჭიროა, ზუსტად იქნას გათვლილი მინერალური და ორგანული სასუქებისა და პესტიციდების ნორმები, შეტანის ვადები და წესები.

მაინც რისთვის არის სასუქი სასარგებლო?

• იზრდება მოსავლიანობა;
• ჩქარდება მცენარის ზრდის პროცესი;
• უმჯობესდება ნიადაგის ნაყოფიერება;
• ნიადაგი დაცული ხდება ეროზიისგან;
• მცენარე დაცული ხდება ვირუსული დაავადებებისგან.

აქვე დავამატოთ ისიც, რომ სამრეწველო სასუქები იძლევიან მოსავლის ნამატის თითქმის ნახევარს. გარდა ამისა, ისინი დადებითად მოქმედებენ ატმოსფეროზე, რაც განპირობებულია ფოტოსინთეზის პროცესის გაძლიერებით - ნახშირჟანგის ასიმილაციისა და ჟანგბადის გამოყოფის გადიდებით.

თამამად შეიძლება იმის თქმა, რომ სწორი გამოყენების პირობებში, სასუქები წარმოადგენენ ეკონომიკურად გამართლებულ და ეკოლოგიურად უსაფრთხო ღონისძიებას მემცენარეობის პროდუქტების წარმოების გადიდების საქმეში.

რა არის სასუქი

სასუქები - ეს არის ნივთიერებები მცენარეების გამოსაკვებად და ნიადაგის ნაყოფიერების გასაუმჯობესებლად. სასუქის  გამოყენების მიზანი ის გახლავთ, რომ  ნათესები სრული ზრდისა და განვითარებისათვის აუცილებელი ერთი ან რამდენიმე კომპონენტით უზრუნველყოთ.

რისთვის არის საჭირო

სოფლის მეურნეობაში კარგად ჩახედული ადამიანები, მოსავლიანობის გაზრდისა და დაავადებების მიმართ მდგრადობის გასაძლიერებლად, მცენარეებს სასუქით აუცილებლად ეხმარებიან. სასუქის სწორი გამოყენებით შესაძლებელია, ყოველწლიურად სულ უფრო მეტი მოსავალი მიიღოთ, გააძლიეროთ კულტურების იმუნური სისტემა და გააუმჯობესოთ ნიადაგის მდგომარეობა, საიდანაც მცენარეები განვითარებისთვის საჭირო ყველა ნივთიერებას იღებენ. თუკი შესაბამისი ნივთიერებები არასაკმარისია, მცენარის ზრდა შენელდება, დასუსტდება და მავნებლებისა თუ დაავადებების მიმართ ბევრად მგრძნობიარე გახდება.

არსებობს სხვადასხვა ფორმისა და განსხვავებული შემადგენლობის სასუქები, რომლებიც განკუთვნილია სპეციალურად თესლისა და ნერგებისთვის, ასევე, ცალკეული სახეობებისა და ჯიშების მცენარეებისთვის.

ნიადაგზე ზემოქმედების ხასიათისა და მცენარეთა კვების რეჟიმის მიხედვით განასხვავებენ პირდაპირ და არაპირდაპირ სასუქებს.

• პირდაპირი სასუქები ნარგავებს საკვები ნივთიერებებით (აზოტი, ფოსფორი, კალიუმი, მიკროელემენტები) ამარაგებს. ამ ჯგუფში შედის მრავალი მინერალური და ორგანული სასუქი;
• არაპირდაპირი სასუქი აუმჯობესებს ნიადაგის თვისებებს, ახდენს მასში საკვები ნივთიერებების მობილიზებას. ამ ჯგუფში შედის ბაქტერიული სასუქები, რომლებიც ნიადაგში ბიოლოგიურ პროცესებს აჩქარებენ.

წარმოების მეთოდის მიხედვით სასუქები შემდეგნაირად იყოფა: სამრეწველოდ და ადგილობრივად.

• სამრეწველო - ეს არის ქარხნებში წარმოებული მინერალური სასუქები;
• ადგილობრივი - მიღებულია გამოყენების ადგილებში, უშუალოდ ფერმებში ან მათ მახლობლად. ამ ჯგუფში შედის ნაკელი, ფრინველის ექსკრემენტები, კომპოსტი, ტორფი, ნაცარი, კირის სასუქები.

INDORAMA - სასუქი - ინდორამა 8:20:25 - 50 კგ

• ბრენდი - INDORAMA       
• პროდუქტის ტიპი მინერალური - გრანულარული სასუქი 
• შტრიხ-კოდი - 5907299919110/1 
• წონა (კგ) - 50
• მოცულობა - 50 კგ 
• მოქმედი ნივთიერება - საერთო აზოტი (N) - 8%; საერთო ფოსფატი (P2O5) - 20%; წყალში ხსნადი კალიუმის ოქსიდი (K2O) - 25%   
• პრეპარატული ფორმა - გრანულირებული სასუქი     
• მწარმოებელი კომპანია - INDORAMA   
• მწარმოებელი ქვეყანა - ინდოეთი         
• კულტურა - ყველა

Valagro - სასუქი - ბრექსილ მიქსი - 5 კგ

• ბრენდი - VALAGRO           
• პროდუქტის ტიპი - მინერალური - ფოთლოვანი სასუქი     
• შტრიხ-კოდი - 8031702016763     
• წონა (კგ) - 5 
• მოცულობა - 5 კგ   
• მოქმედი ნივთიერება - მაგნიუმის ოქსიდი - 6%; ბორი - 1.2%; სპილენძი - 0.8%; რკინა - 0.6%; მოლიბდენი - 1%; თუთია - 5%; მანგანუმი - 5%;         
• პრეპარატული ფორმა - მიკროგრანულარული სასუქი         
• მწარმოებელი კომპანია - VALAGRO     
• მწარმოებელი ქვეყანა - იტალია 
• კულტურა - ყველა

Valagro - სასუქი - მასტერი 18.18.18 - 25 კგ

• ბრენდი - VALAGRO           
• შტრიხ-კოდი - 8031702009291     
• მოცულობა - 25 კგ 
• პრეპარატული ფორმა - კრისტალური სასუქი
• მწარმოებელი კომპანია - VALAGRO     
• მწარმოებელი ქვეყანა - იტალია 
• კულტურა - ყველა
• პროდუქტის ტიპი - მინერალური - კრისტალური სასუქი   
• წონა (კგ) - 25