კაი დიდი ვაჟკაცობა კი უნდა რემონტის დაწყებას და თუკი ეს ნაბიჯი გადადგით, ერთ-ერთი ყველაზე მნიშვნელოვანი ხელსაწყო, რომელიც აუცილებლად დაგჭირდებათ, პერფორატორი გახლავთ. საერთოდ გმირობის ჩადენა გადაწყვიტეთ და სახლს აშენებთ? აქაც იმავეს გეტყვით - პერფერატორი არის ინსტრუმენტი, რომელიც ბევრი რამისთვის დაგჭირდებათ და დროა, მის შეძენაზე იზრუნოთ.

რატომ არის ასეთი საჭირო ეს ინსტრუმენტი?

მოდით, ჩვენ მის შესაძლებლობებზე მოგიყვებით და შესაბამისი დასკვნის გამოტანა აღარ გაგიჭირდებათ.

რა შესაძლებლობებით გამოირჩევა პერფორატორი?

დავიწყოთ იქიდან, რომ პერფორატორი ლათინური სიტყვიდან perfor მოდის, რაც გახვრეტას, გაბურღვას ნიშნავს.

უხეშად რომ ვთქვათ, ეს არის ინსტრუმენტი, რომლის დანიშნულებაც ხვრელების გაკეთებაა, როგორც წესი, ბეტონში, თუმცა არც ხეს აგდებს ნაკლებ დღეში, არც აგურის კედელია დაბრკოლება და მოკლედ, წინაღობა მისთვის არ არსებობს.

ბურღვა დარტყმებით - თუკი ხის გახვრეტა ჩვეულებრივი ბურღით შეიძლება, ბეტონის დამორჩილებას უკვე სპეციალური, განსხვავებული ფორმის ბურღი სჭირდება. ამ სპეციალური ბურღით შეიძლება ზედაპირის არა მხოლოდ გახვრეტა, არამედ დანგრევაც.

დარტყმები ბურღვის გარეშე - გამოიყენება ზედმეტად მყარი ზედაპირების შემთხვევაში, ასევე, ზოგიერთი სპეციფიკური სამუშაოს შესრულებისას.

მყარ მასალებთან პერფერატორი გაცილებით ეფექტიანი მუშაობით გამოირჩევა, ვიდრე, მაგალითად, „დრელი“.

უფრო რომ განვავრცოთ, პერფორატორის გამოყენებით შესაძლებელია:

• ზედაპირების გაწმენდა ძველი მოპირკეთებისგან, იქნება ეს - კაფელი, მინის ფილები, ცემენტით ნალესი, თაბაშირი;
• კედლის გახვრეტა, ჩამოშლა, დაკვალვა ელექტროსადენებისთვის;
• სხვადასხვა დიამეტრის მქონე გამჭოლი ხვრელების გაკეთება ბეტონში, აგურში, ხელოვნურსა თუ ნატურალურ ქვაში;

პერფერატორის მიერ გამოცემული ხმაურის დონე 80-100 dB-ს შეადგენს, რაც საკმარისად მაღალი მაჩვენებელია და არასასურველია როგორც თავად სპეციალისტისთვის, ვინც ინსტრუმენტით მუშაობს, ისე, გარშემომყოფებისთვის. პერფორატორით მუშაობისას აუცილებელია უსაფრთხოების ზომების დაცვა, დამცავი ყურსაცმებისა და სათვალეების გამოყენება.

კერამიკულ ფილებსა და მინის ზედაპირზე მუშაობას განსაკუთრებული აკურატულობა სჭირდება და მოითხოვს:

• ფილის სპეციალურ წრიულ ბურღს - ე.წ. ბალერინკას;
• დარტყმის რეჟიმის გამორთვას;
• დაბალ სიჩქარეებს.

კაფელზე მუშაობისას არასოდეს არ უნდა გამოიყენოთ რევერსის რეჟიმი, განსაკუთრებული სიფრთხილეა საჭირო შეერთების ადგილებზე.

პერფორატორით ბეტონისა და აგურის კედლებთან მუშაობა, ტიხრების ნგრევა, სამშენებლო კონსტრუქციების დემონტაჟი საკმაოდ შრომატევადი, მაგრამ სწრაფად შესრულებადი დავალებაა.

როგორ უნდა შეარჩიოთ პერფორატორი

ხელსაწყო რომ სწორად შეარჩიოთ, ყურადღება უნდა მიაქციოთ შემდეგ ტექნიკურ მახასიათებლებს:

• ეფექტიანი მუშაობა (წარმადობა და სიმძლავრე);
• რა სიხშირე აქვს დარტყმებს და როგორია სიმძლავრე;
• რეჟიმის რაოდენობა;
• წონა.

რაც უფრო დიდია ინსტრუმენტი, სიმძლავრეც მით მეტი აქვს. ასეთი პერფორატორი მარტივად გაუმკლავდება რთულ და მოცულობით საქმესაც, თუმცა გახსოვდეთ, რომ დიდი ზომის ინსტრუმენტისგან ხელებიც მალე დაგეღლებათ და პაუზის გაკეთება მოგიწევთ. ამდენად, თუკი მხოლოდ სახლის სამუშაოები გაქვთ შესასრულებელი, დიდი და მძლავრი ინსტრუმენტის შეძენა ნამდვილად არ გიღირთ.

CROWN CT18180 BMC - ელექტრო პნევმატური დრელი 650W;1,7J

• ბრენდი - CROWN
• პროდუქტის ტიპი - პერფორატორი
• სიმძლავრე - 650W
• გარანტია - 1 წელი
• შტრიხ-კოდი - 7640186249348
• წონა (კგ) - 5.3
• კვების წყარო - 220-240V
• ბრუნვის სიჩქარე - 0-1800min
• ვაზნის დიამეტრი - SDS PLUS
• ფუნქციები - დარტყმა/დარტყმა ბურღვისას/ბურღვა
• დამატებითი კომპლექტაცია - ქეისი + დამატებით სახელური + საცვლელი პირები + ქანჩი + მტვრის შესაგროვებელი
• დარტყმის ძალა - 1.7J
• დარტყმის სისწრაფე - 0-5800min

TOLSEN TOL1789-79510 ელექტრო პნევმატური დრელი 800WX26MMX3.0J

• ბრენდი - TOLSEN
• პროდუქტის ტიპი - პერფორატორი
• სიმძლავრე - 800W
• გარანტია - 1 წელი
• შტრიხ-კოდი - 6933528789581
• წონა (კგ) - 5
• კვების წყარო - 220-240V
• ბრუნვის სიჩქარე - 0-1100min
• ვაზნის დიამეტრი - SDS PLUS
• ფუნქციები - დარტყმა/დარტყმა ბურღვისას/ბურღვა
• დამატებითი კომპლექტაცია - ქეისი + დამატებით სახელური + სიღრმის მარეგულირებელი + 5 საცვლელი პირი
• დარტყმის ძალა - 3J
• დარტყმის სისწრაფე - 0-4000min
• მაქს. ბურღვა (ბეტონი; ხე; მეტალი) - 26mm/30mm/13mm

Dewalt - D25143K-KS ელ. პერფერატორი 900W;28mm

• ბრენდი - DEWALT
• პროდუქტის ტიპი - პერფორატორი
• სიმძლავრე - 900W
• ელემენტი - 3.2J
• გარანტია - 1 წელი
• შტრიხ-კოდი - 5035048486405
• წონა (კგ) - 4.596
• კვების წყარო - 220-240V
• ბრუნვის სიჩქარე - 0-1450min
• ვაზნის დიამეტრი - SDS PLUS
• ფუნქციები - დარტყმა/დარტყმა ბურღვისას/ბურღვა
• დამატებითი კომპლექტაცია - ქეისი+ დამატებით სახელური
• დარტყმის სისწრაფე - 0-5350min
• მაქს. ბურღვა (ბეტონი; ხე; მეტალი) - 28mm/30mm/13mm