უცნაური და მყვირალა სათაურების მოგონება რომ იციან ხოლმე ზოგიერთი გამოცემის ჟურნალისტებმა, ჩვენ თუ დრელს გამოვიყენებთ „სკანდალის“ მთავარ მოქმედ პირად, რა დაშავდება? არც არაფერი! ჰოდა, ავდგეთ და ვცადოთ:

„კანარის კუნძულებზე ელექტრო დრელი რჩეულთან ერთად ისვენებს“ - უცნაურია, გეთანხმებით!..

„დრელის თამამ ფოტოებს თვალს ვერ მოაშორებთ“ - კი, ესეც გვარიანად უცნაურია...

„სარემონტო სამუშაოების დროს დრელმა ყველა გააოცა“ - აი, ეს „სკანდალი“ კი ყველაზე მეტად უხდება ინსტრუმენტს, რომელიც პრინციპში, არა მხოლოდ კაპიტალური რემონტისას, არამედ ნებისმიერი ჩხირკედელაობის დროს შეუცვლელი და შეუფასებელია და დიახაც, ყველას გაოცებაც მარტივად შეუძლია.

მივყვეთ ნაბიჯ-ნაბიჯ და გავიგოთ, როგორ ახერხებს ელექტრო დრელი ერთნაირად საჭირო იყოს პროფესიონალებისთვისაც და ჩხირკედელაობის მოყვარულებისთვისაც.

დავიწყოთ იმით, რომ ელექტრო დრელი აუცილებელია მაშინ, როცა ბეტონის კედელსა თუ იატაკზე საჭიროა ნახვრეტების გაკეთება სხვადასხვა საგნის დასამაგრებლად, ან მაგალითად, სადენების გაყვანისთვის. აქედან გამომდინარე, ასეთ ინსტრუმენტს განსაკუთრებულ მოთხოვნებს უყენებენ, რადგან უნდა ჰქონდეს საკმარისი სიმძლავრე და რაც მთავარია, გამძლეობა მექანიკური აბრაზიის პირობებში. მხოლოდ ხარისხიანი მოწყობილობით არის შესაძლებელი, გაიხვრიტოს ბეტონი განსაკუთრებული ძალისხმევისა და დაზიანების რისკების გარეშე.

რითი განსხვავდება ელექტრო დრელი პერფორატორისა და ელექტრო სახრახნისისგან

ელექტრო დრელის ძირითადი დანიშნულება სხვადასხვა მასალის გაბურღვაა. ჩვეულებრივი დრელი მარტივად უმკლავდება ლითონს, ხეს, გიფსოკარდონს და სხვა არც ისე მყარ ზედაპირებს. დარტყმის ფუნქციის მქონე დრელი იოლად ახერხებს, გახვრიტოს ბეტონი, ქვა და აგური. განსაკუთრებული დანიშნულების მქონე მოწყობილობას შეუძლია, შეცვალოს ელექტრო სახრახნისი და სამშენებლო მიქსერი, ხოლო სპეციალური საცმების ქონის შემთხვევაში, დრელით ზედაპირების გახეხვაც („შლიფოვკა“) არის შესაძლებელი.

ამით ელექტრო დრელის შესაძლებლობები როდი მთავრდება. ასე მაგალითად, ინსტრუმენტს შეუძლია პერფორატორიც კი ჩაანაცვლოს. ამ შემთხვევაში, საუბარია დამრტყმელი ტიპის დრელზე, რომელსაც ბრუნვის გარდა, დარტყმის ძალაც აქვს. მეორე მხრივ, თუკი უპირატესად ბეტონთან აპირებთ მუშაობას, მაინც სჯობს, პერფორატორი მოიმარჯვოთ, ვინაიდან მსგავს დატვირთებზე სწორედ ეს ხელსაწყო არის განსაზღვრული. სხვა მხრივ, დრელისა და პერფერატორის გზები იყრება. მათი კონსტრუქციები კარდინალურად განსხვავებულია, რის გამოც, პერფერატორი უმკლავდება ისეთ პროცესებს, რომელთაც მაღალი სიმძლავრე სჭირდება.

სხვაობას ელექტრო სახრახნისსა და ელექტრო დრელს შორის მარტივად აღმოაჩენს ადამიანი, რომელიც სარემონტო საქმეებში დიდად ვერ ერკვევა. თუკი დრელი ხვრელებისთვის არის საჭირო, სახრახნისი აუცილებელია ხრახნებისა და ჭანჭიკების მოჭერა-მოშვებისთვის. ასევე, ელექტრო სახრახნისის ბრუნვის სიჩქარეც ბევრად ნაკლებია და პარამეტრების სიმრავლითაც ვერ დაიკვეხნის. სამაგიეროდ, არსებობს ელექტრო დრელი სახრახნისის ფუნქციით - ეს არის უნივერსალური ინსტრუმენტი საყოფაცხოვრებო პირობებში, რასაც თუნდაც ეს უკანასკნელი ფაქტიც ადასტურებს.

ბურღის („სვერლოს“) შერჩევა

სანამ საქმიანობას შეუდგებით, ელექტრო დრელი შესაბამისი დანიშნულების მქონე ბურღებით უნდა დახუნძლოთ. ძირითადად, „სვერლოს“ 3 ტიპი გამოიყოფა:

• „პობედიტი“;
• ალმასი;
• უნივერსალური.

„პობედიტი“ კარგად უმკლავდება ბეტონს, თუმცა ექსპლოატაციის ხანრძლივობა შედარებით ნაკლებია. უნივერსალური ბურღების მინუსი ის არის, რომ რეგულარული გაგრილებაა საჭირო. ყველაზე უფრო გამძლე ალმასის „სვერლოა“, თუმცა ფასი, როგორც წესი, საკმაოდ მაღალია.

საყოფაცხოვრებო და პროფესიონალური დრელი

როგორც ბევრი სხვა ელექტროინსტრუმენტი, დრელიც ორ ტიპად იყოფა:

• საყოფაცხოვრებო;
• პროფესიონალური.

ზოგჯერ გამოიყოფა გარდამავალი ტიპიც - ნახევრადპროფესიონალური.

ყველა საყოფაცხოვრებო, პროფესიონალურ და ნახევრადპროფესიონალურ დრელს მუშაობის ერთი და იგივე პრინციპი აქვს, განსხვავებულია მათი სიმძლავრე, წონა, ფასი, ფუნქციები და ზოგიერთი დამატებითი თავისებურება.

საყოფაცხოვრებო ელექტრო დრელი განკუთვნილია პრაქტიკულად, ყველა მარტივი საშინაო სარემონტო სამუშაოსთვის. მისი უპირატესობებია, გარდა შედარებით დაბალი ფასისა:

• მსუბუქი კონსტრუქცია, რის გამოც ინსტრუმენტით მუშაობა გაცილებით მარტივია;
• უნივერსალურობა. საყოფაცხოვრებო დრელისთვის ხშირად განსაზღვრულია დამატებითი ფუნქციები, მაგალითად, სახრახნისისა და მიქსერია. პროფესიონალური დრელი, როგორც წესი, ორიენტირებულია გარკვეულ დავალებაზე, რის გამოც, უნივერსალურობის მხრივ, დიდად ვერ დაიკვეხნის;
• კარგი დაცვა და გააზრებული კონსტრუქცია საყოფაცხოვრებო დრელით მუშაობას უფრო მოსახერხებელსა და უსაფრთხოს ხდის, რაც გამოუცდელი მომხმარებლისთვის მეტად მნიშვნელოვანია;
• საყოფაცხოვრებო დრელის გარანტია, როგორც წესი, უფრო ხანგრძლივია, ვიდრე პროფესიონალური ინსტრუმენტის შემთხვევაში.

მეორე მხრივ, საყოფაცხოვრებო ინსტრუმენტის გამოყენება დღეში 4 საათზე მეტხანს რეკომენდებული არ არის. გადაბმულად მუშაობის ოპტიმალური დრო 15-20 წუთია, რის შემდეგაც, ხელსაწყო უნდა დაასვენოთ დაახლოებით ამდენივე ხანს.

თუკი სიტუაცია და საქმე მოითხოვს, რომ დრელით დღეში 5 საათზე ხანგრძლივად უნდა იმუშაოთ, უმჯობესია, არჩევანი პროფესიონალურ ინსტრუმენტზე შეაჩეროთ, რომელიც გამორჩეულია მძლავრი მოტორით, რაც იმას ნიშნავს, რომ გაცილებით მარტივად უმკლავდება სოლიდურ დატვირთვებს. პროფესიონალური ელექტრო დრელი გადაბმულად 1 საათზე მეტს მუშაობს, დღეში კი, ჯამში, 7-8 საათიან მუშაობას უძლებს, საკმარისია მცირე შესვენებებიც. ასეთი ინსტრუმენტი საყოფაცხოვრებოზე ძვირიც ღირს, ნაკლებად უნივერსალურია, არის შედარებით მძიმე, მაგრამ უკეთ არის დაცული მტვრისგან, ნესტისგან და პროფესიონალი მის გარეშე საქმეს, უბრალოდ, ვერ გააკეთებს.

ნახევრადპროფესიონალური დრელი - მოწყობილობის საკმაოდ შეზღუდული კლასია. გარდამავალი მოდელები შეიძლება აღჭურვილი იყოს პროფესიონალურის ზოგიერთი თვისებით, ან პროფესიონალური, მაგრამ არანაირი დამატებითი ელემენტით.

რომელი დრელი უნდა აირჩიოთ, დამოკიდებულია იმაზე, რა სახის სამუშაოები გაქვთ შესასრულებელი და რამდენად ხშირად მოგიწევთ ხელსაწყოს გამოყენება. თუკი ის დაგჭირდებათ იმისთვის, რომ საჭიროების შემთხვევაში, მაგალითად, კედელზე თარო მიამატოთ ან ნახატი დაკიდოთ, თამამად შეგიძლიათ, საყოფაცხოვრებო ელექტრო დრელი შეიძინოთ. იმ შემთხვევაში, თუ თქვენი შემოსავლის ძირითადი ან დამატებითი წყარო რემონტია, მაშინ პროფესიონალური დრელის შეძენა ურიგო ნამდვილად არ იქნება.

ნებისმიერ შემთხვევაში, როგორიც არ უნდა იყოს თქვენი გადაწყვეტილება, Holst.ge-ზე სასურველ ხელსაწყოს მარტივად მიაგნებთ, რამდენიმე საინტერესო მოდელის შესახებ დეტალურ აღწერას კი აქვე გთავაზობთ.

TOLSEN TOL1682-79501A ელექტრო დრელი 500W 13MM

• ბრენდი - TOLSEN
• პროდუქტის ტიპი - ელექტრო დრელი ჩაქუჩით
• სიმძლავრე - 500W
• გარანტია - 1 წელი
• შტრიხკოდი - 6933528788836
• წონა (კგ) - 2
• კვების წყარო - 220-240V
• ბრუნვის სიჩქარე - 0-2900min
• ვაზნის დიამეტრი - 0.8-13mm
• ფუნქციები - დარტყმა ბურღვისას/ბურღვა
• დამატებითი კომპლექტაცია - დამატებით სახელური + სიღრმის მარეგულირებელი   
• დარტყმის სისრაფე - 0-46400min
• მაქს. ბურღვა (ბეტონი; ხე; მეტალი) - 13mm/25mm/13mm

BOSCH ელექტრო დრელი ჩაქუჩით 570W Percussion Drill GSB 570

• ბრენდი - BOSCH
• პროდუქტის ტიპი - ელექტრო დრელი ჩაქუჩით
• სიმძლავრე - 570W
• გარანტია - 1 წელი
• შტრიხკოდი - 06011B70R0
• წონა (კგ) - 1.7
• კვების წყარო - 220-240V
• ბრუნვის სიჩქარე - 0-3000min
• ვაზნის დიამეტრი - 1.5-13mm
• ფუნქციები - დარტყმა ბურღვისას/ბურღვა
• დამატებითი კომპლექტაცია - დამატებით სახელური + სიღრმის მარეგულირებელი   
• დარტყმის სისრაფე - 0-48000min
• მაქს. ბურღვა (ბეტონი; ხე; მეტალი) - 13mm/25mm/10mm 

CROWN CT10128-ელექტრო დრელი ჩაქუჩით 600w

• ბრენდი - CROWN
• პროდუქტის ტიპი - ელექტრო დრელი ჩაქუჩით
• სიმძლავრე - 600W
• გარანტია - 1 წელი
• შტრიხკოდი - 7640177420152
• წონა (კგ) - 1.7
• კვების წყარო - 220-240V
• ბრუნვის სიჩქარე - 0-2800min
• ვაზნის დიამეტრი - 1.5-13mm
• ფუნქციები - დარტყმა ბურღვისას/ბურღვა
• მაქს. ბურღვა (ბეტონი; ხე; მეტალი) - 13mm/20mm/13mm

Dewalt - DWD024-QS ელ.დრელი 701W

• ბრენდი - DEWALT
• პროდუქტის ტიპი - ელექტრო დრელი ჩაქუჩით
• სიმძლავრე - 650W
• გარანტია - 1 წელი
• შტრიხკოდი - 5035048268148
• წონა (კგ) - 2.63
• კვების წყარო - 220-240V
• ბრუნვის სიჩქარე - 0-2800min
• ვაზნის დიამეტრი - 1.5-13mm
• ფუნქციები - დარტყმა ბურღვისას/ბურღვა
• დამატებითი კომპლექტაცია - დამატებით სახელური + სიღრმის მარეგულირებელი   
• დარტყმის სისრაფე - 0-47600min
• მაქს. ბურღვა (ბეტონი; ხე; მეტალი) - 16mm/25mm/13mm