ზუსტად თუ გახსოვთ, თავიკაცი რას ნიშნავს? სხვათა შორის, საკმაოდ ბევრი განმარტების მოძიება შეიძლება ინტერნეტში და რამდენიმე ყველაზე უფრო საინტერესოს ახლავე გაგიზიარებთ.

განმარტება N1: თავიკაცი - ქორწილსა თუ ქელეხში მოწინავე „ფხიანი“ ადამიანი,  რომელსაც მეტად საპასუხისმგებლო ფუნქციებს ანდობენ. როგორც წესი, ამ ადამიანის საყვარელი ფრაზებია: „აბა, რა ქენით, თევზი მოიტანეთ?“, „ღვინო ჩამოვიდა შიბლიანიდან?“, „შილას დუმა არ მოაკლოთ, იცოდეთ!“ და ასე შემდეგ.

განმარტება N2: თავიკაცი - ადამიანი, რომელიც მხოლოდ ქელეხებსა და ქორწილებში ახსენდებათ. აგვარებს ნებისმიერ პრობლემას, არის კოჭლი და უყვარს ფრაზა: „სუფრას რამე ხომ არ აკლია?“, „ჯერ ესენი მორჩნენ და ბავშვებს მერე დავსვამთ“ და ასე შემდეგ.

განმარტება N3: სინამდვილეში, თავიკაცი ერთ-ერთი ყველაზე გამორჩეული ადამიანია, რომელსაც ნებისმიერი შინაარსის სუფრას ანდობ და რომელიც უპატივცემულოდ არავის დატოვებს.

ჰოდა, მთლად თამადობას თუ არა, კუთხსახეხი, სარემონტო ხელსაწყოების სუფრაზე, თავიკაცობას ნამდვილად იმსახურებს - მრავალფუნქციურია და რასაც დაავალებთ, ყველაფერს ისე შეასრულებს, თქვენ რომ გაგიხარდებათ.

რა არის ბარგალკა და რისთვის გამოიყენება

ბარგალკა, იგივე კუთხსახეხი, როგორც მას ოფიციალურად ჰქვია, ამარტივებს მასალების ჭრასა და წმენდას, ასევე, კომფორტულია ერთი ადგილიდან მეორეზე გადასატანად ზომებისა და წონის წყალობით. ინსტრუმენტს აქტიურად იყენებენ სხვადასხვა დავალების შესასრულებლად, მათ შორის, გამოსადეგია ყოველდღიურ ცხოვრებაში, აგარაკზე, რემონტის დროს და ასე შემდეგ. ერთი კია, ყველა ნახსენებ შემთხვევაში, კუთხსახეხის ღირებულება სხვადასხვა იქნება. რატომ და რა მიზეზით, ამაზე ქვემოთ უფრო უკეთ მოგახსენებთ.

განვიხილოთ, რა უნდა გაითვალისწინოთ, თუკი გადაწყვიტეთ, რომ სარემონტო ხელსაწყოებს ბალგარკა დაამატოთ.

კუთხსახეხის სახეობები

დასაწყისისთვის ის გავარკვიოთ, კუთხსახეხის რა სახეობები არსებობს, რათა მათ შორის არსებული სხვაობით უკეთ მივხვდეთ ინსტრუმენტის ძლიერ და სუსტ მხარეებს. ასე და ამგვარად, ბალგარკა შეიძლება იყოს: ელექტრო, აკუმულატორიანი, პნევმატიკური და საწვავზე მომუშავე.

• ელექტრო

საყოფაცხოვრებო პირობებისთვის, ყველაზე უფრო გავრცელებული 220 ვოლტზე მომუშავე მოდელია. ინსტრუმენტი ჩვეულებრივ როზეტში შეერთებით მუშაობს მიუხედავად მახასიათებლებში მითითებული სიმძლავრისა. მთავარი მოთხოვნა ასეთი მოდელისთვის ელექტრობის ქონაა, რის გამოც, მას, როგორც წესი, შენობებში იყენებენ (საამქრო, სახელოსნო, ფარეხი) ან სახლთან ახლოს, თუკი რა თქმა უნდა, შესაბამისი დამაგრძელებელიც იქვეა.

პლუსები

• • ბრუნვის მაღალი სიჩქარე;
  • განსხვავებული საცმები;
  • მომსახურების ხანგრძლივი პერიოდი;
  • ფართო საფასო დიაპაზონი.

მინუსები

• • ელექტრობაზე დამოკიდებულება;
  • ძაბვის თამაშის დროს მუშაობა ფერხდება;
  • სადენი ფეხებში იბურდება.
• აკუმულატორიანი

აქვს ელექტრო კუთხსახეხის მსგავსი კონსტრუქცია, თუმცა კვებას ელემენტისგან იღებს, რომელიც როგორც წესი, სახელურშია ხოლმე ჩაშენებული. უფრო ხშირად, გვხვდება კომპაქტური მოდელები, რომელიც არც ისე ხანგრძლივი გამოყენებისთვის არის განკუთვნილი. ელემენტი მხოლოდ რამდენიმე საათიანი მუშაობის საშუალებას იძლევა, რის შემდეგაც მას დატენა სჭირდება.

საუკეთესო ვარიანტია საველე პირობებში მუშაობისთვის. თუკი რეგულარულად გიწევთ მუშაობა ადგილებში, სადაც ელექტროენერგია ხელმისაწვდომი არ არის, კარგს იზამთ, თუკი რამდენიმე სათადარიგო ელემენტს შეიძენთ.

პლუსები

• • სადენი ფეხებში არ აგებურდებათ;
  • არ არის მძიმე;
  • ხშირად იყიდება ქეისთან ერთად, რაც ტრანსპორტირებისთვის ძალიან კომფორტულია;
  • ბრუნვის მაღალი სიჩქარე.

მინუსები

• • თავსებადია მხოლოდ მცირე დიამეტრის დისკებთან;
  • არ არის გათვლილი ხანგრძლივ მუშაობაზე;
  • უფრო ძვირია, ვიდრე ელექტრო;
  • ზოგჯერ ელემენტების გარეშე იყიდება, რაც დამატებითი ხარჯია.
    
    
• პნევმატიკური

გამორჩეულია მუშაობის სრულიად განსხვავებული პრინციპით. რედუქტორი მოქმედებაში ფრთოვანას ხარჯზე მოდის, რომელზეც თავის მხრივ, შეკუმშული ჰაერი მოქმედებს. ვინაიდან კონსტრუქციაში მძიმე ელექტროძრავა არ არის, პნევმატიკური კუთხსახეხი მოკლე და მსუბუქია, მაგრამ ფუნქციონირებისთვის საჭიროებს კომპრესორს ან შეკუმშული ჰაერის სტაციონარულ ხაზს.

ელექტრომოტორის არქონის გამო, ინსტრუმენტი ნაკლებად ხურდება, რაც დღეში 6-8 საათის მანძილზე მუშაობის საშუალებას იძლევა.

პლუსები

• • მცირე წონა და მოკლე კორპუსი;
  • არ ხურდება;
  • შთამბეჭდავი ფუნქციონალი და მინიმალური რაოდენობით დეტალები;
  • მომატებული უსაფრთხოება;
  • ჭრის მაღალი სიჩქარე;
  • უხმაუროდ მუშაობის შესაძლებლობა (ვინაიდან ძრავა არ აქვს).

მინუსები

• • სჭირდება კომპრესორი ან ჰაერის სხვა წყარო;
  • ფეხებში სადენი არა, მაგრამ შლანგი იბურდება;
  • მაღალი ფასი.
    
    
• საწვავზე მომუშავე

ინსტრუმენტი მოქმედებაში ბენზინზე მომუშავე შიგა წვის ძრავის ხარჯზე მოდის. ამის გამო კუთხსახეხი საკმაოდ მძიმე და ამასთან ერთად, ხმაურიანია. მუშაობს დიდი დიამეტრის მქონე დისკებით და გამოიყენება საველე პირობებში მუშაობისთვის (ჭრიან მილებს, რელსებს, შველერებს და ასე შემდეგ). ავტონომიური მუშაობის ხანგრძლივობა დამოკიდებულია ავზის მოცულობასა და საწვავის ხარჯვაზე. ხანგრძლივი მანიპულაციებისთვის საჭიროა დამატებითი კანისტრის ქონა.

პლუსები

• • არ აქვს სადენი, არ სჭირდება კომპრესორთან მიერთება;
  • გაზრდილი სიმძლავრე და ჭრის მაღალი სიჩქარე;
  • სადგამზე დაყენებისას საჭრელ მანქანად იქცევა.

მინუსები

• • ძალიან ხმაურიანია;
  • მოტორის გაგრილებისთვის შესვენებები სჭირდება;
  • მძიმეა;
  • გაბარიტების გამო, რთულია მცირე ზომის ადგილების დამუშავება;
  • დამატებითი ხარჯები საწვავის გამო.

დისკების დიამეტრი

კუთხსახეხის ზომა გავლენას ახდენს გარკვეული დიამეტრის მქონე დისკის დაყენების შესაძლებლობაზე. ჩვეულებრივ, შეზღუდვის მიზეზი დამცავი ბუდეა, რომელსაც ინსტრუმენტს ზოგჯერ საერთოდ ხსნიან ხოლმე, რაც საკმაოდ საშიშია. ამდენად, წინასწარვე უნდა გქონდეთ განსაზღვრული, რა ზომის დისკი გჭირდებათ.

• 115-150 მმ - ყველაზე პატარა წრეები, რომელთა დახმარებითაც შესაძლებელია 30-35 მმ სისქის ლითონის გაჭრა. კომფორტულია რთულად მისადგომი ადგილებისთვის, ფაქიზი მუშაობისთვის, თუმცა სწრაფად იცვითება და ხშირად ცვლა სჭირდება;
• 180 მმ - საშუალო ვარიანტი, რომელიც გამოსადეგია 60-70 მმ სისქის მასალის დასამუშავებლად. პოპულარულია სანტექნიკოსებში და ხელოსნებში, რომლებიც გათბობის მონტაჟზე მუშაობენ;
• 230 მმ - მაქსიმალური ზომა ელექტრო კუთხსახეხისთვის. გამოიყენება მშენებლობებზე, რემონტისას;
• 400 მმ - ვხვდებით მხოლოდ საწვავზე მომუშავე მოდელებში. გამოიყენება რელსების, შველერის, დიდი დიამეტრის მქონე მილების ჭრისთვის. ასევე, იყენებენ მაშველები ნანგრევების გაწმენდისას.

მცირე ზომის დისკების დიდ კუთხსახეხზე დაყენება შესაძლებელია, თუმცა მუშაობის პროცესი არც თუ ისე მოსახერხებელია - სწრაფად ცვდება, ჭრის ხაზი ნაკლებად შესამჩნევია და ასე შემდეგ. ეს ყველაფერი იმას ნიშნავს, რომ კარგს იზამთ, თუკი ზუსტად გეცოდინებათ, რა ტიპის სამუშაოები უნდა აწარმოოთ და კუთხსახეხის მოდელიც მხოლოდ ამის შემდეგ შეიძინოთ.

TOLSEN TOL1898-79543 ელექტრო სახეხი ხელსაწყო 115mm 760W

• ბრენდი - TOLSEN
• პროდუქტის ტიპი - კუთხლივ სახეხი ხელსაწყო
• სიმძლავრე - 760W
• ფორმა - გრძელ ტარიანი
• ზომა - 115mm
• გარანტია - 1 წელი
• შტრიხკოდი - 6933528789567
• წონა (კგ) - 2.125
• კვების წყარო - 220-240V
• კომპლექტაცია - დამატებით სახელური + დამცავი + ქანჩი
• ბრუნვის სიჩქარე - 0-11000min

CROWN CT13497-კუთხლივ სახეხი ხელსაწყო "ბარგალკა" 125mm 860W

• ბრენდი - CROWN
• პროდუქტის ტიპი - კუთხლივ სახეხი ხელსაწყო
• სიმძლავრე - 860W
• ფორმა - მოკლე ტარიანი
• ზომა - 125mm
• გარანტია - 1 წელი
• შტრიხკოდი - 7640177420435
• წონა (კგ) - 2
• კვების წყარო - 220-240V
• კომპლექტაცია - დამატებით სახელური + დამცავი
• ბრუნვის სიჩქარე - 0-11000min

STANLEY - STGS9125D-TR კუთხლივ სახეხი ხელსაწყო 125mm 900W

• ბრენდი - STANLEY
• პროდუქტის ტიპი - კუთხლივ სახეხი ხელსაწყო
• ფორმა - მოკლე ტარიანი
• ზომა - 125mm
• გარანტია - 1 წელი
• შტრიხკოდი - 5054905289560
• წონა (კგ) - 1.4
• კვების წყარო - 220-240V
• კომპლექტაცია - დამატებით სახელური + დამცავი + ქანჩი
• ბრუნვის სიჩქარე - 0-11000min

Dewalt - DWE4233-QS კუთხლივ სახეხი ხელსაწყო 125mm 1400W

• ბრენდი - DEWALT
• პროდუქტის ტიპი - კუთხლივ სახეხი ხელსაწყო
• სიმძლავრე - 1400w
• ფორმა - მოკლე ტარიანი
• ზომა - 125mm
• გარანტია - 1 წელი
• შტრიხკოდი - 5035048614020
• წონა (კგ) - 3.06
• კვების წყარო - 220-240V
• ბრუნვის სიჩქარე - 0-11500min
• დამატებითი კომპლექტაცია - დამატებით სახელური + დამცავი