სკეპტიკოს ადამიანს რომ ჰკითხო, იყიდეთ მიწა, სათბური, თესლი, მავნებლების საწინააღმდეგო საშუალებები, სასუქები, მანქანა, ტრაქტორი, ინსტრუმენტები, ბენზინი და დატკბით უფასო ხილითა და ბოსტნეულითო, გეტყვის.

მოიცა და კითხვა რაში მდგომარეობს? პრინციპში, ასეთი ადამიანისთვის არანაირი კითხვის დასმას არ აქვს აზრი, ყველანაირ იმედს გადაგიწურავს და იმიტომ. ჰოდა, სკეპტიკოსს კი არა, ოპტიმისტს ვკითხოთ: ღირს კი საკუთარ მეურნეობაზე ზრუნვა? პასუხი აუცილებლად საიმედო იქნება: ღირს და მერე - როგორ - იყიდეთ მიწა, სათბური და ყველა დანარჩენი, რაც ზემოთ ჩამოთვალეთ, განსაკუთრებით, სასუქები არ დაგავიწყდეთ და აი, მერე კი ნამდვილად გაიხარებთ ხილითა და ბოსტნეულით, აყვავებული ბაღჩა-ბაღებითა თუ ვენახებით.

როგორ უნდა შეარჩიოთ სასუქი, ზოგადად, რა ტიპის სასუქები არსებობს და რას გთავაზობთ Holst.ge? პასუხებს ქვემოთ მიაკვლევთ:

დავიწყოთ იმით, რისთვის არის სასუქი საჭირო:

• ზრდის მოსავლიანობას;
• აჩქარებს მცენარის ზრდის პროცესს;
• აუმჯობესებს ნიადაგის ნაყოფიერებას;
• ნიადაგს იცავს ეროზიისგან;
• მცენარეს იცავს ვირუსული დაავადებებისგან.

აქვე დავამატოთ ისიც, რომ სამრეწველო სასუქები იძლევიან მოსავლის ნამატის თითქმის ნახევარს. გარდა ამისა, ისინი დადებითად მოქმედებენ ატმოსფეროზე, რაც განპირობებულია ფოტოსინთეზის პროცესის გაძლიერებით - ნახშირჟანგის ასიმილაციისა და ჟანგბადის გამოყოფის გადიდებით.

სასუქის სწორი გამოყენებით შესაძლებელია, ყოველწლიურად სულ უფრო მეტი მოსავალი მიიღოთ, გააძლიეროთ კულტურების იმუნური სისტემა და გააუმჯობესოთ ნიადაგის მდგომარეობა, საიდანაც მცენარეები განვითარებისთვის საჭირო ყველა ნივთიერებას იღებენ. თუკი შესაბამისი ნივთიერებები არასაკმარისია, მცენარის ზრდა შენელდება, დასუსტდება და მავნებლებისა თუ დაავადებების მიმართ ბევრად მგრძნობიარე გახდება.

სასუქი და მისი ტიპები

სპეციალისტები სასუქის შემდეგ სახეობებს გამოყოფენ: ორგანული, მინერალური, მინერალურ-ორგანული, ბაქტერიული და მიკრო სასუქები. სპეციალისტები იმასაც ამბობენ, რომ საქართველოს მრავალფეროვანი ნიადაგურ-კლიმატური პირობები განსხვავებულ ზეგავლენას ახდენენ თუნდაც ერთი და იმავე კულტურის ზრდა-განვითარებაზე. ამდენად, მცენარეებსაც აუცილებლად სჭირდებათ სწორი კვება და სასუქით დახმარების აღმოჩენა.

გასათვალისწინებელია, რომ ბიოლოგიურად სუფთა პროდუქციის მისაღებად საჭიროა, ზუსტად გაითვალისწინოთ მინერალური და ორგანული სასუქებისა და პესტიციდების ნორმები, შეტანის ვადები და წესები.

სასუქების კლასიფიკაცია

არსებობს სხვადასხვა ფორმისა და განსხვავებული შემადგენლობის სასუქები, რომლებიც განკუთვნილია სპეციალურად თესლისა და ნერგებისთვის, ასევე, ცალკეული სახეობებისა და ჯიშების მცენარეებისთვის.

ნიადაგზე ზემოქმედების ხასიათისა და მცენარეთა კვების რეჟიმის მიხედვით განასხვავებენ პირდაპირ და არაპირდაპირ სასუქებს.

• პირდაპირი სასუქები ნარგავებს საკვები ნივთიერებებით (აზოტი, ფოსფორი, კალიუმი, მიკროელემენტები) ამარაგებს. ამ ჯგუფში შედის მრავალი მინერალური და ორგანული სასუქი;
• არაპირდაპირი სასუქი აუმჯობესებს ნიადაგის თვისებებს, ახდენს მასში საკვები ნივთიერებების მობილიზებას. ამ ჯგუფში შედის ბაქტერიული სასუქები, რომლებიც ნიადაგში ბიოლოგიურ პროცესებს აჩქარებენ.

წარმოების მეთოდის მიხედვით სასუქები შემდეგნაირად იყოფა: სამრეწველოდ და ადგილობრივად.

• სამრეწველო - ეს არის ქარხნებში წარმოებული მინერალური სასუქები;
• ადგილობრივი - მიღებულია გამოყენების ადგილებში, უშუალოდ ფერმებში ან მათ მახლობლად. ამ ჯგუფში შედის ნაკელი, ფრინველის ექსკრემენტები, კომპოსტი, ტორფი, ნაცარი, კირის სასუქები.

დასასრულისკენ კიდევ ერთხელ აღვნიშნოთ, რომ სასუქები და მცენარეთა დაცვის საშუალებები საშუალებას მოგცემთ, მიიღოთ მდიდარი მოსავალი და რაც არანაკლებ მნიშვნელოვანია, გაზარდოთ მისი შენახვის ვადაც.

აბა, წარმატებები საკუთარი მეურნეობის გაძღოლის საქმეში.

Valagro - სასუქი - ბრექსილ მიქსი - 1 კგ.

• ბრენდი - VALAGRO
• პროდუქტის ტიპი - მინერალური - ორგანული სასუქი
• შტრიხ-კოდი - 8031702016411
• წონა (კგ) - 1
• მოცულობა - 1 კგ
• მოქმედი ნივთიერება - მაგნიუმის ოქსიდი - 6%; ბორი - 1.2%; სპილენძი - 0.8%; რკინა - 0.6%; მოლიბდენი - 1%; თუთია - 5%; მანგანუმი - 5%;
• პრეპარატული ფორმა - მიკროგრანულარული სასუქი
• მწარმოებელი კომპანია - VALAGRO
• მწარმოებელი ქვეყანა - იტალია
• კულტურა - ყველა

INDORAMA - სასუქი - ინდორამა 8:20:25 - 50 კგ

• ბრენდი - INDORAMA
• პროდუქტის ტიპი - მინერალური - გრანულარული სასუქი
• შტრიხ-კოდი - 5907299919110/1
• წონა (კგ) - 50
• მოცულობა - 50 კგ
• მოქმედი ნივთიერება - საერთო აზოტი (N) - 8%; საერთო ფოსფატი (P2O5) - 20%; წყალში ხსნადი კალიუმის ოქსიდი (K2O) - 25%
• პრეპარატული ფორმა - გრანულირებული სასუქი
• მწარმოებელი კომპანია - INDORAMA
• მწარმოებელი ქვეყანა - ინდოეთი
• კულტურა - ყველა

Valagro - სასუქი - მასტერი 3-37-37 - 25 კგ

• ბრენდი - VALAGRO
• პროდუქტის ტიპი - მინერალური - კრისტალური სასუქი
• შტრიხ-კოდი - 915664
• წონა (კგ) - 25
• მოცულობა - 25 Kg
• მოქმედი ნივთიერება - სუფთა აზოტი (N) - 3%; ფოსფორის პენტოქსიდი (P205) - 37%; კალიუმის ოქსიდი (K2O) - 37%; წყალში ხსნადი ბორი (B) - 0.02%; ხელატირებული რკინა (Fe) - 0.07%; ხელატირებული მანგანუმი (Mn) - 0.03%; ხელატირებული თუთია (Zn) - 0.01%; ხელატირებული სპილენძი (Cu) - 0.005 %
• მწარმოებელი კომპანია - Valagro
• მწარმოებელი ქვეყანა - იტალია
• კულტურა - ყველა კულტურა