სვარკის აპარატი საშინლად იყო გაბრაზებული მშობლებსა და პრინციპში, ნათლიაზეც... აბა, როგორ შეიძლებოდა, ბავშვისთვის სვარკის აპარატის დარქმევა, აი, როგორ?!

სხვათა შორის, კაი მაკვარანცხი ვინმე კი გახლდათ ეს ჩვენი სვარკის აპარატი - გასული საუკუნის 90-იანებში „ბუტკებს“ რომ მიჰქონდა ყველაფერი, ხომ გახსოვთ? ჰოდა, ერთ დღესაც გამყიდველმა ნისიაზე უარი უთხრა და ამანაც რა მოიფიქრა, არ იკითხავთ? ადგა და ღამით „ბუტკის“ კარ-ფანჯარა „დაუსვარკა“...

რა თქმა უნდა, შედუღების აპარატები ბევრად სასარგებლო საქმეების კეთებაში გვეხმარება. მაგალითად,  თუ ისე მოხდა, რომ ჩინურ რესტორანში ჩხირები არ დაგხვდათ, ჩაიცურეთ ჯიბეში ხელი, ამოიღეთ ელექტროდები და ჰოპლა, მათაც ჩინებულად გამოიყენებთ...

კარგით, ვაღიაროთ, რომ სვარკის აპარატები (კი, ნამდვილად უნდა ამ ორ სიტყვას ბრჭყალები, მაგრამ იყოს ასე, ამ ერთხელ არა უშავს) ბევრად საჭირო და გამოსადეგი რამ არის და მოდით, საფუძვლიანად განვიხილოთ მოცემული საკითხი.

მოდით, დავიწყოთ უსაფრთხოებით

ალბათ, რამდენჯერ ყოფილა ბავშვობაში, შედუღების პროცესს თუ სადმე გადააწყდებოდით, მშობელი რომ მაშინვე გეტყოდათ: „ახლავე თვალები დახუჭე!“ მართალიცაა, ამ დროს თვალები აუცილებლად დაცული უნდა იყოს, თუნდაც შორს იყოთ, მაგრამ თუ შედუღების აპარატი გაქვთ მოქოქილი და თავად მუშაობთ, აღარც გაკადრებთ იმის თქმას, რომ დამცავი ჩაფხუტი უნდა გეკეთოთ.

შევთანხმდეთ, რომ ნებისმიერი შედუღება უსაფრთხოების ნორმების უმკაცრესი დაცვით უნდა შესრულდეს. ლითონების დნობის, ჭრისა თუ შედუღების პროცესი საშიში და მავნე ფაქტორების წარმოშობის წყაროა, რასაც ადამიანის ორგანიზმზე ნეგატიური ზეგავლენის მოხდენა შეუძლია. საწარმოებში, შრომის უსაფრთხოების წესების თანახმად, ჩვეულებრივ, მხოლოდ შესაბამისი კვალიფიკაციის თანამშრომლებს აქვთ შედუღების სამუშაოების წარმოების უფლება, ჰყავთ ხელმძღვანელი ან გადამზადებული სპეციალისტი, რომელიც პროცესს გულდასმით აკონტროლებს.

რატომ უნდა იყოს უსაფრთხოების ზომები მკაცრად გაკონტროლებული და რისკები ახლავს შედუღების სამუშაოებს? აგერ, მხოლოდ რამდენიმე მაგალითი:

• ნაპერწკალი, რომელიც კანზე შეიძლება მოხვდეს, დამწვრობას იწვევს. ამდენად, მთელი სხეული დაცული უნდა იყოს;
• ასევე, ეს ნაპერწყალი წვავს პრაქტიკულად, ყველა სახეობის ქსოვილს სპეციალურის გარდა. ამდენად, სამოსი ისეთი ქსოვილისგან უნდა იყოს დამზადებული, რომელსაც სპეციალური დაცვის თვისებები აქვს;
• სადენების ცუდი იზოლაცია, ასევე, წვიმა, თოვლი, შესაძლოა, დენის დარტყმის მიზეზი გახდეს;
• შენობაში, სადაც შედუღების პროცესი მიმდინარეობს, არ უნდა იყოს ისეთი მასალები, რომლებიც მარტივად აალებადია - ნაპერწალს მათი დაზიანება და როგორც შედეგი, ხანძრის გამოწვევაც წარმატებით შეუძლია;
• ინფრაწითელ ან ულფტრაიისფერ გამოსხივებას თვალის ბადურის დაზიანება შეუძლია, რასაც, არ არის გამორიცხული, მხედველობის ნაწილობრივი ან სრული დაკარგვა მოჰყვეს.

როგორ უნდა იზრუნოთ საკუთარი თავის უსაფრთხოებაზე

შედუღების სამუშაოების წარმოებისას უსაფრთხოების ზომები ასე და ამგვარად უნდა დაიცვათ:

• აუცილებლად შეამოწმეთ ყველა ელემენტის იზოლაცია, რომელსაც დენის გატარება შეუძლია;
• დარწმუნდით, რომ შედუღების აპარატის კორპუსი დამიწებულია;
• დახურულ შენობაში მუშაობისას, გამოიყენეთ რეზინის ხალიჩები და სპეციალური ფეხსაცმელი რეზინის ძირით;
• სადაც არ უნდა მუშაობდეთ, შედუღების სამუშაოების შესრულებისას, მონაკვეთზე არ უნდა იყოს საწვავი, ადვილად აალებადი სხვა მასალა (უსაფრთხოების ზონა 5 მეტრამდე);
• გამვლელების, სხვა თანამშრომლების დაცვის მიზნით, სამუშაო ადგილი შემოსაზღვრული უნდა იყოს;
• შენობა, სადაც სამუშაოები ტარდება, აღჭურვილი უნდა იყოს ვენტილაციის სისტემით;
• შეამოწმეთ სადენები - ერთმანეთში არ უნდა აიხლართოს;
• შედუღების აპარატები ერთი ადგილიდან მეორეზე შეგიძლიათ გადასწიოთ ან გადაიტანოთ მხოლოდ კვების გამორთვის შემდეგ.

კატეგორიულად აკრძალულია!

არსებობს არაერთი ძალიან მნიშვნელოვანი შეზღუდვა, რომელთა გათვალისწინებაც საშუალებას მოგცემთ, უზრუნველყოთ როგორც საკუთარი თავის, ისე გარშემომყოფების უსაფრთხოება და თავიდან აიცილოთ საშიში და ავარიული სიტუაციები:

• შედუღების სამუშაოების წარმოება კატეგორიულად აკრძალულია ნალექისას ან შენობაში, სადაც მაღალი ტენიანობაა;
• აკრძალულია ელექტრორკალური შედუღებით მუშაობა, თუკი დაზიანებულია სინათლის ფილტრი ან დამცავი ნიღბის ეკრანი;
• დეტალი, რომელზეც მუშაობთ, დამაგრებული უნდა იყოს მექანიკურად - მუშაობის პროცესში მისი ხელით დაკავება აკრძალულია;
• შენობაში არ უნდა იყოს საწვავი ან ადვილად აალებადი მასალები.

მცირე ისტორიული ექსკურსი

შედუღების პირველ მეთოდებს ცივილიზაციის სათავეებთან მივყავართ - ლითონების გამოყენებასა და დამუშავებასთან. ლითონის ნაკეთობების შექმნა ფართოდ იყო გავრცელებული რკინისა და ფერადი ლითონების მადნების აღმოჩენის ადგილებში. იმის გამო, რომ მუდმივად იდგა რემონტის აუცილებლობა, ასევე, არსებული ხელსაწყოების გაუმჯობესების საჭიროება, მუდმივად ხდებოდა მეტალურგიული და შედუღების პროცესების დახვეწა.

შედუღება ლითონის გასათბობად, დასამუშავებლად, ელექტროენერგიის გამოყენებით, კაცობრიობამ მას შემდეგ დაიწყო, რაც ელექტროენერგია მიიღო.

- 1802 წელს ვასილი პეტროვმა ელექტრული რკალის მოვლენა აღმოაჩინა და ამ ექსპერიმენტების შესახებ პირველი მონაცემები გამოაქვეყნა.

- ამ საოცარი ადამიანის გარეშე რომ ვერ ჩაივლიდა ასეთი საჭირო გამოგონების დახვეწა, ბუნებრივია. ჰოდა, 1882 წელს ნიკოლა ტესლამ ცვლადი დენის მიღები მეთოდი გამოიგონა.

- 1881-1882 წლებში გამომგონებლებმა - ბენარდოსმა და სლავიანობმა, რომლებიც ერთმანეთისგან დამოუკიდებლად მუშაობდნენ, შეიმუშავეს მეთოდი, რომელიც ლითონის დეტალების შეერთებას შედუღების გამოყენებით გულისხმობდა.

- 1905 წელს მეცნიერმა ვლადიმერ მიცკევიჩმა სამყაროს ასეთი სიახლე შესთავაზა: შედუღების პროცესში გამოეყენებინათ ელექტრული რკალი სამფაზიანი დენით.

- 1919 წელს შედუღება ცვლადი დენით გამოიგონა ჯონათან ჰოლსლაგმა.

- 1960-იანი წლების ბოლოდან მრეწველობაში ფართოდ დაიწყო შედუღების სამუშაოების გამოყენება. 21-ე საუკუნის დასაწყისიდან კი შედუღების აპარატების რობოტიზაციამ საკმაოდ დიდი მასშტაბები მიიღო.

უჰ, კაი ვრცელი ამბავი კი გამოვიდა, მაგრამ უსაფრთხოების ზომებს Holst.ge გვერდს არასოდეს აუვლის, ეს ხომ ელემენტარულია, უოტსონ!

ჰოდა, რაკიღა უსაფრთხოების ამბები მშვენივრად განვიხილეთ, ისტორიაც ასე თუ ისე გავიგეთ, ჯერი თქვენზეა, ძვირფასო მომხმარებელი - შეარჩიეთ Holst.ge-ზე სასურველი აპარატი, თუ დამატებითი კითხვები გექნათ, არც ამაზე დაგზარდებათ ვინმე და ჩანაფიქრების წარმატებით განხორციელებას გისურვებთ!..

CROWN CT33102-შედუღების აპარატი ინვენტორული 150A

• ბრენდი - CROWN
• პროდუქტის ტიპი - შედუღების აპარატი
• სიმძლავრე -150A
• გარანტია -1 წელი
• შტრიხკოდი  - 7640177422309
• წონა (კგ) - 3.6
• კვების წყარო - 220-240V
• კომპლექტაცია - ელექტროდის დამჭერი კაბელი + დამიწების კაბელი + დამცავი სათვალე +რკინის ჩოთქი
• ელექტროდის ზომა - 2.5-3.2mm
• ტექნოლოგია - IGBT
• ეფექტურობა - 0.83
• იზოლირების დონე - F
• მუშაობის ციკლი - 0.35

CROWN CT33099-შედუღების აპარატი ინვენტორული 160A

• ბრენდი - CROWN
• პროდუქტის ტიპი - შედუღების აპარატი
• სიმძლავრე - 160A
• გარანტია - 1 წელი
• შტრიხკოდი  - 7640177421500
• წონა (კგ) - 5.1
• კვების წყარო - 220-240V
• კომპლექტაცია - ელექტროდის დამჭერი კაბელი + დამიწების კაბელი + დამცავი სათვალე +რკინის ჩოთქი
• ელექტროდის ზომა - 2.5-4.0mm
• ტექნოლოგია - IGBT
• ეფექტურობა - 0.83
• იზოლირების დონე - F
• მუშაობის ციკლი - 0.4

CROWN CT33100-შედუღების აპარატი ინვენტორული 200A

• ბრენდი - CROWN
• პროდუქტის ტიპი - შედუღების აპარატი
• სიმძლავრე - 200A
• გარანტია - 1 წელი
• შტრიხკოდი - 7640177421517
• წონა (კგ) - 6.1
• კვების წყარო - 160-265V
• კომპლექტაცია - ელექტროდის დამჭერი კაბელი + დამიწების კაბელი + დამცავი სათვალე +რკინის ჩოთქი
• ელექტროდის ზომა -2.5-4.0mm
• ტექნოლოგია - IGBT
• ეფექტურობა - 0.83
• იზოლირების დონე - F
• მუშაობის ციკლი - 0.4

CROWN CT33132-ინვენტორული პლაზმური ჭრის აპარატი (CAT) 60A

• ბრენდი - CROWN
• პროდუქტის ტიპი - პლაზმური ჭრის აპარატი
• სიმძლავრე - 60A
• IP დაცვა - IP21
• გარანტია - 1 წელი
• შტრიხკოდი - 7640177425331
• წონა (კგ) - 18.5
• კვების წყარო - 220-240V
• კომპლექტაცია - დამიწების კაბელი + აირმჭრელი + შლანგი
• ტექნოლოგია - IGBT
• ეფექტურობა - 0.86
• იზოლირების დონე - F
• მუშაობის ციკლი - 0.35
• ჭრის სისქე - 0.5-25mm
• წნევით ჭრა - 5.5bar