ყველაფერს რომ თავი დავანებოთ, ლიფტი გაცილებით ხშირად ფუჭდება, ვიდრე - კიბეები. თუმცა, ისევ სათაურში დასმულ შეკითხვას მივუბრუნდეთ: როგორ ფიქრობთ, ვის სჭირდება მთავარ პარტნიორად კიბე? ჩვენი ვერსია ასეთია: პრაქტიკულად, ყველა ხელოსანს. ნებისმიერ ხელმარჯვე ადამიანს, ვინც შესანიშნავად ახერხებს სარემონტო სამუშაოებს, ერკვევა ელექტრობაში და ასე შემდეგ. ნებისმიერ დიასახლისს, რომელიც ზამთრისთვის კომპოტებსაც იმარაგებს, მურაბებსაც, არც ტყემალსა და აჯიკის მომზადებას იზარებს - ამ ყველაფერს დაბინავება ხომ სჭირდება, არა?

მოკლედ, ფაქტია, რომ მინიმუმ ერთი კიბე მაინც ნებისმიერ ოჯახს სჭირდება. მით უმეტეს, თუკი ისეთი მეზობლები ჰყავს, ზამთარში თოვლს რომ არ გასესხებენ...

განვიხილოთ, როგორი კიბეები არსებობს, რას უნდა მიაქციოთ ყურადღება და როგორც გვჩვევია, ყველა საკითხს ნათელი მოვფინოთ.

დავიწყოთ იმით, რომ არსებობს პროფესიონალური და საყოფაცხოვრებო კიბეები.

რა განსხვავებაა პროფესიონალურსა და საყოფაცხოვრებო კიბეებში?

პირველი განსხვავება გამოყენების სფეროებია. ასევე, ფუნქციები და გამძლეობა. საყოფაცხოვრებო კიბეები, როგორც წესი, გამოიყენება აგარაკზე, სახლში, ფარეხში, საკუჭნაოში, ბიბლიოთეკაში. არ ღირს ძვირი და შესანახად არც ისე დიდი ადგილია საჭირო.

რაც შეეხება პროფესიონალურ კიბეს, პროექტდება სიმაღლეზე კომფორტულად და უსაფრთხოდ მუშაობისთვის, გათვალისწინებულია, რომ უნდა გაუძლოს მუდმივ დატვირთვასა და ნებისმიერ გარემო პირობებს. კონსტრუქცია მტკიცე და მყარია, გამოიყენება ყველა სახის სარემონტო-სამშენებლო სამუშაოებისთვის, მათ შორის, სამრეწველო მშენებლობაშიც.

კაწრავს თუ არა კიბე იატაკს?

არა, ვინაიდან ყველა კიბე აღჭურვილია დამცავი საცობებით, რაც იმას ნიშნავს, რომ კონსტრუქცია იატაკს ვერ დააზიანებს.

რამდენად სანდოა ალუმინის კიბეები?

რადგან უსაფრთხოებას Holst.ge ყოველთვის განსაკუთრებულ ყურადღებას აქცევს, ბუნებრივია, მომხმარებელს ისეთ პროდუქციას სთავაზობს, რომელიც სანდოა. ამასთან ერთად, ალუმინის თანამედროვე კიბე 150 კილოგრამამდე დატვირთვას უძლებს.

კიბის ბევრი სახეობა არსებობს?

სანამ მოიფიქრებთ, რომელი კიბე შეიძინოთ, მოდით, ახლა ის ამბავიც გავარკვიოთ, ზოგადად, როგორი კიბეები არსებობს და რომელი რისთვის უფრო გამოსადეგია.

• მისადგმელი კიბე - შეიძლება ითქვას, ყველაზე მარტივი კონსტრუქციის მქონე კიბეა. თავის თავში წარმოადგენს რკინის ორ პარალელურ ძელს, რომლებიც ერთმანეთს საფეხურებით უკავშირდებიან. ასეთი კიბის მაქსიმალური სიმაღლე 7 მეტრამდეა, ხოლო მაქსიმალური დატვირთვა 200 კილოგრამი. დახრის ოპტიმალური კუთხე 65-იდან 70 გრადუსამდეა. ნებისმიერ მხარეს მკვეთრი გადახრა გადაყირავების რისკებს აჩენს;
• გასაშლელი კიბე - არანაკლებ მარტივი კონსტრუქციის მქონე კიბე, რომლის ერთი ადგილიდან მეორეზე გადატანა განსაკუთრებულ ძალისხმევას სულაც არ მოითხოვს. გასაშლელი კიბის გამოყენება მარტივად შეიძლება იქ, სადაც გამოუსადეგარია მისადგმელი კიბე. დამატებით, არსებობს გასაშლელი კიბის ორი სახეობა: ცალმხრივი და ორმხრივი. ამ უკანასკნელს საფეხურები ორივე საყრდენზე აქვს განლაგებული, რაც საშუალებას იძლევა, ერთი კიბით ერთდროულად ორმა ადამიანმა იმუშაოს. გასაშლელი კიბეებს განსხვავებული სიმაღლე აქვს: ძალიან დაბალი (1-მეტრამდე) და საკმაოდ მაღალი (7-8 მეტრი და მეტი).
• სექციური გასაშლელი კიბე-ტრანსფორმერი - კიბე-ტრანსფორმერი რამდენიმე სექციისგან შედგება (4-მდე). ასეთი კონსტრუქციის წყალობით, კიბე არაერთ საჭირო ფორმას იღებს. ასეთი კიბით მოსახერხებელია მაგალითად, ფასადის სამუშაოების ჩატარება. კიბე-ტრანსფორმერის კიდევ ერთი პლუსი კომპაქტურობაა. ზოგიერთი მოდელის გადატანა მსუბუქი ავტომობილის საბარგულითაც კი შეიძლება;
• კიბე-ხარაჩო - როგორც წესი, ხელოსნები ამ კონსტრუქციას ფასადის სამუშაოებისთვის იყენებენ. შეუძლია 150 კილომდე დატვირთვის გაძლება.

თამამად შეგვიძლია, ვთქვათ, რომ კიბე არის ის იარაღი, რომლის გარეშეც პროფესიონალი ხელოსანი თუ ხელმარჯვე ოსტატი სამუშაოს შესრულებას უბრალოდ, ვერ შეძლებს. როცა საქმე ეხება სიმაღლეზე მუშაობას, მთავარი არის უსაფრთხოება, კომფორტი და საიმედოობა. სწორედ ამიტომ, ხარისხიანი კიბე არა უბრალოდ ნივთია, არამედ ის არის პარტნიორი, რომელიც ყველა პროექტში დაგეხმარებათ – იქნება ეს სახლის რემონტი, სამშენებლო სამუშაო თუ ყოველდღიური ტექნიკური საქმე.

SARAYLI კიბე Industrial Aluminium 2x13 საფეხური

• ბრენდი - SARAYLI
• პროდუქტის ტიპი - კიბე
• ზომა - სიმაღლე: 3550mm სიმაღლე გაშლისას: 6250mm სიგანე: 355/410mm
• მასალა - ალუმინი
• შტრიხ-კოდი - 8695849009820
• წონა (კგ) - 14
• პროფილი - 70x20mm
• საფეხურების რაოდენობა - 2x13

SARAYLI კიბე Industrial Aluminium Type A 2x13 საფეხური

• ბრენდი - SARAYLI
• პროდუქტის ტიპი - კიბე
• ზომა - სიმაღლე: 3550mm სიმაღლე გაშლისას: 6250mm სიგანე: 355/410mm
• მასალა - ალუმინი
• შტრიხ-კოდი - 8695849009448
• წონა (კგ) - 14.5
• პროფილი - 70x20mm
• საფეხურების რაოდენობა - 2x13

SARAYLI კიბე Industrial Aluminium Type A 3x9 საფეხური

• ბრენდი - SARAYLI
• პროდუქტის ტიპი - კიბე
• ზომა - სიმაღლე:2470/4090/5710mm სიმაღლე გაშლისას: 2325/3850mm სიგანე: 355/410/465mm სადგამის სიგრძე: 1000mm
• მასალა - ალუმინი
• შტრიხ-კოდი - 8695849009752
• წონა (კგ) - 15.7
• პროფილი - 70x20mm
• საფეხურების რაოდენობა - 3x9