საინტერესოა, ჰყავს თუ არა ბეწვა ხერხს კონკურენტი? საქმეში ჩახედულ ხალხს თუ ვკითხავთ, თითქმის ყველა ამბობს, რომ არა, ბეწვა ხერხი უკონკურენტოა, თუმცა, გარკვეული ნაწილი მიიჩნევს, რომ მთლად ბოლომდე ჩანაცვლება არა, მაგრამ რაღაც ოპერაციები, შესაძლოა, სხვადასხვა ინსტრუმენტმა მაინც შეასრულოს. მთავარი ამბავი ამ ყველაფერში ის არის, რომ როცა შესაძლებელია, ერთი ხელსაწყოთი უამრავი ოპერაცია შესრულდეს, ცალკეული დავალებისთვის სამი და ოთხი ინსტრუმენტი რატომ უნდა ვეძებოთ?

მოკლედ, იძებნება ბეწვა ხერხის კონკურენტი და სანამ კვლევა-ძიებას ვინმე მიხედავს, ჩვენ ამ ჩინებული ხელსაწყოს შესაძლებლობების შესახებ ვისაუბროთ.

რისთვის გამოიყენება ბეწვა ხერხი?

ბეწვა ხერხი, იგივე ლობზიკი ერთ-ერთი ყველაზე პოპულარული ინსტრუმენტია ხის მასალის, „დეესპეს“, ლამინატის, ლითონის, კერამიკისა და თაბაშირმუყაოს დასაჭრელად. ერთი შეხედვით, ლობზიკი საკმაოდ მარტივი ინსტრუმენტია, თუმცა, შერჩევა - არც თუ ისე იოლი. საქმე ის გახლავთ, რომ იოლად შეარჩევთ ბეწვა ხერხს მაშინ, როცა მის ძირითად მახასიათებლებსა და ფუნქციებში ერკვევი. არანაკლებ მნიშვნელოვანია დაგეგმილი სამუშაოების სირთულისა და ინტენსივობის გააზრება.

მთავარი დანიშნულება - ჩამოთვლილი და არა მხოლოდ ამ მასალის პირდაპირი და ფიგურული ჭრა გახლავთ. ლობზიკი გამოსადეგია როგორც საყოფაცხოვრებო, ისე პროფესიონალური სახელოსნოსთვის თუ მასშტაბურ წარმოებაში. გამოყენების სფეროზეა დამოკიდებული, რამდენად მძლავრი და პროდუქტიული ხელსაწყოს შეძენა არის საჭირო.

ნაკლებად მძლავრი მოდელები მინიმალური დამატებითი ფუნქციებით პერიოდულად სახლში მუშაობისთვის გამოდგება. მცირე საწარმოში უმჯობესია, შედარებით მძლავრი მოდელი შეირჩეს, ხოლო რაც შეეხება მასშტაბურ წარმოებას, ამ შემთხვევაში, პროფესიონალურ ბეწვა ხერხს კონკურენტი არ გააჩნია.

ლობზიკი და მისი სახეობები

ბეწვა ხერხი, მით უფრო, ელექტრო ბეწვა ხერხი რომ მართლაც ძალიან გამოსადეგი ხელსაწყოა, ისიც მიუთითებს, რომ ელექტროინსტრუმენტების ბაზარი გაჯერებულია მრავალფეროვანი ელექტროლობზიკებით, რომლებიც განსხვავებულია გამოყენების ხასიათით, ტექნიკური მახასიათებლებით, კვების ტიპებითა თუ კონსტრუქციული თავისებურებებით. გამოყენების ხასიათის მიხედვით, ელექტროლობზიკი ამგვარად შეგვიძლია გამოვყოთ:

- საყოფაცხოვრებო ელექტროლობზიკი;

- პროფესიონალური ელექტროლობზიკი;

- სამრეწველო ელექტროლობზიკი.

კვების ტიპების მიხედვით ხელსაწყო ასე იყოფა:

- ქსელური;

- აკუმულატორიანი.

არსებობს ელექტრო ბეწვახერხის ორი ტიპი: სამაგიდო და ხელის, განსაკუთრებული პოპულარობით კი ეს უკანასკნელი სარგებლობს. ყველაფერს რომ თავი დავანებოთ, ხელსაწყო ზედმეტად არ ღლის ხელს (წონა 1,2-3 კგ-მდე მერყეობს) და ამასთან ერთად, ძალიან ბევრი ერთმანეთისგან განსხვავებული სამუშაოს შესრულება შეუძლია.

ხელის ბეწვა ხერხის შერჩევისას, ყურადღება უნდა მიექცეს კორპუსის გარეგნობას, ვინაიდან სწორედ ამაზეა დამოკიდებული კომფორტი გამოყენებისას და კვეთის ხარისხიც კი. გარეგნულად კორპუსი შეიძლება იყოს:

• კავისებური, D-ასოს ფორმის - ცალი ხელით მუშაობის საშუალებასაც იძლევა. ამასთან, მარტივად შეიძლება კვეთის ადგილის კონტროლი;
• სოკოსებრი - სახელიც გვანიშნებს, როგორია ასეთი ხელსაწყო - კორპუსი ქუდიან სოკოს ჩამოჰგავს. ასეთი ინსტრუმენტით კომფორტულია ფიგურული კვეთა.

ელექტროლობზიკის შერჩევისთვის აუცილებელია

1. ჩამოყალიბდეთ, რომელი ტიპის ხელსაწყო გჭირდებათ - ხელის ინსტრუმენტი განსაკუთრებით მოსახერხებელია დიდი ზომის მასალაზე მუშაობისას, მცირე ზომის დეტალების მისაღებად კი უფრო მაგიდის ლობზიკი გამოდგება.
2. ყურადღება მიაქციოთ პარამეტრებსა და სიმძლავრეს - დიდწილად სწორედ ამაზეა დამოკიდებული ხერხის წარმადობა და სამუშაოს ხარისხი.
3. შეარჩიოთ კვების ტიპი - ქსელური ლობზიკი 220 ვოლტით იკვებება, აკუმულატორის - ელემენტებისგან. ეს უკანასკნელი ბევრად მობილურია, გამოყენება კი კომფორტულია სიმაღლეზე და ქუჩაში მუშაობისას, თუმცა აკუმულატორი მუდმივ დატენას საჭიროებს, რაც იმას ნიშნავს, რომ დენის გარეშე მაინც არაფერი გამოვა.
4. არ დაგავიწყდეთ სიმძლავრე - რაც მეტია სიმძლავრე, მით უფრო შედეგიანი იქნება ინსტრუმენტი და მით უფრო მყარ მასალას მოერევა.
5. ყურადღება მიაქციოთ დამატებით ფუნქციებსა და აქსესუარებს - რათა კიდევ უფრო კომფორტულად და ხარისხიანად იმუშაოთ.

ახლა უკვე იცით, როგორ შეარჩიოთ კომფორტული და უნივერსალური ბეწვა ხერხი.

სასიამოვნო შოპინგს გისურვებთ და კიდევ უფრო რომ გაგიადვილდეთ საქმე, რამდენიმე ვარიანტს აქვე შემოგთავაზებთ:

CROWN CT15212 - ელექტრო ხერხი "ლობზიკი" 550W

• ბრენდი - CROWN
• პროდუქტის ტიპი - ბეწვა ხერხი
• სიმძლავრე - 550W
• ზომა - 18mm
• გარანტია - 1 წელი
• შტრიხკოდი - 7640177420671
• წონა (კგ) - 1.9
• კვების წყარო - 220-240V
• კომპლექტაცია - საცმი + მტვერსასრუტის ადაპტერი
• ბრუნვის სიჩქარე - 700-3000min
• ფუნქციები - ხერხვის კუთხე 0° - 45°
• მუშაობის სიღრმე - ხე: 65mm ფერადი ლითონი: 10mm მეტალი: 60mm

TOLSEN TOL1309-79551 ელექტრო ბეწვა ხერხი 800W

• ბრენდი - TOLSEN
• პროდუქტის ტიპი - ბეწვა ხერხი
• სიმძლავრე - 800W
• ზომა - 20mm
• გარანტია - 1 წელი
• შტრიხკოდი - 6933528786566
• წონა (კგ) - 4
• კვების წყარო - 220-240V
• კომპლექტაცია - გადამყვანი მტვერსასრუტისთვის + პარალელური მომმართველი + ხეზე სამუშაო პირი
• ბრუნვის სიჩქარე - 800-3200min
• ფუნქციები - დახრის კუთხე 0° - 45°
• მუშაობის სიღრმე - ხე: 80mm მეტალი: 8mm

Dewalt DCS331N-XJ ელ. ხერხი 18V ელემენტის გარეშე

• ბრენდი - DEWALT
• პროდუქტის ტიპი - ბეწვა ხერხი
• სიმძლავრე - 18V
• ზომა - 26mm
• გარანტია - 1 წელი
• შტრიხკოდი - 5035048356197
• წონა (კგ) - 3.1
• კვების წყარო - ელემენტი
• ბრუნვის სიჩქარე - 0-3000min
• ფუნქციები - ხერხვის კუთხე 0° - 45°