მეცნიერებს თუ დავუჯერებთ, ან, რატომ არ უნდა დავუჯეროთ, რა დაგვიშავეს ასეთი, პირველი პრიმიტიული ხერხი ადამიანმა შორეულ წარსულში, ასე 4 ათასი წლის წინ გამოიგონა. საუბარია ქვისგან გამოთლილ ინსტრუმენტებზე, რომელიც პრინციპში, მაშინ სავსებით საკმარისი გახლდათ, თუმცა დღეს რომ თანამედროვე ადამიანს ისევ ქვის ხერხის იმედად იყოს... უჰ, გაფიქრებაც საზარელია! საბედნიეროდ, თანამედროვე ადამიანს ჯაჭვური ხერხი აქვს, რომლითაც მრავალფეროვანი დავალების შესრულება ძალიანაც მარტივად შეიძლება.

რისთვის არის საჭირო ჯაჭვური ხერხი

დავიწყოთ იმით, რომ ჯაჭვური ხერხი შეიძლება მუშაობდეს ელექტროენერგიაზე, ელემენტებსა და ბენზინზე. განვიხილოთ ეს უკანასკნელი.

ბენზო ხერხი ნებისმიერი ხელოსნისთვის შეუცვლელი ინსტრუმენტი და საშუალებას იძლევა, შევასრულოთ არა მხოლოდ მოცულობითი საყოფაცხოვრებო საქმეები, არამედ გამოვიყენოთ წარმოებასა და ხე-ტყის დამზადებაში. ბენზინსა და ელემენტებზე მომუშავე ხერხი, რომელთა შეძენა Holst.ge-ზე უმარტივესად შეგიძლიათ, ელექტროანალოგებისგან განსხვავებით, ნებისმიერ ადგილზე გამოგადგებათ. აგარაკზე, ტყეში, სამშენებლო მოედანზე ბენზო ხერხი დაგეხმარებათ: მოჭრათ ტოტები და ხეები, გადახერხოთ ბოძები თუ დაფები, მოიმარაგოთ შეშა, ააშენოთ სახლი, ფარეხი...

კლასიფიკაცია

ელემენტებსა და ელექტროენერგიაზე მომუშავე ჯაჭვური ხერხებისგან განსხვავებით, ბენზო ხერხი შედარებით მძიმეა. აქვს უფრო რთული კონსტრუქცია, თუმცა სიმძლავრით, წარმადობითა და ფუნქციურობით ბევრად მიმზიდველია.

როგორც სხვა ინსტრუმენტების შემთხვევაში გირჩევთ ხოლმე, ამჯერადაც ზუსტად იგივე სიტუაციაა - სანამ ჯაჭვური ხერხის შეძენამდე მიხვალთ, ჯერ კარგად ჩამოყალიბდით, რაში უნდა გამოიყენოთ ეს ინსტრუმენტი. კლასიფიკაცია კი ასეთია:

• ერთსახელურიანი ხერხი - ეს მსუბუქი და კომპაქტური ინსტრუმენტი, რომლის სიმძლავრე 1,4 ცხენის ძალა გახლავთ, გამოიყენება ცალი ხელით მუშაობისას, ძირითადად, სიმაღლეზე, მაგალითად, ტოტების მოსაჭრელად. ამასთან, სწორედ ასეთი მოდელია პოპულარული ხელოვანებში;
• სამოყვარულო ბენზო ხერხი (სახლისა და ბაღისთვის) ეს არის ინსტრუმენტი, რომლის სიმძლავრე 1,7-დან 2 ცხენის ძალამდე მერყეობს. ასეთი მოდელი უფრო გამოდგება აგარაკზე სამუშაოდ. ასევე, პრაქტიკულია ტოტების გასხვლისთვის, მცირე ზომის ხეების მოსაჭრელად და შეშის მოსამარაგებლად;
• ნახევრად პროფესიონალური - ამ შემთხვევაში, სიმძლავრე 2.2-დან 3.4 ცხენის ძალამდეა. მოდელი შესანიშნავია ხანგრძლივი გამოყენებისთვის, შეშის მოსამარაგებლად, სამშენებლო მასალის დასაჭრელად. საბოლო ჯამში, ძალიან მოსახერხებელი და საიმედო ინსტრუმენტია, რომელიც მზად არის, სახლის რთულ სამუშაოებს წარმატებით გაუმკლავდეს;
• პროფესიონალური - არის უნივერსალური და მეტად პროდუქტიული ინსტრუმენტი, რომლის სიმძლავრე 3,5 ცხენის ძალას აღემატება  და უწყვეტი მუშაობის დიდი რესურსით გამოირჩევა. როგორც წესი, ასეთი ინსტრუმენტი გამოიყენება ხე-ტყის ჭრის ადგილზე ან სამშენებლო მოედანზე ყოველდღიური მუშაობისთვის.

სიმძლავრე

ბენზო ხერხის სიმძლავრე ძრავის ზომაზეა დამოკიდებული. ეს არის ერთ-ერთი მთავარი პარამეტრი, რომელსაც ინსტრუმენტის შერჩევისას ყურადღება აუცილებლად უნდა მიაქციოთ. სიმძლავრე განისაზღვრება ცხენის ძალით, მაგრამ იმისათვის, რომ ეს მნიშვნელობა შევადაროთ ელექტრო „კოლეგებს“, მისი აღნიშვნა კილოვატებშიც ჩვეულებრივად შეიძლება. აქვე იმასაც შეგახსენებთ, რომ 1 კილოვატში 1000 ვატია.

რაც უფრო დიდია ბენზო ხერხი, სიმძლავრეც, ბუნებრივია, მით მეტია. ხერხი, რომლის ძრავის მოცულობა 50 კუბური სანტიმეტრია, სიმძლავრის მაჩვენებელი დაახლოებით 2 კილოვატს უტოლდება. 70 კუბური სანტიმეტრის შემთხვევაში, 3 კილოვატს.

- დიდი ზომის ხერხები რთული სამუშაოსა და გრძელვადიანი გამოყენებისთვის არის შექმნილი. მაგალითად, თუ გჭირდებათ ხერხი შეშის მოსამზადებლად, ღუმელის გათბობისთვის და ადგილობრივ ტერიტორიაზე მოკლევადიანი სამუშაოებისთვის, მაშინ შესაფერისია მოდელი, რომლის სიმძლავრეც 0,7-დან 2 კვტ-მდე მერყეობს. ასეთი ინსტრუმენტი საყოფაცხოვრებო დავალებებს წარმატებით შეასრულებს.

- თუ აპირებთ, მაგალითად, მორების დაჭრასა და სერიოზული სამუშაოს წარმოებას, ვთქვათ, სახლის აშენებას, აქ უკვე უმჯობესია, 2,5-დან 3 კვტ-მდე სიმძლავრის ჯაჭვური ხერხი შეარჩიოთ.

- თუკი ხე-ტყესთან მუშაობთ და აუცილებელია, დღეში 8 საათის მანძილზე მუშაობა, არჩევანი პროფესიონალურ ინსტრუმენტზე შეაჩეროთ, რომლის სიმძლავრე 4-6 კილოვატი იქნება.

რა არ უნდა დაივიწყოთ ბენზო ხერხით მუშაობისას

სახიფათო ფაქტორებია:

• ტოტები, რომლებიც მუშაობის პროცესის შედეგად იფანტება;
• ჯაჭვი;
• ძლიერი ვიბრაცია.

ჯაჭვური ხერხის მუშაობის პრინციპის გაგება, მისი ავზის შევსებისა და ექსპლუატაციის დეტალების ცოდნა ადამიანს დიდად წაადგება.

ამდენად, ბენზო ხერხის ჩართვამდე რამდენიმე მნიშვნელოვანი პუნქტია გასათვალისწინებელი:

• აუცილებლად წაიკითხეთ ინსტრუქცია. ყურადღება მიაქციეთ მწარმოებლის რეკომენდაციებს, როგორ გამოიყენოთ ინსტრუმენტი და შეინარჩუნოთ მუშა მდგომარეობაში;
• არ გამოიყენოთ ბენზო ხერხი, თუ ხართ დაღლილი, ნარკოტიკების, ალკოჰოლის ზემოქმედების ქვეშ ან უბრალოდ თავს კარგად ვერ გრძნობთ;
• აკრძალულია მუშაობა სპეციალური დაცვის გარეშე;
• ყოველთვის შეამოწმეთ ხერხის მდგომარეობა. არასოდეს იმუშაოთ დაზიანებულ ელემენტებთან.

TOLSEN TOL2230-87362 ელ.ჯაჭვური ხერხი 400W 250MM ელემენტის გარეშე MP20V

• ბრენდი - TOLSEN
• პროდუქტის ტიპი - ჯაჭვური ხერხი ელემენტზე
• სიმძლავრე - 400W
• გარანტია - 1 წელი
• შტრიხკოდი - 6933528797166
• წონა (კგ) - 3.5
• კვების წყარო - ელემენტზე
• ბრუნვის სიჩქარე - 6m/s
• ღერძის სიგრძე - 10″(250mm)

Lux-Garden ბენზოხერხი 20"

• ბრენდი - LUX GARDEN
• პროდუქტის ტიპი - ჯაჭვური ხერხი საწვავზე
• სიმძლავრე - 2200W
• ზომა - 20''
• გარანტია - 1 წელი
• შტრიხკოდი - 4899521092122
• წონა (კგ) - 7.44
• კვების წყარო - საწვავი
• ძრავის მოცულობა - 50cc
• ავზის მოცულობა - 0.5 l
• ბრუნვის სიჩქარე - 3000min
• მოტორი - 2 ტაქტიანი
• ღერძის სიგრძე- 20''

CROWN CT20102-20 ბენზოხერხი 20"

• ბრენდი - CROWN
• პროდუქტის ტიპი - ჯაჭვური ხერხი საწვავზე
• სიმძლავრე - 2300W
• ზომა - 20''
• გარანტია - 1 წელი
• შტრიხკოდი - 7640177420909
• წონა (კგ) - 5.58
• კვების წყარო - საწვავი
• ძრავის მოცულობა - 54.6cc
• ავზის მოცულობა - 0.55 l
• ბრუნვის სიჩქარე - 3000min
• მოტორი - 2 ტაქტიანი