ჰაერის წნევა ერთ-ერთი ის მაჩვენებელია, რომელსაც ხშირად ყურადღებას მხოლოდ მაშინ ვაქცევთ, როცა პრინციპში, სხვა გზა აღარ გვაქვს. მაგალითად, ავტომობილის საბურავში ჰაერის წნევის გასაზომად სპეციალური ხელსაწყო გამოიყენება, რომელიც გვაჩვენებს, საკმარისად არის თუ არა საბურავი გაბერილი. ერთი შეხედვით, მარტივი მოწყობილობაა, თუმცა მისი სწორად შერჩევა და გამოყენება მნიშვნელოვანია. როგორც წესი, ბარომეტრი მხოლოდ მაშინ გვახსენდება ხოლმე, ავტომობილის მართვისას უცნაური ხმები თუ გვესმის, რაც მსუბუქად რომ ვთქვათ, არც თუ კარგი გადაწყვეტილებაა - საბურავს გაცილებით დიდი ყურადღება სჭირდება და იმიტომ. მით უმეტეს, ჰაერის წნევის საზომი ძალიან, ძალიან მარტივი მოწყობილობაა.

ასეთ ხელსაწყოებზე საუბრისას ხშირად გვხვდება სიტყვა „ბარომეტრი“, თუმცა ყველა წნევის საზომი ერთი და იმავე დანიშნულების არ არის. განსხვავდება მათი მუშაობის პრინციპი, გაზომვის დიაპაზონი და გამოყენების სფეროც. ამიტომ შეძენამდე სასურველია, ვიცოდეთ, კონკრეტულად რა გვჭირდება და რომელ მახასიათებლებს უნდა მივაქციოთ ყურადღება.

რა არის ბარომეტრი?

ბარომეტრი ატმოსფერული წნევის გასაზომი ხელსაწყოა, თუმცა ყოველდღიურ და ტექნიკურ გამოყენებაში წნევის საზომ მოწყობილობებს ზოგჯერ ამ სახელითაც მოიხსენიებენ. ავტომობილის საბურავებში ჰაერის წნევის შესამოწმებლად კი გამოიყენება მანომეტრი - ხელსაწყო, რომელიც გვიჩვენებს, რა წნევაა საბურავში.

ერთი შეხედვით, პატარა და მარტივი მოწყობილობაა, მაგრამ მისი დახმარებით შეგვიძლია გავიგოთ, შეესაბამება თუ არა საბურავში არსებული წნევა ავტომობილის მწარმოებლის რეკომენდაციასა და უსაფრთხოების მაჩვენებლებს. ეს მნიშვნელოვანია როგორც უსაფრთხოდ მართვისთვის, ისე საბურავების თანაბარი ცვეთისა და საწვავის ეფექტიანი მოხმარებისთვის.

წნევის საზომები განსხვავდება ჩვენების პრინციპით, გაზომვის დიაპაზონითა და კონსტრუქციით. ამიტომ არჩევისას მხოლოდ ფასით ხელმძღვანელობა არ ღირს - უმჯობესია, წინასწარ ვიცოდეთ, სად და რამდენად ხშირად გამოვიყენებთ ხელსაწყოს.

ბარომეტრის ტიპები

როცა საუბარია ავტომობილის საბურავებში ჰაერის წნევის გასაზომ ხელსაწყოებზე, მათი რამდენიმე ძირითადი ტიპი არსებობს. თითოეულს თავისი უპირატესობა აქვს და არჩევანი იმაზეა დამოკიდებული, რამდენად მარტივად გვინდა მაჩვენებლის წაკითხვა და რა პირობებში გამოვიყენებთ მოწყობილობას.

• - მექანიკური წნევის საზომი - მაჩვენებელი ისრითა და დანაყოფებიანი ციფერბლატით გამოაქვს. არ სჭირდება ელემენტი და მარტივი კონსტრუქციის გამო ყოველდღიური გამოყენებისთვის პრაქტიკული არჩევანია. თუმცა წნევის ზუსტად წაკითხვა ციფერბლატის დანაყოფებზეა დამოკიდებული.
• - ციფრული წნევის საზომი - მონაცემს ეკრანზე აჩვენებს, რაც მაჩვენებლის წაკითხვას ამარტივებს. ხშირად კომპაქტური და მსუბუქია, თუმცა ელემენტი სჭირდება.
• - პნევმატიკური სისტემის წნევის საზომი - განკუთვნილია შესაბამის სისტემებში წნევის გასაზომად. მისი შერჩევისას მნიშვნელოვანია სამუშაო დიაპაზონი, შეერთების ტიპი და კონკრეტულ მოწყობილობასთან თავსებადობა.

გასათვალისწინებელია ისიც, რომ ყველა მოდელი ერთნაირ წნევას არ ზომავს. მაგალითად, თუ ხელსაწყოს მაქსიმალური მაჩვენებელი 4 bar-ია, ის ყველა იმ სისტემისთვის ვერ გამოდგება, სადაც უფრო მაღალი წნევის გაზომვაა საჭირო.

როდის და როგორ გამოვიყენოთ ბარომეტრი?

ბარომეტრი განსაკუთრებით გამოსადეგია მაშინ, როცა გვინდა, ავტომობილის საბურავებში წნევა დამოუკიდებლად შევამოწმოთ - მაგალითად, ხანგრძლივი მგზავრობის წინ ან საბურავების მოვლისთვის. ბუნებრივია, მხოლოდ ვიზუალური დათვალიერება საკმარისი არ არის: საბურავი შეიძლება ნორმალურად გამოიყურებოდეს, მაგრამ მასში ჰაერის რაოდენობა რეკომენდებულზე ნაკლები ან მეტი იყოს.

გამოყენებამდე გადაამოწმეთ ავტომობილის მწარმოებლის მიერ რეკომენდებული წნევა. ეს მონაცემი ხშირად მძღოლის კარის ჩარჩოზე, საწვავის ავზის თავსახურის შიდა მხარეს ან ავტომობილის სახელმძღვანელოშია მითითებული.

გაზომვისას გაითვალისწინეთ რამდენიმე მარტივი წესი:

• - შეამოწმეთ ცივი საბურავი. ხანგრძლივი მგზავრობის შემდეგ საბურავში წნევა იმატებს, ამიტომ ყველაზე უკეთესი შედეგისთვის გაზომვა ცივ საბურავზეა სასურველი.
• - სწორად მიაერთეთ საზომი. მოხსენით საბურავის სარქვლის თავსახური და ხელსაწყო მჭიდროდ მიადეთ სარქველს, რათა ჰაერი არ გამოვიდეს და მაჩვენებელი სწორად დაფიქსირდეს.
• - წაიკითხეთ მაჩვენებელი. წნევა შეიძლება ნაჩვენები იყოს bar-ებში ან PSI-ში. გადაამოწმეთ, რომ მიღებული მონაცემი იმავე ერთეულში შეადაროთ რეკომენდაციას.
• - საჭიროების შემთხვევაში დაამატეთ ან გამოუშვით ჰაერი. წნევა რეკომენდებულ მნიშვნელობამდე დაარეგულირეთ და ხელახლა გაზომეთ.
• - დააბრუნეთ სარქვლის თავსახური. ეს მცირე დეტალია, მაგრამ სარქველს ჭუჭყისა და მტვრისგან იცავს.

საბოლოოდ, წნევის საზომის გამოყენება რთული ნამდვილად არ არის და არც განსაკუთრებულ ტექნიკურ ცოდნას მოითხოვს. მთავარია, სწორად შეარჩიოთ ხელსაწყო, იცოდეთ ავტომობილისთვის რეკომენდებული მაჩვენებელი და პერიოდულად შეამოწმოთ საბურავები. ასე მცირე ძალისხმევით შეძლებთ საბურავების სათანადო მდგომარეობის შენარჩუნებას და მგზავრობისთვის უკეთ და უსაფრთხოდ მომზადებას.

TOLSEN TOL1613-73193 ჰაერის წნევის საზომი 40cm

• ბრენდი - TOLSEN
• პროდუქტის ტიპი - ბარომეტრი & მანომეტრი
• ზომა - 1/4''
• შტრიხ-კოდი - 6933528773214
• წონა (კგ) - 0.4
• მოცულობა - 0-12bar&0-170psi

STANLEY STHT80874-0 წნევის საზომი ციფრული

• ბრენდი - STANLEY
• პროდუქტის ტიპი - ბარომეტრი & მანომეტრი
• შტრიხ-კოდი - 3253560808747
• წონა (კგ) - 0.095
• მოცულობა - 3-150psi, 0.21-10.5Kg/cm2, 0.2-10.3Bar and 20.7-1034Kpa

CROWN CT38007 - ბარომეტრი

• ბრენდი - CROWN
• პროდუქტის ტიპი - ბარომეტრი & მანომეტრი
• ზომა - 65-120mm
• გარანტია - 1 წელი
• შტრიხ-კოდი - CT38007
• წონა (კგ) - 0.4
• წნევა - 0-4 bar