წარმოიდგინეთ სუსხიანი დილა, როცა ცხელი წყალი ზუსტად იმ ტემპერატურისაა, რომელიც გიყვართ და არასდროს თავდება. სწორედ ამისთვის არსებობს თანამედროვე გაზის წყლის გამათბობელი - პატარა მოწყობილობა, რომელიც ჩვენს სამზარეულოებსა თუ აბაზანებში დიდ კომფორტს ქმნის. ცხელი შხაპი და განტვირთვა - ეს ის პატარა სიამოვნებებია, რომლებიც ჩვენს დღეს უკეთესს ხდის. აქვე ისიც ვთქვათ, რომ ხშირად ვერც კი ვამჩნევთ იმ მოწყობილობას, რომელიც ასეთ კომფორტს უზრუნველყოფს, სანამ ის გამართულად მუშაობს.

გაზის წყლის გამაცხელებელი სწორედ ის „უხილავი მზრუნველია“, რომელსაც შეუძლია ჩვენი ყოველდღიურობა ბევრად უფრო სასიამოვნო და მშვიდი გახადოს.

რა უპირატესობებით გამოირჩევა გაზის წყლის გამაცხელებელი

რატომ ირჩევს მომხმარებელთა უმრავლესობა მაინც გაზის წყლის გამაცხელებელს? პასუხი მარტივია: ეფექტიანობა და სისწრაფე. ეს მოწყობილობა გაცილებით მეტია, ვიდრე უბრალოდ აგრეგატი კედელზე - ის წყლის მყისიერ გაცხელებასა და რესურსების ოპტიმალურ ხარჯვას უზრუნველყოფს.

უფრო რომ დავაზუსტოთ, შემდეგ უპირატესობებს ჩამოვთვლით:

• კომპაქტურობა - ყველაზე მძლავრი დანადგარიც კი, რომელსაც ცხელი წყლით რამდენიმე წერტილის მომარაგება შეუძლია, დიდ ადგილს არ დაიკავებს.
• ეკონომიურობა - წყლის გაცხელება გაზის გამოყენებით, გაცილებით იაფი გამოდის, ვიდრე ელექტროენერგიის მეშვეობით.
• ცხელი წყლით რამდენიმე წერტილის მომარაგების შესაძლებლობა - ცხელი წყლით 3-4 წერტილის მომარაგებისთვის გაზის წყლის გამათლობელი შეიძლება მიუერთოთ ჩვეულებრივ საკომუნიკაციო ხაზებს, რაც იმას ნიშნავს, რომ შესაბამისი სამსახურებისთვის დამატებითი სიმძლავრეების თხოვნა არ მოგიწევთ.

როგორ უნდა შეარჩიოთ გაზის წყლის გამათბობელი

შერჩევის პროცესი რამდენიმე ეტაპს მოიცავს: ბინის ფართის გათვალისწინებიდან დაწყებული, უსაფრთხოების თანამედროვე სტანდარტებით დასრულებული. სანამ საბოლოო გადაწყვეტილებას მიიღებდეთ, გადახედეთ ამ პრაქტიკულ რჩევებს, რომლებიც დაგეხმარებათ სწორი არჩევანის გაკეთებაში როგორც სიმძლავრის, ისე ეკონომიურობის თვალსაზრისით.

პირველ რიგში, რაღა თქმა უნდა, განსაკუთრებით მნიშვნელოვანია უსაფრთხოება და ამ თემაზე საუბარსაც შესაბამის მომენტებზე ყურადღების გამახვილებით დავიწყებთ.

გაზი რომ ფეთქებადსაშიში ნივთიერებაა, მისი პროდუქტები კი - მომწამვლელი, არახალი ამბავია. ამდენად, გირჩევთ, განსაკუთრებული ყურადღება მიაქციოთ მწარმოებელს, ნაწარმის ხარისხს, გამოყენებულ მასალას, ექსპლუატაციის ხანგრძლივობას, ასევე, დაცვისა და უსაფრთხოების ზომების არსებობას და ასე შემდეგ.

იმისთვის, რომ გაიგოთ, როგორ შეარჩიოთ წყლის გამათბობელი, უნდა დააზუსტოთ მონაცემები მაგალითად, წყლით მომარაგების სისტემაში წყლის წნევისა და ხარისხის შესახებ, უნდა იცოდეთ წყლის ხარჯვის სავარაუდო მოცულობა და ასე შემდეგ.

აგრეგატის შერჩევისას ყურადღება მიაქციეთ შემდეგ ტექნიკურ მახასიათებლებს:

• სიმძლავრე - ოჯახისთვის, რომელშიც 3-4 ადამიანი ცხოვრობს, აბსოლუტურად საკმარისია 19 კვტ. მოწყობილობები 28 კვტ-მდე დიდ სახლებსა და დაწესებულებებში მონტაჟდება;
• წარმადობა - წუთში რამდენ ლიტრ წყალს აცხელებს მოწყობილობა;
• ანთების ტიპი - პიეზო სანთებელა, ელექტრო ანთება, ჰიდროგენერატორი;
• უსაფრთხოება - ღია წვის კამერის მქონე გამათბობლისთვის აუცილებელია მოწყობილობა, რომელიც აკონტროლებს წნევას, ჰიდროკლაპანი (წყლის არარსებობის შემთხვევაში, აგრეგატი ითიშება), ალის მაკონტროლებელი.

გახსოვდეთ, რომ იდეალური წყლის გამაცხელებელი არის ის, რომელიც შეუმჩნევლად და უხმაუროდ ასრულებს თავის საქმეს. იმედია, ეს რჩევები დაგეხმარებათ, რომ ბაზარზე არსებულ მრავალფეროვნებაში ორიენტირება გაგიადვილდეთ. სწორად შერჩეული მოდელი არა მხოლოდ ცხელი წყლის მუდმივ ნაკადს, არამედ თქვენი ოჯახის ბიუჯეტის დაზოგვასაც უზრუნველყოფს.

მშვიდობიან და თბილ დღეებს გისურვებთ!

JSG22-11VL00 ორკამერიანი გაზის წყლის გამათბობელი

• ბრენდი - MIDEA
• პროდუქტის ტიპი - გაზის წყლის გამათბობელი
• სიმძლავრე - 22kw
• ზომა - 660x370x213
• ფერი - თეთრი
• გარანტია - 1 წელი
• შტრიხ-კოდი - 8916081990692
• წონა (კგ) - 14.28
• კვების წყარო - 220-240V
• კამერების რაოდენობა - 2
• მოცულობა - 11 l
• წნევა - 0.2~10bar
• ტემპერატურის მაჩვენებელი - Led Display
• ტემპერატურის რეგულატორი - სენსორული
• დამატებითი კომპლექტაცია - საკვამური

KETTLER გაზის წყლის გამათბობელი - JSG12GT-T48 (თეთრი)

• ბრენდი - KETTLER
• პროდუქტის ტიპი - გაზის წყლის გამათბობელი
• სიმძლავრე - 26kw
• ზომა - 522x337x158
• ფერი - თეთრი
• გარანტია - 1 წელი
• შტრიხ-კოდი - 1998070421346
• წონა (კგ) - 10
• კვების წყარო - 220-240V
• კამერების რაოდენობა - 2
• მოცულობა - 12 l
• წნევა - 0.2~10bar
• ტემპერატურის მაჩვენებელი - Led Display
• ტემპერატურის რეგულატორი - სენსორული
• დამატებითი კომპლექტაცია - საკვამური

KETTLER JSD28-14DL02 ერთკამერიანი გაზის წყლის გამათბობელი

• ბრენდი - KETTLER
• პროდუქტის ტიპი - გაზის წყლის გამათბობელი
• სიმძლავრე - 28kw
• ზომა - 679x370x213
• ფერი - თეთრი
• გარანტია - 1 წელი
• შტრიხ-კოდი - 8916081990005
• წონა (კგ) - 11.77
• კვების წყარო - ელემენტი
• კამერების რაოდენობა - 1
• მოცულობა - 14 l
• წნევა - 0.3~10bar
• ტემპერატურის მაჩვენებელი - Led Display
• ტემპერატურის რეგულატორი - მექანიკური