- შენი გაზონის საკრეჭი რომ გამოვიყენო, შეიძლება?

- რა თქმა უნდა, შეიძლება, ოღონდ მხოლოდ ჩემი ბაღის ტერიტორიაზე...

ალბათ, რთული დასათვლელიც კია, რამდენი ძალიან მოსწრებული ხუმრობა არსებობს გაზონის საკრეჭზე, თუმცა სახუმაროსი რა გითხრათ და სერიოზული დამხმარე ნამდვილად არის ეს მოწყობილობა ნებისმიერი ადამიანისთვის, ვისაც ეზოს მოვლა განსაკუთრებით უყვარს და სიამოვნებს.

სანამ სერიოზულ საუბარზე გადავალთ, რამდენიმე ხუმრობას კიდევ შეგახსენებთ. მთავარი მოქმედი გმირი - ბალახის საკრეჭი:

- ჩვეულებრივ ბინებში დრელიანი მეზობელი გვიშლის ნერვებს, კერძო სახლებში - გაზონის საკრეჭიანი მეზობელი;

- ზაფხულის დღე საუცხოოა მაშინ, როცა ანათებს მზე, უბერავს გრილი სიო, ჩიტები ჭიკჭიკებენ და აგარაკის მეზობელს ბალახის საკრეჭი გაუფუჭდება...

ჰოდა, შურიანი მეზობლები რომ არ გაახაროთ გაზონის საკრეჭი მანქანის მწყობრიდან გამოსვლით, ახლავე ყველაფერს მოგიყვებით და თქვენ იცით და თქვენმა გუმანმა!..

როგორ შევარჩიოთ ბალახის საკრეჭი

შეიძლება ითქვას, გაზონის მოვლა მარტივი ნამდვილად არ არის. ამ საქმეს საკმაო დრო და ძალისხმევა სჭირდება, მით უმეტეს, თუ ბალახს ცელით უნდა შეუტიოთ. სხვათა შორის, გარდა იმისა, რომ ეს უკანასკნელი მეთოდი გაცილებით რთულია, საშიშიც კი გახლავთ, თუკი ადამიანმა ცელის ხეირიანად გამოყენება არ იცის. პროცესის მნიშვნელოვნად შემსუბუქება, რა თქმა უნდა, გაზონის საკრეჭით შეიძლება. საჭიროა მხოლოდ ის, რომ მოდელი სწორად შეარჩიოთ. ყველაფერს ნაბიჯ-ნაბიჯ მივყვეთ.

ბენზინის თუ ელექტრო?

როგორც მიხვდით, არსებობს ბენზინისა და ელექტრო ძრავების მქონე ვერსიები. განვიხილოთ ცალ-ცალკე.

ბენზინის ძრავის მქონე გაზონის საკრეჭს, როგორც წესი, შედარებით დიდი ნაკვეთის მეპატრონეები ყიდულობენ ხოლმე.

ბენზინის მოდელის უპირატესობებია:

• მობილურობა. ელექტროსგან განსხვავებით, ბენზინის მოდელი არ არის დამოკიდებული კვების წყაროზე და ავტონომიურად მუშაობს;
• სიმძლავრე;
• მანევრირება. მაღალი მანევრირების ხარჯზე, ბენზინის ძრავის მქონე გაზონის საკრეჭი რთული რელიეფის ნაკვეთებსაც უმკლავდება;
• ექსპლოატაციის უფრო ხანგრძლივი პერიოდი;
• მრავალფეროვანი საფასო კატეგორია.

უარყოფითი მხარეები:

• ხმაურიანი;
• საჭიროა რეგულარული მომსახურება (ბენზინი, ზეთი, ანთების სანთლები);
• რთულია დამრეც ნაკვეთებზე მუშაობა.

ბენზინის მოდელის შერჩევაში მთავარი მისი ძრავია. არჩევანი უნდა გაკეთდეს ცნობილი მწარმოებლების ძრავებზე, რომლებსაც სათანადო შემოწმება აქვთ გავლილი. არ ღირს „ცხენების“ დიდი რაოდენობით მოხიბვლა. მით უმეტეს, რაც უფრო მეტია „ცხენი“, მით მძლავრი და შესაბამისად, ძვირი იქნება. საშუალო ზომის ნაკვეთისთვის 3-5 ცხენის ძალის სიმძლავრე აბსოლუტურად საკმარისია.

ბალახის საჭრელი ელექტრო მოტორით შედარებით მცირე ზომის ნაკვეთებზე გამოიყენება.

მთავარი უპირატესობებია:

• სიმსუბუქე და კომპაქტურობა (ბენზინის მოდელთან შედარებით);
• არ გამონაბოლქვი, ნაკლებად ხმაურიანია;
• ბენზინის მოდელზე იაფი ღირს;
• ექსპლოატაცია მნიშვნელოვნად მარტივია (მხოლოდ დანის პერიოდულად გალესვა სჭირდება).

პრინციპში, ელექტრო მოტორიანი საკრეჭი საკმაოდ მარტივია და ამასთან ერთად, გამძლე. მინუსებად შეიძლება მივიჩნიოთ:

• სჭირდება დენის წყარო, თუმცა ამ პრობლემის მოგვარება Holst.ge-ზე შეძენილი დამაგრძელებლით მარტივად შეგიძლიათ;
• წვიმიან ამინდში ჩართვა არ შეიძლება;
• ნაკლები სიმძლავრე (იშვიათი გამონაკლისების გარდა).

თვითმავალი და არათვითმავალი

არათვითმავალი საკრეჭს მცირე ძალდატანება სჭირდება. ჩვეულებრივ, ასეთი მოდელები მსუბუქი, კომპაქტური და ნაკლებად მძლავრია. გამოსადეგია მცირე ზომის მონაკვეთებზე. მართალია, გარკვეულწილად, მოუხერხებელია ის, რომ ხელით მიწოლა სჭირდება, მაგრამ სამაგიეროდ, დაბრკოლებებისთვის გვერდის ავლა გაცილებით მარტივია და გათიშვა საჭირო არ არის.

თვითმავალი ტექნიკა გაცილებით მძიმეა და მძლავრი მოტორითაც არის აღჭურვილი, რომელსაც მოქმედებაში მოჰყავს დანები და ბორბლები. თვითმავალი მოდელის მთავარი მინუსი მაღალი ღირებულებაა.

კიდევ რა პარამეტრებია ყურადსაღები

- ძრავის ბრუნები დანის სიჩქარეს განსაზღვრავს. თვის მხრივ, რაც უფრო მაღალია დანის სიჩქარე, მით სუფთაა ჭრა და ნაკლები იმის ალბათობა, რომ მცენარე მიწიდან ფესვიანად ამოიძირკვება. ნაზი და „ახალგაზრდა“ ბალახის ჭრისას, სასურველია სიჩქარის მაქსიმალურად მომატება, ვინაიდან ახლადამოსულ ბალახს ფესვთა სისტემა ძალიან სუსტი აქვს და შესაბამისად, არსებობს რისკი, რომ მარტივად დაზიანდება;

- როცა ბალახი ხშირი და სქელია, საკრეჭის ბრუნები მცირდება და ბალახი ზიანდება. მძლავრი მოტორისთვის ეს არც ისე დიდი პრობლემაა, რადგან სირთულებს უფრო წარმატებულად უმკლავდება;

- ბალახის საჭრელის კორპუსი შეიძლება იყოს პლასტმასის ან ლითონის. უმჯობესია, ეს უკანასკნელი შეარჩიოთ, ვინაიდან არის საკმაოდ მსუბუქი, მაგრამ რაც მთავარია, მდგრადია დაზიანებების მიმართ;

- გაზონის საკრეჭის საბურავები. უმჯობესია მოზრდილი დიამეტრის საბურავებიანი მოდელის შეძენა. დიდი საბურავების დახმარებით, საკრეჭი გაზონზე უფრო მარტივად დაგორავს და შესაბამისად, ადამიანსაც ნაკლები ძალის დახარჯვა უწევს. ესეც რომ არ იყოს, ფართე საბურავი ბალახს ნაკლებად აზიანებს;

- ბალახის შესაგროვებელი. არსებობს საკრეჭი ხისტი და რბილი შესაგროვებლებით. ხისტიდან ბალახი თავად ცვივა. როგორც წესი, რბილი შესაგროვებელი მხოლოდ მძლავრ მოდელებზე მონტაჟდება, რომელთაც ნაკადი იმდენად ძლიერი აქვთ, რომ ბალახი იქ მოხვედრამდე არ იფანტება;

- თიბვის 3 ფუნქცია. გაზონის საკრეჭი ბალახის თიბვას სამი მეთოდით ახერხებს:

• პირველი - ბალახის უკან ან გვერდზე გასროლით. ამ მეთოდის მინუსია ის, რომ მუშაობის დასრულების შემდეგ, ბალახი ხელით არის შესაგროვებელი, მოსაწესრიგებელი;
• მეორე - ბალახის გადასროლა შესაგროვებელში. ამ შემთხვევაში, გაზონი მოვლილად და აკურატულად გამოიყურება, მოგროვილი ბალახი კი პირდაპირ კომპოსტში ხვდება, ან მისთვის განსაზღვრულ ადგილას;
• მესამე - მულჩირება. ამ მეთოდისას, მოჭრილი ბალახი თანაბრად იფანტება, რაც გაზონისთვის შესანიშნავი ბუნებრივი კონდიციონერია.

- სანამ გაზონის საკრეჭს შეიძენთ, შემდეგ კითხვას უპასუხეთ: „სად შეინახავთ სეზონის გასვლის შემდეგ?“ აგარაკზე ასეთი ძვირფასი ნივთის დატოვება ნამდვილად არ ღირს. შესაბამისად, ქალაქში უნდა დაბინავდეს. პრობლემა შეიძლება იყოს ბენზინის მოდელის სახლში შენახვა მისი სუნის გამო - უმჯობესია, ფარეხში გადაინაცვლოს.

Holst.ge-ზე გაზონის მოვლის უამრავი საშუალების მოძიებაა შესაძლებელი, მათ შორის, რაღა თქმა უნდა, ბალახის საკრეჭი აპარატებიც იგულისხმება. რამდენიმე მოდელს აქვე შეავლეთ თვალი, შეარჩიეთ და კარ-მიდამოს გალამაზებას გაცილებით მარტივად შეძლებთ.

B&D BEMW451-QS გაზონის საკრეჭი Mower

• ბრენდი - BLACK&DECKER         
• პროდუქტის ტიპი - გაზონის საკრეჭი   
• სიმძლავრე - 1200W           
• ვოლტი - 220-240V 
• გარანტია - 1 წელი
• შტრიხკოდი - 5035048682685       
• წონა (კგ) - 10.2         
• კვების წყარო - 220-240V   
• კომპლექტაცია - ბალახის შესაგროვებელი       
• ავზის მოცულობა - 35 L   
• თიბვის პარამეტრები - ფართობი: 600m2 სიმაღლე: 20-60mm სიგანე: 32cm

B&D - BEMW461BH-QS გაზონის საკრეჭი;1400W

• ბრენდი - BLACK&DECKER         
• პროდუქტის ტიპი - გაზონის საკრეჭი   
• სიმძლავრე - 1400W           
• ვოლტი - 220-240V 
• გარანტია - 1 წელი
• შტრიხკოდი - 5035048682739       
• წონა (კგ) - 15.571     
• კვების წყარო - 220-240V   
• კომპლექტაცია - ბალახის შესაგროვებელი       
• ავზის მოცულობა - 40 l     
• თიბვის პარამეტრები - ფართობი: 400m2 სიმაღლე: 20-70mm სიგანე: 34cm

B&D BEMW481BH-QS გაზონის საკრეჭი Bike Handle

• ბრენდი - BLACK&DECKER         
• პროდუქტის ტიპი - გაზონის საკრეჭი   
• სიმძლავრე - 1800W           
• ვოლტი - 220-240V 
• გარანტია - 1 წელი
• შტრიხკოდი - 5035048682838       
• წონა (კგ) - 17.47       
• კვების წყარო - 220-240V   
• კომპლექტაცია - ბალახის შესაგროვებელი       
• ავზის მოცულობა - 50 L   
• თიბვის პარამეტრები - ფართობი: 600m2 სიმაღლე: 20-70mm სიგანე: 42cm

TOLSEN TOL2126-79624 გაზონის საკრეჭი ბენზინზე 20"--149CC

• ბრენდი - TOLSEN 
• პროდუქტის ტიპი - გაზონის საკრეჭი   
• სიმძლავრე - 3HP   
• გარანტია - 1 წელი
• შტრიხ-კოდი - 6933528798491     
• წონა (კგ) - 28.5         
• კვების წყარო - ბენზინი   
• ძრავის მოცულობა - 149cc
• თიბვის პარამეტრები - სიგანე: 510mm / 20”; სიმაღლე: 25-70mm