მარტივი სიტყვებით რომ ვთქვათ, ნიველირი - ეს არის საზომი ხელსაწყო, რომლითაც ხდება ნიველირება. შედარებით რთული სიტყვებით თუ ვიტყვით, ნიველირი - ეს არის მშენებელ-ხელოსნებისთვის, გეოდეზისტებისთვის და კიდევ მრავალი მომიჯნავე პროფესიის მქონე ადამიანებისთვის საჭირო საზომი ხელსაწყო, რომელიც გამოიყენება ჰორიზონტალური და ვერტიკალური სიბრტყეების დასადგენად. ერთ-ერთი მთავარი ფუნქციაა ზედაპირზე სხვადასხვა წერტილებს შორის სხვაობების გაზომვა.

ოპტიკური თარაზო, მაგალითად, მშენებლობაში გამოიყენება ფუნდამენტისთვის, სამშენებლო კონსტრუქციების სისწორის კონტროლისთვის და ასე შემდეგ. აზომვით სამუშაოებში ნიველირი გამოიყენება რელიეფის შესაფასებლად და წერტილებს შორის სიმაღლის სხვაობის გასაზომად. სიზუსტისა და უნივერსალურობის წყალობით, ოპტიკური თარაზო მშენებლებისა და გეოდეზისტებისთვის შეუცვლელი ხელსაწყოა, თუმცა, რადგან ეს უკვე ვთქვით, უმჯობესია, უშუალოდ ხელსაწყოს, გარკვეული თავისებურებებისა და მახასიათებლების შესახებ ვისაუბროთ.

სად გამოიყენება ოპტიკური თარაზო?

სიმაღლისა და უსწორმასწორობის გაზომვასთან დაკავშირებული სამუშაოების მრავალი სახეობა არსებობს, მაგრამ ძირითადი შემდეგია:

• მშენებლობა;
• გეოდეზია;
• მილების გაყვანა;
• ლანდშაფტის დიზაინი;
• გზების დაგება;
• არქეოლოგია.

ყველაზე მთავარია და პრინციპში, ნებისმიერ ინსტრუმენტზე სულ ამას ვამბობთ ხოლმე, ზედმიწევნით იცოდეთ, რისთვის უნდა გამოიყენოთ ნიველირი, რა პირობებსა და როგორ ადგილებში მოგიწევთ მასთან მუშაობა.

მუშაობის სპეციფიკა

სანამ ნიველირით მუშაობას დაიწყებდეთ, უკიდურესად მნიშვნელოვანია მოწყობილობის გასწორება. მარტივ მოდელებში, ამისათვის ბუშტუკების თარაზოა გათვალისწინებული.

უფრო დახვეწილ მოწყობილობებში თვითგასწორების, თვითნიველირების ფუნქცია 3-5 გრადუსის ფარგლებში მერყეობს. თუკი დახრის კუთხე მაღალია, ლაზერული სხივი ციმციმს იწყებს ან ხმოვანს სიგნალს რთავს. სიგნალი მაშინ ითიშება, როცა ადამიანი მოწყობილობას სწორ მდგომარეობას მისცემს.

თუმცა არსებობს სიტუაციები, როცა ნიველირი გარკვეული კუთხით უნდა განთავსდეს. იმისთვის, რომ ლაზერმა ციმციმი შეწყვიტოს, თვითგასწორების ფუნქციის გათიშვაა საჭირო. თუკი მსგავს სამუშაოებს გეგმავთ, ამ ფუნქციას ყურადღება აუცილებლად მიაქციეთ.

გამოყენების სფეროები

ბინაში დაგეგმილი რემონტისთვის საკმარისია ნიველირი, რომელიც „ლაზერული ჯვრის“ პროეცირებას ახდენს. ხელსაწყო შემდეგი მიზნებისთვის გამოგადგებათ:

• ფილების მარკირება;
• შპალერის გაკვრა;
• კარებისა და ფანჯრების ჩარჩოების თანაბრად დამონტაჟება;
• ნახატისა თუ სარკის დაკიდება.

სახლის პირობებში გამოყენებისთვის, აბსოლუტურად საკმარისია ნიველირი 10 მეტრზე 5 მილიმეტრიანი სიზუსტით.

როგორ უნდა გამოიყენოთ ნიველირი

• ნაბიჯი 1 - დასაწყისისთვის, აუცილებელია ნიველირის განსათავსებლად შესაფერისი ადგილის მოძიება. ყველაზე ხელსაყრელი ადგილია გასაზომი სივრცის ცენტრი. შერჩეულ ადგილზე თავსდება შტატივი. თანაბარი ჰორიზონტალური პოზიციის მისაღებად, მოუშვით შტატივის დამჭერები, დააყენეთ შტატივის თავი საჭირო სიმაღლეზე და მოუჭირეთ ხრახნები.
• ნაბიჯი 2 - ოპტიკური თარაზო შტატივზე ხრახნით მონტაჟდება. გამათანაბრებელი ხრახნების საჭირო კონდიციამდე ტრიალით მიიღწევა მოწყობილობის ჰორიზონტალური პოზიცია.
• ნაბიჯი 3 - დარჩა ფოკუსირება. ამისათვის ოპტიკური საზვერავი მილი უნდა იყოს მიმართული ძელაკისკენ და ფოკუსირების ხრახნის შემობრუნებით, მაქსიმალურად მკვეთრი გამოსახულების მისაღებად, ოკულარული რგოლი ფოკუსს დაარეგულირებს. თუკი საჭიროა მანძილის გაზომვა ერთი წერტილიდან მეორემდე, ან შენობის ღერძია გამოსაკვეთი, გამოიყენება ცენტრირება. ამისთვის ნიველირი წერტილის თავზე უნდა განთავსდეს.
• ნაბიჯი 4 - მოწყობილობის განთავსების შემდეგ უკვე უშუალოდ კვლევაზე გადასვლაც შეიძლება. ნიველირი მიემართება საწყისი წერტილისკენ და იწყება ათვლა. მიღებული მონაცემები გროვდება საველე ჟურნალში. შემდეგი ნაბიჯია წერტილის შეცვლა და ნახსენები პროცედურის ხელახლა გავლა.

შეგიძლიათ, ნიველირი სხივების რაოდენობის გათვალისწინებით, შემდეგი პრინციპით შეარჩიოთ:

- ფანჯრების, ნიშების, ღიობებისა და თაღების დასაყენებლად საკმარისია 2-4 სხივი;

-რთული სამუშაოებისთვის, მაგალითად, რამდენიმე როზეტის ერთდროულად მოსანიშნად საუკეთესოა 5-იდან 10-მდე;

- 11 და მეტი სხივი საჭიროა, როცა რამდენიმე მშენებელი განსხვავებულ სამუშაოს ასრულებს: პლინთუსს ამაგრებს, კარნიზს ჰკიდებს, კედლებში ხვრელების დატანაა საჭირო.

Dewalt DW096PK-XJ ოპტიკური თარაზო

• ბრენდი - DEWALT
• პროდუქტის ტიპი - ნიველირი
• დიაპაზონი - 100 m
• გარანტია - 1 წელი
• შტრიხ-კოდი - 5035048144657
• წონა (კგ) - 9.4
• კომპლექტაცია - ჩემოდანი + შტატივი + ამზომი
• სიზუსტე - ±2.0 mm/m
• მონაცემები - 26X გადიდება; ობიექტივის დიამეტრი 38mm