როდესაც სიტყვები: ჰაერის კომპრესორი გვესმის, უმეტესობას, ალბათ, თვალწინ ავტოსერვისი ან საბურავის წნევის საზომი აპარატი წარმოუდგება. ბევრი მიიჩნევს, რომ ეს მოწყობილობა მხოლოდ ავტოფარეხის კუთხეში მდგარი მტვრიანი აგრეგატია, რომელიც წელიწადში რამდენჯერმე, ჰა და ჰა, საბურავის დაშვებისას თუ გამოდგება.

სინამდვილეში ჰაერის კომპრესორი ერთ-ერთი ყველაზე მრავალფუნქციური და მძლავრი ინსტრუმენტია, რაც კი შეგიძლიათ საკუთარ სახელოსნოსა თუ სახლში შეიტანოთ. ასე მაგალითად, შეკუმშული ჰაერის ძალას შეუძლია, რადიკალურად შეცვალოს ის, როგორ ასრულებთ ყოველდღიურ, რემონტისა თუ დასუფთავების საქმეებს - გაცილებით სწრაფად, მარტივად და პროფესიონალურად.

სწორედ ამ ყველაფერზე უნდა ვისაუბროთ ქვემოთ და აბა, მოკალათდით კომფორტულად:

რა არის ჰაერის კომპრესორი

მარტივად რომ ვთქვათ, ჰაერის კომპრესორი არის მოწყობილობა, რომელიც გარემოდან იღებს ჩვეულებრივ ჰაერს, სძენს მას მაღალ წნევას (კუმშავს) და ინახავს სპეციალურ რეზერვუარში. ეს შეკუმშული ჰაერი გარდაიქმნება პოტენციურ ენერგიად, რომელიც შლანგის საშუალებით სხვადასხვა ინსტრუმენტს მიეწოდება.

კომპრესორის მუშაობის პრინციპი 3 ძირითად კომპონენტს ეფუძნება:

• ძრავა (ელექტრო ან ბენზინის): ამუშავებს მექანიზმს.
• ტუმბო (დგუშიანი ან ხრახნული): იწოვს და კუმშავს ჰაერს.
• რესივერი (ავზი): აგროვებს შეკუმშულ ჰაერს, რათა წნევა იყოს სტაბილური და ძრავამ უწყვეტად არ იმუშაოს.
• არსებობს ორი ძირითადი ტიპი: ზეთიანი, რომელიც უფრო ძლიერია და ხანგრძლივ დატვირთვას უძლებს და უზეთო, რომელიც შედარებით სუფთა ჰაერს აწვდის და ნაკლებ მოვლას მოითხოვს, რაც იდეალურია სახლის პირობებისთვის.

რაში გამოგადგებათ ჰაერის კომპრესორი

საბურავების დაბერვა მხოლოდ აისბერგის მწვერვალია. აი, რისი გაკეთება შეგიძლიათ სინამდვილეში ამ მოწყობილობით:

• სამღებრო და მოსაპირკეთებელი სამუშაოები

სამღებრო პისტოლეტის, პულვერიზატორის მიერთებით შეგიძლიათ, თანაბრად და პროფესიონალურად შეღებოთ ღობე, ავეჯი, კარები ან თუნდაც ავტომობილის დეტალები. ფუნჯთან ან ლილვაკთან შედარებით, ჰაერის წნევით შეღებვა 5-ჯერ უფრო სწრაფია და არ ტოვებს ზოლებს.

• მშენებლობა და ხის დამუშავება

პნევმატიკური ჩაქუჩი და სტეპლერი მშენებლებსა და ავეჯის ხელოსნებს საათებს უზოგავს. ლურსმნის ჩაჭედება წამის მეასედში ხდება, რაც შეუცვლელია სახურავის გადახურვისას, იატაკის დაგებისას ან ავეჯის აწყობისას.

• რთული დეტალების გაწმენდა

კომპრესორის ჰაერის ჭავლი საუკეთესო საშუალებაა მტვრისა და ნაგვის მოსაცილებლად ისეთი ადგილებიდან, სადაც მტვერსასრუტი უძლურია - იქნება ეს ელექტრო ინსტრუმენტების შიდა ნაწილები, კლავიატურა, რადიატორები თუ ბაღის ტექნიკა.

• ავტოსერვისი და მძიმე ტექნიკური სამუშაოები

პნევმატიკური ქანჩის მომშვებით უპრობლემოდ მოუშვებთ ყველაზე ჩაჟანგებულ ჭანჭიკებსაც კი, რასაც ხელით უზარმაზარი ძალისხმევა დასჭირდებოდა.

მოვლა-გამოყენების აუცილებელი წესები

იმისთვის, რომ ჰაერის კომპრესორმა წლების მანძილზე უპრობლემოდ იმუშაოს, ინარჩუნებდეს საწყის სიმძლავრეს და იყოს უსაფრთხო, რამდენიმე მარტივი, მაგრამ კრიტიკულად მნიშვნელოვანი წესის დაცვაა საჭირო. კერძოდ:

• ჰაერის ფილტრის წმენდა და შეცვლა

კომპრესორი მუშაობისას დიდი რაოდენობით ჰაერს შეისრუტავს. ჰაერის ფილტრი აკავებს მტვერსა და ჭუჭყს, რათა ის ძრავაში არ მოხვდეს. დაბინძურებული ფილტრი ზღუდავს ჰაერის ნაკადს, აიძულებს ძრავას, ზედმეტი დატვირთვით იმუშაოს და მის გადახურებას იწვევს. ფილტრი რეგულარულად უნდა გაიწმინდოს ჰაერით და საჭიროებისამებრ, შეიცვალოს.

• ზეთის დონის კონტროლი

თუ ზეთიანი ტიპის კომპრესორს იყენებთ, მისი გამართული მუშაობის საწინდარი ზეთის სწორი დონეა. ყოველი გამოყენების წინ შეამოწმეთ ზეთის დონე სპეციალურ ფანჯარაში ან „შუპზე“. მშრალად მუშაობა დგუშის გაჭედვას და ძრავის მყისიერ მწყობრიდან გამოსვლას იწვევს. ასევე, დაიცავით ზეთის შეცვლის ინტერვალები მწარმოებლის ინსტრუქციის მიხედვით.

• უსაფრთხოების სარქვლის შემოწმება

ყველა სტანდარტულ კომპრესორს აქვს ავარიული უსაფრთხოების სარქველი, რომელიც ავტომატურად იხსნება, თუ ავზში წნევამ დასაშვებ ზღვარს გადააჭარბა. პერიოდულად ხელით ჩამოქაჩეთ სარქვლის რგოლი, რათა დარწმუნდეთ, რომ ის გაჭედილი არ არის და გამართულად მუშაობს.

უსაფრთხო გამოყენების ძირითადი ნორმები

არასოდეს მიუშვიროთ მაღალი წნევის ჰაერის ჭავლი ადამიანს ან ცხოველს - მაღალმა წნევამ შეიძლება სერიოზული დაზიანება მიაყენოს კანს, თვალებსა და სმენას.

შეამოწმეთ შლანგები და შეერთებები მუშაობის დაწყებამდე, რათა თავიდან აიცილოთ ჰაერის გაჟონვა ან შლანგის მოწყვეტა მაღალი წნევის დროს.

TOLSEN TOL1793-73125 ჰაერის კომპრესორი 24L

• ბრენდი - TOLSEN
• პროდუქტის ტიპი - ჰაერის კომპრესორი
• სიმძლავრე - 1.5kw
• გარანტია - 1 წელი
• შტრიხ-კოდი - 6933528773542
• წონა (კგ) - 23
• კვების წყარო - 220-240V
• მოცულობა - 24 l
• წნევა - 8 bar
• ბრუნვის სიჩქარე - 0-2850min
• წარმადობა - 188 l/min
• ცხენის ძალა - 2HP

CROWN CT36031 - ჰაერის კომპრესორი 100L

• ბრენდი - CROWN
• პროდუქტის ტიპი - ჰაერის კომპრესორი
• სიმძლავრე - 1.5kw
• გარანტია - 1 წელი
• შტრიხ-კოდი - 7640177424525
• წონა (კგ) - 55
• კვების წყარო - 220-240V
• მოცულობა - 100 l
• წნევა - 8 bar
• ბრუნვის სიჩქარე - 0-980min
• წარმადობა - 120 l/min
• ფაზა - 0
• ცხენის ძალა - 2HP

Schpindel ჰაერის კომპრესორი 200L

• ბრენდი - SCHPINDEL
• პროდუქტის ტიპი - ჰაერის კომპრესორი
• სიმძლავრე - 2.2kw
• გარანტია - 1 წელი
• შტრიხ-კოდი - 4050030383563
• წონა (კგ) - 115
• კვების წყარო - 220-240V
• მოცულობა - 200 l
• წნევა - 8 bar
• ბრუნვის სიჩქარე - 0-1100min
• წარმადობა - 336 l/min
• ფაზა - 0
• ცხენის ძალა - 3HP