ვისაც გასული საუკუნის 90-იანების საქართველო ახსოვს, შუქის ჩაქრობა, შესაძლოა, დიდად არც გაუკვირდეს. იმ დროიდან მოყოლებული, ალბათ, ყველას გვაქვს გამომუშავებული ქვეცნობიერი რეფლექსი: დენი ქრება თუ არა, ხელი ავტომატურად მიდის სანთლისა და ასანთისკენ, გულში კი იღვიძებს იმედი, რომ გრაფიკით მაინც ჩაგვირთავენ (ფუი, ფუი, თვალი არ გვეცეს).

გაკვირვება და ნოსტალგია იქით იყოს, 21-ე საუკუნეში ვართ და დღეს უშუქობა მხოლოდ რომანტიკული ვახშამი სანთლების შუქზე აღარაა. ეს არის გათიშული Wi-Fi მნიშვნელოვანი ონლაინ შეხვედრის დროს, გამორთული მაცივარი, გაჩერებული გათბობის ქვაბი შუა ზამთარში, ჩაშლილი სამუშაო პროცესი და ასე შემდეგ და ასე შემდეგ.

მოკლედ, 90-იანებიდან უკვე გამოვედით და სანთლებსაც მხოლოდ დაბადების დღის ტორტზე ვანთებთ. იმისათვის, რომ დენის მოულოდნელმა გათიშვამ თქვენი გეგმები არ ჩაშალოს, გამოსავალი მარტივია - საკუთარი, პირადი ელექტროსადგური, ანუ - გენერატორი.

ახლა არ იფიქროთ, რომ ამ წამსვე უნდა შეხვიდეთ Holst.ge-ზე და გენერატორები შეარჩიოთ. სულ რამდენიმე წუთი დაგვითმეთ, რათა იმ 5 გამორჩეულად მნიშვნელოვან ფაქტზე მოგითხროთ, რაც გენერატორის შეძენამდე აუცილებლად უნდა იცოდეთ.

1. სიმძლავრის სწორად დათვლა (ვატები და კილოვატები)

ყველაზე დიდი შეცდომა, რასაც გენერატორის ყიდვისას უშვებენ, სიმძლავრის არასწორი გაანგარიშებაა. „ერთი მაცივარი და 3 ნათურა რას უნდა ითხოვდეს“ - ეს ფრაზა ბევრს ძვირად უჯდება.

• სამუშაო სიმძლავრე: ეს არის ენერგიის ის რაოდენობა, რაც მოწყობილობას მუდმივად სჭირდება მუშაობისთვის.
• პიკური/გაშვების სიმძლავრე: ელექტროძრავის მქონე ტექნიკას (მაცივარი, წყლის ტუმბო, კონდიციონერი, გათბობის ქვაბი) ჩართვის მომენტში 2-3-ჯერ მეტი ენერგია სჭირდება, ვიდრე სტანდარტული მუშაობისას.

ოქროს წესი: შეკრიბეთ ყველა იმ მოწყობილობის სიმძლავრე, რომლის ერთდროულად ჩართვაც გსურთ, გაითვალისწინეთ მათი პიკური დატვირთვა და მიღებულ ჯამს დაამატეთ 20-30%-იანი რეზერვი. გენერატორს არ უყვარს ზღვარზე მუშაობა.

2. საწვავის ტიპი: ბენზინი, დიზელი, გაზი

საჭირო სიმძლავრის გარკვევის შემდეგ, უნდა აირჩიოთ, რაზე იმუშავებს თქვენი გენერატორი:

• ბენზინი: საუკეთესო არჩევანია სახლისთვის, აგარაკისთვის, არც თუ დიდი მასშტაბების მაღაზიისთვის. გაცილებით ხელმისაწვდომი ფასი აქვს, ადვილად იქოქება ცივ ამინდში, ნაკლებ ხმაურს გამოსცემს და ასე შემდეგ.
• დიზელი: გამძლე და ეკონომიურია, თუ გენერატორს ყოველდღიურად ან ხანგრძლივად იყენებთ, მაგალითად, მშენებლობაზე ან ობიექტზე. თავად აგრეგატი ძვირია, თუმცა საწვავის ხარჯი - ნაკლები.
• გაზი: თხევად გაზზე მომუშავე მოდელები ძალიან ეკონომიურია, თუმცა მოითხოვს გაზის ბალონის უსაფრთხო მიერთებას.

3. ტიპი: სტანდარტული (ტრადიციული) თუ ინვერტორული?

ეს პუნქტი განსაკუთრებით მნიშვნელოვანია თანამედროვე მგრძნობიარე ტექნიკის მფლობელებისთვის:

• სტანდარტული გენერატორი: იძლევა შედარებით „უხეშ“ დენს. გამოდგება განათებისთვის, სამშენებლო ინსტრუმენტებისა და გამათბობლებისთვის.
• ინვერტორული გენერატორი: გამოსცემს სუფთა დენს. აუცილებელია ლეპტოპების, სმარტ-ტელევიზორების, თანამედროვე მაცივრებისა და გაზის ქვაბების უსაფრთხოებისთვის. გარდა ამისა, არის გაცილებით ჩუმი, კომპაქტური და ეკონომიური.

4. ხმაური და განთავსების ადგილი

გენერატორი არ არის ჩუმი მოწყობილობა. მისი ხმაურის დონე დეციბელებში იზომება.

• სტანდარტული ღია კორპუსის მქონე გენერატორები გამოსცემს 70-80 dB ხმაურს (თითქმის მტვერსასრუტის ან მძიმე ტრაფიკის დონეზე).
• თუ გენერატორი მჭიდროდ დასახლებულ ეზოში ან აივანზე უნდა დადგათ, ეძებეთ მოდელები ხმის დამხშობი კორპუსით ან აირჩიეთ ინვერტორული ტიპი (50-65 dB).

უსაფრთხოება: არასოდეს ამუშაოთ გენერატორი დახურულ ოთახში ან საცხოვრებელ სივრცეში! გამონაბოლქვი შეიცავს მხუთავ აირს, რომელიც სიცოცხლისთვის საშიშია.

5. ჩართვის სისტემა და ავტომატიკა

ბოლო დეტალი კომფორტს ეხება - როგორ უნდა აინთოს სინათლე, როცა დენი ჩაქრება?

• ხელით დაქოქვა: ტროსის ამოქაჩვა. ბიუჯეტურია, თუმცა მოითხოვს ფიზიკურ ძალისხმევას (განსაკუთრებით ზამთარში).
• ელექტრო სტარტერი: იქოქება გასაღების მოტრიალებით ან ღილაკზე თითის დაჭერით (მარტივი და კომფორტულია).
• ავტომატური ჩართვის სისტემა: სისტემა თავად აღიქვამს, რომ შუქი ქრება და გენერატორს ჩარევის გარეშე, რამდენიმე წამში ქოქავს. დენის მოსვლისთანავე კი ავტომატურად ითიშება.

Schpindel SCHI-112319 გენერატორი ბენზინზე 2.5KW X208CC

• ბრენდი - SCHPINDEL
• პროდუქტის ტიპი - გენერატორი
• სიმძლავრე - 2.5kw
• გარანტია - 1 წელი
• შტრიხ-კოდი - 7314518112319
• წონა (კგ) - 37.3
• კვების წყარო - 220-240V
• ავზის მოცულობა - 15L
• საწვავის ტიპი - ბენზინი
• კუბატურა - 208cc
• სტარტერი - მექანიკური
• ზეთი - SAE 10W-30
• დამატებითი ინფორმაცია - ზეთის ავზის მოცულობა: 0.6L

Schpindel SCHI-169016 გენერატორი ბენზინზე 5.5KW X420CC

• ბრენდი - SCHPINDEL
• პროდუქტის ტიპი - გენერატორი
• სიმძლავრე - 5.5kw
• გარანტია - 1 წელი
• შტრიხ-კოდი - 7314518169016
• წონა (კგ) - 75.2
• კვების წყარო - 220-240V
• კომპლექტაცია - სახელური და ბორბლები
• ავზის მოცულობა - 25L
• საწვავის ტიპი - ბენზინი
• კუბატურა - 420cc
• სტარტერი - მექანიკური
• ზეთი - SAE 10W-30
• დამატებითი ინფორმაცია - სამართავი პანელი: უკუქცევის დაწყება/სამი ევროპული სოკეტები/ძაბვის მრიცხველი/T ტიპის DC სოკეტი/მიწის ტერმინალი; ალტერნატორი: 220V/50HZ /T ტიპის DC/AVR ერთფაზიანი, სპილენძის მავთული

Schpindel SCHI-198573 გენერატორი ბენზინზე (E.START) 8.5KW (220-380V) X459CC

• ბრენდი - SCHPINDEL
• პროდუქტის ტიპი - გენერატორი
• სიმძლავრე - 8.5kw
• გარანტია - 1 წელი
• შტრიხ-კოდი - 7314518198573
• წონა (კგ) - 105
• კვების წყარო - 220/380V
• კომპლექტაცია - სახელური და ბორბლები
• ავზის მოცულობა - 25L
• საწვავის ტიპი - ბენზინი
• კუბატურა - 459cc
• სტარტერი - ავტომატური/მექანიკური
• ზეთი - SAE 10W-30
• დამატებითი ინფორმაცია - სამართავი პანელი / 16A და 32A ევროპული როზეტი / ძაბვის მრიცხველი / V ტიპის DC როზეტი და 9V DC / დამიწების ტერმინალი / AVR ერთ და სამ ფაზიანი / სპილენძის მავთული