ინტერიერის დიზაინში ხშირად სულ მცირე დეტალსაც კი ძალიან დიდი მნიშვნელობა აქვს, რათა საერთო სურათი შეიქმნას - მომხიბვლელი და ზუსტად ისეთი, როგორზეც ოცნებობდით, ან უბრალოდ, გსურდათ. თამამად შეიძლება იმის თქმაც, რომ დიდი ხანია, რაც ონკანი გასცდა მხოლოდ ფუნქციურ დანიშნულებას და აბაზანისა თუ სამზარეულოს სტილის ერთ-ერთი მთავარი შემადგენელი ნაწილი გახდა იქცა. მქრქალი შავი, კლასიკური ოქროსფერი თუ მინიმალისტური ქრომი? მოდით, ამ კითხვას თავად გაეცით პასუხი, ქვემოთ კი იმაზეც გავამახვილებთ ყურადღებას, არის თუ არა შესაძლებელი, რომ ხარისხიანი ონკანი წყლის დაზოგვაშიც დაგეხმაროთ და პირად ბიუჯეტსაც ზიანი არ მიაყენოთ.

მოდით, იმით დავიწყოთ, რომ ონკანები სხვადასხვა ხარისხის გვხვდება და ამაში გასაკვირი, პრინციპში, არც არაფერია. დასაფიქრებელი და გასათვალისწინებელი ის მომენტია, რომ როცა ხარისხიანსა და შედარებით ძვირ ონკანს ყიდულობთ, ეს იმას ნიშნავს, რომ მისი შეცვლა ყოველ ორ თვეში ერთხელ არ მოგიწევთ. ამასთან ერთად, ხარისხიანი ონკანიდან წყალი მხოლოდ მაშინ წამოვა, როცა თავად მოისურვებთ და წვეთები ტყუილად არ დაიკარგება. ეს იმას ნიშნავს, რომ არც წყლის მრიცხველი იმუშავებს ტყუილად და რა გამოვიდა? დიახ, ბიუჯეტის დაზოგვა. გარდა ამისა, როცა წყალი ფუჭად არ იკარგება, რა თქმა უნდა, ესეც დაზოგვა-მოფრთხილებას ნიშნავს.

• სამზარეულოს შემრევი

სამზარეულოს შემრევის შერჩევა იმაზე საპასუხისმგებლო საქმეა, ვიდრე ერთი შეხედვით ჩანს. თუ აბაზანაში ონკანს დღეში რამდენჯერმე ვიყენებთ, სამზარეულოში ის მუდმივ რეჟიმში მუშაობს. თანამედროვე მოდელები, როგორიცაა მოქნილი ცხვირის მქონე ან მაღალი, „გედისებრი“ შემრევები, ჭურჭლის რეცხვის პროცესს საგრძნობლად ამარტივებს.

არჩევანისას ყურადღება მიაქციეთ კორპუსის მასალას - უჟანგავი ფოლადი ან ლატუნი გამძლეობის გარანტიაა. ასევე, მნიშვნელოვანია კარტრიჯის ხარისხი, რათა თავიდან აიცილოთ წყლის წვეთა. არ დაივიწყოთ დიზაინიც: მქრქალი ზედაპირი ნაკლებად იტოვებს ნათითურებს, ხოლო ქრომირებული კლასიკა ნებისმიერ ინტერიერს უხდება. სწორად შერჩეული შემრევი სამზარეულოში მუშაობის რუტინას სიამოვნებად აქცევს.

• ხელსაბანის შემრევი

თუ სამზარეულოში ერთ-ერთი მთავარი პირობა გამძლეობაა, ხელსაბანის შემრევისას გადამწყვეტი მისი ერგონომიკა და ესთეტიკაა. სწორად შერჩეული მოდელი არა მხოლოდ ასრულებს თავის საქმეს, არამედ აბაზანის საერთო განწყობასაც ქმნის. დღეს საკმაოდ პოპულარულია კედელში ჩაშენებული მოდელები, რაც სივრცეს ზოგავს და გარემოს მინიმალისტურ იერს აძლევს. თუმცა კლასიკური, ერთ სახელურიანი ვარიანტები კვლავ ყველაზე პრაქტიკული არჩევანია ტემპერატურის სწრაფი რეგულირებისთვის.

არჩევისას აუცილებლად დააკვირდით ჭავლის დახრის კუთხეს, რათა წყალი ხელსაბანის ნაპირებს არ სცდებოდეს. ხარისხიანი აერატორი კი დაგეხმარებათ წყლის ეკონომიაში ისე, რომ წნევის შემცირებას ვერც კი იგრძნობთ. გახსოვდეთ, ხელსაბანის შემრევი ის დეტალია, რომლითაც ყოველი დილა იწყება, ამიტომ მისი ხარისხი თქვენს ყოველდღიურ განწყობაზე აუცილებლად აისახება.

• აბაზანის შემრევი

აბაზანის შემრევი უნდა იყოს რბილი, საიმედო და წნევის ცვალებადობისას არ ფუჭდებოდეს. თანამედროვე ბაზარზე პოპულარობას იხვეჭს თერმოსტატული შემრევები, რომლებიც წყლის ტემპერატურას ავტომატურად აკონტროლებენ და გიცავენ მოულოდნელი „ცივი შხაპისგან“ ან ზედმეტად ცხელი წყლისგან.

შერჩევისას ყურადღება მიაქციეთ შხაპის შლანგის ხარისხსა და სამაგრების სიმყარეს. თუ სივრცე გაძლევთ საშუალებას, ჩაშენებული სისტემები ვიზუალურად ათავისუფლებს აბაზანას, თუმცა კლასიკური, კედელზე დასამონტაჟებელი მოდელები ბევრად უფრო მარტივია მოსავლელადაც და შესაკეთებლადაც. ხარისხიანი კერამიკული კარტრიჯი კი უზრუნველყოფს, რომ თქვენმა შემრევმა წლების განმავლობაში უხმაუროდ და შეფერხების გარეშე იმუშაოს.

იმისთვის, რომ თქვენმა შენაძენმა პირვანდელი სახე დიდხანს შეინარჩუნოს, ეს სამი მარტივი წესი დაიცავით:

• - მოერიდეთ უხეშ ღრუბლებს: გამოიყენეთ მხოლოდ რბილი ქსოვილი, რათა ზედაპირი არ დაიხაზოს.
• - ძლიერი საწმენდი საშუალებები აზიანებს ქრომირებულ ფენას, ხშირად საკმარისია ჩვეულებრივი საპნიანი წყალიც.
• - გაამშრალეთ ზედაპირი: ყოველი გამოყენების შემდეგ ონკანის გადაწმენდა თავიდან აგაცილებთ წყლის ლაქებსა და კირის ნადებს.

Kettler Premium-32238 სამზარეულოს შემრევი (premium) chrome

• ბრენდი - KETTLER
• პროდუქტის ტიპი - სამზარეულოს შემრევი
• შტრიხ-კოდი - 8313805432238
• წონა (კგ) - 1.52
• კარტრიჯი - 35mm კერამიკული კარტრიჯი
• კორპუსი - ლატუნი
• კომპლექტაცია - 1/2*45cm მოქნილი მილი
• გარანტია კორპუსზე - 1 წელი

Kettler Premium-23186 ხელსაბანის შემრევი (premium) chrome

• ბრენდი - KETTLER
• პროდუქტის ტიპი - ხელსაბანის შემრევი
• შტრიხ-კოდი - 8313801423186
• წონა (კგ) - 1.45
• კარტრიჯი - 26mm კერამიკული კარტრიჯი
• კორპუსი - ლატუნი
• კომპლექტაცია - 1/2*45cm მოქნილი მილი
• გარანტია კორპუსზე - 1 წელი

Kettler Premium-23148 აბაზანის შემრევი (premium) chrome

• ბრენდი - KETTLER
• პროდუქტის ტიპი - აბაზანის შემრევი
• შტრიხ-კოდი - 8313801423148
• წონა (კგ) - 1.58
• კარტრიჯი - 30mm კერამიკული კარტრიჯი
• კორპუსი - ლატუნი
• კომპლექტაცია - კედლის სამაგრი
• გარანტია კორპუსზე - 1 წელი