კარის ზარის მთავარი დანიშნულება მარტივია - გვამცნოს, რომ ვიღაც გვეწვია. თუმცა, ამ ერთი შეხედვით მარტივი საქმის შესრულება სხვადასხვა მოწყობილობას სხვადასხვანაირად შეუძლია. ზოგი ტრადიციულად, ელექტროსადენების დახმარებით მუშაობს, ზოგს სადენები საერთოდ არ სჭირდება, თანამედროვე მოდელების ნაწილი კი იმის შესაძლებლობასაც გვაძლევს, რომ კართან მოსულ ადამიანს მაშინაც ვესაუბროთ, როცა სახლში არ ვიმყოფებით.

სწორედ ამიტომ, სანამ კარის ზარის შესაძენად გავემართებით, სასურველია, გავარკვიოთ, რა ტიპის მოწყობილობები არსებობს და რომელი მათგანი შეესაბამება ჩვენს საჭიროებებს.

• სადენიანი კარის ზარი - სადენიანი კარის ზარი ტრადიციული და საკმაოდ გავრცელებული ვარიანტია. მისი მუშაობის პრინციპი მარტივია: კართან დამონტაჟებული ღილაკი სადენით უკავშირდება სახლში განთავსებულ ხმოვან მოწყობილობას. ღილაკზე დაჭერისას ელექტრული წრედი იკვრება და ისმის ზარის ხმა.

ამ ტიპის ზარის ერთ-ერთი მთავარი უპირატესობა სტაბილური მუშაობაა. ვინაიდან სიგნალი სადენით გადაიცემა, მის მუშაობაზე გავლენას არ ახდენს უსადენო კავშირის მანძილი ან რადიოსიგნალის შეფერხება. გარდა ამისა, ელექტროქსელზე მომუშავე მოდელებს ელემენტების პერიოდული გამოცვლაც არ სჭირდება.

თუმცა, სადენიანი კარის ზარის დამონტაჟება შედარებით მეტ შრომას მოითხოვს. საჭიროა სადენების გაყვანა და შესაბამისი ელექტრული შეერთებების მოწყობა. თუ სახლში რემონტი უკვე დასრულებულია, დამატებითი სადენების გაყვანა შესაძლოა, ძალიან მოუხერხებელი აღმოჩნდეს.

სამაგიეროდ, თუ სახლის მშენებლობას ან რემონტს ახლა გეგმავთ, სადენიანი ზარისთვის საჭირო გაყვანილობის წინასწარ გათვალისწინება კარგი გადაწყვეტილებაა.

• უსადენო კარის ზარი - თუ სადენების გაყვანა, კედლების გახვრეტა და დამატებითი სამონტაჟო სამუშაოები თქვენს გეგმებში არ შედის, უსადენო კარის ზარი საუკეთესო გამოსავალია.

ასეთი მოწყობილობა, როგორც წესი, ორი ძირითადი ნაწილისგან შედგება: კართან დასამონტაჟებელი ღილაკისა და სახლში განთავსებული მიმღებისგან, რომელიც ზარის ხმას გამოსცემს. ღილაკზე დაჭერისას სიგნალი რადიოკავშირის საშუალებით გადაეცემა მიმღებს და გვამცნობს სტუმრის მოსვლას.

უსადენო მოდელების მთავარი უპირატესობა მარტივი მონტაჟია. ხშირ შემთხვევაში, მათი დამონტაჟება სპეციალური ხელსაწყოებისა და რთული სამუშაოების გარეშეც შესაძლებელია. ზოგიერთ მოდელს კედელზე ხრახნებით ამაგრებენ, ზოგს კი სპეციალური წებოვანი სამაგრიც აქვს.

განსხვავებულია კვების წყაროც - ხშირად ელემენტით მუშაობს, ხოლო მიმღები შეიძლება ელექტროქსელში ერთდებოდეს ან თავადაც ელემენტებით იკვებებოდეს.

უსადენო ზარის შერჩევისას განსაკუთრებით მნიშვნელოვანია სიგნალის მოქმედების მანძილი. მწარმოებლები ხშირად უთითებენ მაქსიმალურ მანძილს, თუმცა გასათვალისწინებელია, რომ ეს მონაცემი, ჩვეულებრივ, ღია სივრცეში იზომება. კედლებმა, მეტალის კარებმა და სხვა დაბრკოლებებმა შესაძლოა, სიგნალის გავრცელება შეასუსტოს.

ამიტომ, თუ კერძო სახლი გაქვთ და ჭიშკრიდან საცხოვრებლამდე საკმაოდ დიდი მანძილია, აუცილებლად უნდა შეარჩიოთ შესაბამისი მოქმედების დიაპაზონის მქონე მოდელი.

• ელექტრონული კარის ზარი - ელექტრონული კარის ზარები ხმოვანი სიგნალების მრავალფეროვნებით გამოირჩევა. თუ ტრადიციული ზარის ხმა არ მოგწონთ, შეგიძლიათ, ისეთი მოდელი შეარჩიოთ, რომელიც სხვადასხვა მელოდიას, ტონს ან ხმოვან შეტყობინებას გთავაზობთ.

ბევრ ელექტრონულ მოდელს ხმის სიმაღლის რეგულირების ფუნქციაც აქვს. ეს განსაკუთრებით მოსახერხებელია მაშინ, როცა დღის განმავლობაში ძლიერი ხმა გჭირდებათ, საღამოს კი შედარებით მშვიდი გარემო გირჩევნიათ.

ზოგიერთ მოდელს დამატებით სინათლის ინდიკატორიც აქვს, რომელიც ზარის დარეკვისას ციმციმებს. ეს ფუნქცია გამოსადეგია ხმაურიან გარემოში და განსაკუთრებით სასარგებლოა სმენის დაქვეითების მქონე ადამიანებისთვის.

აღსანიშნავია, რომ ელექტრონული ზარი შეიძლება იყოს როგორც სადენიანი, ისე უსადენო. შესაბამისად, ეს კატეგორიები ერთმანეთს არ გამორიცხავს.

• ჭკვიანი კარის ზარი - ტექნოლოგიურმა განვითარებამ კარის ზარსაც დამატებითი შესაძლებლობები შესძინა. თანამედროვე ჭკვიანი მოდელები მხოლოდ სტუმრის მოსვლას კი არ გვამცნობს, არამედ საშუალებას გვაძლევს, გავიგოთ, ვინ დგას კართან.

ასეთი მოწყობილობები ხშირად აღჭურვილია ვიდეოკამერით, მიკროფონითა და დინამიკით. ინტერნეტთან დაკავშირების შემთხვევაში, შესაბამისი აპლიკაციის საშუალებით შესაძლებელია კართან არსებული ვითარების დანახვა და სტუმართან საუბარიც კი, მიუხედავად იმისა, სახლში ვიმყოფებით თუ სხვაგან.

ჭკვიანი კარის ზარები განსაკუთრებით მოსახერხებელია მათთვის, ვისაც სახლში ხშირად არ უწევს ყოფნა, სურს შესასვლელის დამატებითი კონტროლი ან უბრალოდ აინტერესებს, ვინ რეკავს კარზე მაშინ, როცა თავად სამსახურშია.

LN‐3308W უკაბელო კარის ზარის ნაკრები თეთრი

• ბრენდი - LINUS
• სიხშირე - ზარის ღილაკი: 433.92MHz±250KHz; დინამიკი: 433.92MHz±250KHz
• ელემენტი - ზარის ღილაკი - DC3.0V (CR2032*1); დინამიკი - DC4.5V (1.5V/AA/LR6*3)
• IP დაცვა - IPX5
• სამუშაო ტემპერატურა - ზარის ღილაკი: -15°C~50°C; დონამიკი: -10°C~50°
• გარანტია - 1 წელი
• შტრიხ-კოდი - 2705200003308
• წონა (კგ) - 0.163
• გამოყენება - ზარის ღილაკი: შიდა ან გარე გამოყენების; დინამიკი: შიდა გამოყენების
• დენი ლოდინის რეჟიმში - ზარის ღილაკი - ≤2uA; დინამიკი - მაქს: ≤4mA, საშუალო: ≤0.2mA
• დენი მუშაობის რეჟიმში - ზარის ღილაკი - ≤25mA; დინამიკი - მაქს: <150mA, საშუალო: <100mA
• გადაცემის დრო - 2.2 წმ/გადაცემა
• გადამცემის სიმძლავრე - +10dBm
• ხმა - დაბალი: 68 - 74dB; საშუალო: 74 - 80dB; მაღალი: 80 - 86dB; მაქს.: 86 - 92dB
• დემოდულაცია - OOK
• მანძილი - 150~300m (ღია სივრცე)
• პროდუქტის ტიპი - კარის ზარი

LN‐2148B უკაბელო კარის ზარის ნაკრები შავი

• ბრენდი - LINUS
• სიხშირე - ზარის ღილაკი: 433.92MHz±250KHz; დინამიკი: 433.92MHz±250KHz
• ელემენტი - ზარის ღილაკი - DC3.0V (CR2032*1); დინამიკი - DC4.5V (1.5V/AA/LR6*3)
• IP დაცვა - IPX5
• სამუშაო ტემპერატურა - ზარის ღილაკი: -15°C~50°C; დონამიკი: -10°C~50°
• გარანტია - 1 წელი
• შტრიხ-კოდი  - 2705200032148
• წონა (კგ) - 0.163
• გამოყენება - ზარის ღილაკი: შიდა ან გარე გამოყენების; დინამიკი: შიდა გამოყენების
• დენი ლოდინის რეჟიმში - ზარის ღილაკი - ≤2uA; დინამიკი - მაქს: ≤4mA, საშუალო: ≤0.2mA
• დენი მუშაობის რეჟიმში - ზარის ღილაკი - ≤25mA; დინამიკი - მაქს: <150mA, საშუალო: <100mA
• გადაცემის დრო - 2.2 წმ/გადაცემა
• გადამცემის სიმძლავრე - +10dBm
• ხმა - დაბალი: 68 - 74dB; საშუალო: 74 - 80dB; მაღალი: 80 - 86dB; მაქს.: 86 - 92dB
• დემოდულაცია - OOK
• მანძილი - 150~300m (ღია სივრცე)
• პროდუქტის ტიპი - კარის ზარი