ცირკული ხერხი - ინსტრუმენტი, რომელმაც დიდი ხანია, ავეჯისა და სადურგლო საქმის სპეციალისტები მოხიბლა

რაც ბრწყინავს, ყველაფერი ოქრო როდია და რაც ჭრის, ყველაფერი სულაც არ არის ხერხი, მაგრამ როცა ცირკულ ხერხს ეხება საქმე, ნამდვილად ისე ჭრის, როგორც საჭიროა და შესაბამისად, სადაც ნებისმიერი მჭრელი ინსტრუმენტი რამეს დაიკვეხნის, იქაც ცირკული ხერხი უნდა ახსენოს!..

მოდით, შევთანხმდეთ, რომ ავტომობილის საბარგულში ბარომეტრი აუცილებლად ყველა მძღოლს უნდა ჰქონდეს

ავტომობილი და თოფი არ უნდა ათხოვო არავისო, ხომ გაგიგიათ ეს ძალიან ღრმა შინაარსის მქონე მოსაზრება? თოფი და ყუმბარა იქით იყოს, არ არის ამ შემთხვევაში ჩვენი ინტერესის საგანი, მაგრამ ავტომობილს რაც შეეხება, აქ კი ნამდვილად ბევრი გვაქვს სათქმელი და სალაპარაკო.

როგორ შევარჩიოთ მაგიდინის სანათი მოსწავლისთვის და არა მხოლოდ მათთვის?

ვაჟაო, კაცო, ბუხრის შუქზე წერდა თავის შედევრებს და შენ რატომ არ გინდა სწავლა-განათლებაო, მოსწავლეებს ამუნათებენ ხოლმე მშობლები, მით უმეტეს, ყველაფერი გაქვს, ყველანაირად გიწყობთ ხელსო...

ელექტროენერგიის „უახლოესი ნათესავი“ - გენერატორი - რა უნდა ვიცოდეთ მის შესახებ?

„ვიკიპედიამ“ დაიტრაბახა, „მე ყველაფერი ვიციო“. „გუგლმა“: „მე ყველაფერს მოვიძიებო“. „ფეისბუკიც“ გამოხტა: „მე ყველას ვიცნობო“. აქ ინტერნეტმა აზიდა წარბი: „ჩემ გარეშე არაფერს წარმოადგენთო“. ბოლო ელექტროენერგიამ ჩაიფხუკუნა მრავალმნიშვნელოვნად: „ხმა გაკმინდეთ, თქვე მატრაკვეცებოვო“. ჰოდა, გენერატორიც გაერია მარაქაში: „ჯიგარ ხარ, ელეო“, ფამილარულად მიმართა ელექტროენერგიას...

როგორ უნდა შეარჩიოთ ფანარი - მარტივი კითხვის მარტივი პასუხები

რაც არ უნდა დაუჯერებლად ჟღერდეს, ფანარი ზეცისკენ რომ მიმართოთ, მისი სინათლე სამყაროში სამუდამოდ დარჩება... ერთი ეგ არის, ვინ დაინახავს ჩვენი ფანრის სინათლეს რამდენიმე საუკუნის შემდეგ, ამ ურთულეს კითხვაზე პასუხს ვერაფრით გაგცემთ. სამაგიეროდ, მარტივ კითხვაზე - როგორ უნდა შეარჩიოთ ფანარი, მარტივი პასუხებით მოგამარაგებთ.

იცით, როგორ შეარჩიოთ საუკეთესო ხელსაწყოების ნაკრები, როცა შეარჩევთ, რაში გამოიყენოთ, როცა გამოიყენებთ, როგორ მოუაროთ?

ხან არჩევანისა და არადანის განსაზღვრაზე წაკინკლავება, ხან უცნაური გათვლები, „ჟილკობა“, „გამარჯვებულო გამოდის“ მთელი ხმით ძახილი... საოცარია ბავშვობა, ძალიან საოცარი!.. გაგახსენოთ უცნაური გათვლები? „ათაქ თუთაქ თუთაქო, ჩონჩორიკის მუთაქო, აქო, მაქო, დიდი ცხვირი გაქო!“ ერთიც და თან ძალიან მაგარი... ესეც გაიხსენეთ და დატკბით: „აინები, ბაინები, ჭიქები და საინები, ნემსები, მახათები, პაპიროსის ქაღალდები, ნარმა, მიტკალი, რა გინდა, მითხარი...“

გშია? იცეკვე! ცივ წყალში იყინები? გამაცხელებელი იყიდე!..

ადამიანი როდის იზრდება, გითხრათ? როდის და ზუსტად მაშინ, ყინვაში გარეთ ქუდის გარეშე რომ გავა და თავს მაგარ ტიპად კი არა, სულელად მიიჩნევს!.. ჰო, რა, როცა შესაძლებელია, კომფორტულად ვიგრძნოთ თავი, რატომ უნდა გავართულოთ სიტუაცია? უქუდოდ გცივა? დაიფარე და გათბი! ცივ წყალში რეცხვა თითებს გიყინავს, ბანაობა კი - ფილტვების ანთების რისკს ზრდის? დააყენე გაზის წყლის გამათბობელი და მთლად სოფელი აშენდება თუ არა, ცოტა რთული სათქმელია, მაგრამ თავს რომ გაცილებით კომფორტულად იგრძნობ, ფაქტია!..

კიბეები, რომლებიც უპირობოდ დაგეხმარებათ

კიბე საჭირო ხელსაწყოა. ქალაქგარეთ თუ ცხოვრობთ ორმაგად. ეზოში ბევრი საქმეა, აქეთ ყურძენია დასაკრეფი, იქეთ ხეზე შეყვითლებული ვაშლია მისახედი. სხვენში მოსავალია დასაბინავებელი და თუ ის სახლის თავზეა, რა თქმა უნდა, კიბე მაშველი რგოლია. ეზოს რომ თავი დავანებოთ, ოთახშიც არანაკლებ საჭიროა. იქნებ ჭაღი გაქვთ გამოსაცვლელი, ან ფარდები გადასახალისებელი, ან სულაც ჭერის მოხატვა გადაწყვიტეთ და გსურთ რომ ახედვისას, თავი სიზმარში გეგონოთ. მოკლედ, ბევრი საქმეა და ერთი დამხარე ინსტრუმენტი. ოღონდ საიმედო საყრდენი გჭირდებათ და არა ისეთი, როგორიც სკამების ერთმანეთზე დალაგება და მათზე ასვლის მცდელობაა. კიბის არ ქონის შემთხვევაში, ეს მზაკვრული იდეა თუ არ გვიცდია, გაგვიფიქრებია მაინც, მაგრამ დავივიწყოთ. უკეთეს მეთოდს შემოგთავაზებთ.

ლაზერული თარაზო - გაზომე სწორად და მარტივად

როცა საქმე სიზუსტეს ეხება, თვალი ხშირად იტყუება. მაგალითად, ფილის ტოლ ნაწილად გაჭრა რომ გსურთ და საქმეს შეუიარაღებელი ხელებით ასრულებთ, უზუსტობას იღებთ. ერთი არასწორი მოქმედება და სიმეტრიულობა ირღვევა. ერთი შეხედვით არაფერი, მაგრამ სინამდვილეში მძიმე შემთხვევაა. განსაკუთრებით საყურადღებო კედლების სისწორე და სივრცეების ერთმანეთთან თანხვედრაა. მაგალითად, ფანჯრის ადგილი ზუსტად უნდა ამოიჭრას და ზომები გათვალისწინებული იყოს.

შეგიმსუბუქებთ თუ არა საქმეს წყლის ტუმბო?

სახელწოდება გარკვეულ ინფორმაციას გვაძლევს, თუმცა ეს საკმარისი არ არის. ამჟამად ვიცით, რომ ინსტრუმენტი წყლის ამოსატუმბად გამოიყენება, მაგრამ კიდევ რამე საიდუმლო ხომ არ აქვს ? სწორედ ის დროა, ყველაფერს ფარდა რომ უნდა ავხადოთ. წინ საინტერესო ამბებია, ამიტომ ყურადღება მოიკრიბეთ და დავიწყოთ.

რატომ უნდა გქონდეს სახლში დამაგრძელებელი ?

წარმოიდგინეთ, მთელი დღე რომ ოცნებობდით, ის დრო დადგა. ლეპტოპთან ერთად, თქვენი საყვარელი ადგილისკენ მიდიხართ. ფილმს უნდა უყუროთ და იტიროთ ან იცინოთ. გააჩნია როგორი დღე გქონდათ. ისე ჩვენ მეორეს გირჩევთ. ეს- ესაა სკამში ეშვებით, მთელი დღის დაღლას ივიწყებთ, წარმოიდგენთ თუ როგორი საამო საათები გელით და გეღიმებათ. პარალელურად, ლეპტოპს რთავთ, მაგრამ შავი ეკრანი და საკუთარი ანარეკლი, ალმაცერად მოგჩერებიათ. და აი, რაშია საქმე! მოსასულიერებელი გყავთ ჯერ ლეპტოპი და მერე საკუთარი თავი. მეორე სევდიანი ამბავი ის იქნება, თუ სახლში დამაგრძელებელს ვერ იპოვით. გამოდის რომ მთელი დღის საოცნობო ადგილი უნდა დავიწყოთ და იქ გადაჯდეთ, სადაც დენის წყაროა. ამის გაანალიზების შემდეგ კი ნამდვილად სასოწარკვეთილი ხართ. მოკლედ, ხომ გახსოვთ სიცილი რომ გირჩიეთ ? ჰოდა, დამაგრძელებლებსაც გირჩევთ და შეიძინეთ, თუ არ გინდათ იგივე გადაგხდეთ. ალბათ, წასაკითხადაც საკმარისი კოშმარი იყო.

სად და როგორ გამოიყენებთ ჰაერის კომპრესორს

ჰაერის კომპრესორის აუცილებლობაზე ბევრს ვისაუბრებთ და ამავდროულად გეტყვით, ისეთი ხელსაწყო არ არის, ყველას რომ სახლში უნდა ჰქონდეს. ინსტრუმენტის გამოყენების არეალი განსაზღვრულია. ორიოდე სიტყვით ამ საკითხსაც შევეხებით. მანამდე იმას გეტყვით, რომ ხელსაწყო თქვენს გულს მალე მოიგებს. იმდენად მარჯვეა, რომ სხვაგვარად შეუძლებელია.