სარწყავი შლანგების მიმოხილვა

ამბობენ, ერთი სარწყავი შლანგი ყველასთვის საჭიროაო. ვეთანხმებით და გვჯერა რომ თქვენც მარტივად დაუმეგობრდებით. ინსტრუმენტი ყვავილების მორწყვაში დაგეხმარებათ. წყალს მიწის თითოეულ მონაკვეთს მიაწვდის და თაკარა მზისგან დაღლილ მცენარეებს, შვებით ამოასუნთქებს. საგმირო საქმეები ამით არ სრულდება. ავტომობილის გასუფთავებაშიც მის წილს შეიტანს. მტვერს სწრაფად ააცლის. ბავშვებიც კი ვერ მოასწრებენ, ამ ნაცნობი სიტყვის დაწერას: „გამრეცხე.’’ როგორც ვხედავთ, მართლა საჭირო ყოფილა და თანდათან უფრო დარწმუნდებით. მაშ ასე, დავიწყოთ.

აუცილებელი ნივთი თქვენი მანქანისთვის

ბევრი კარგი ხელსაწყო არსებობს, მაგრამ მანქანის მტვერსასრუტი ცალკე განზომილებაა. კომპლიმენტებს გულუხვად იმსახურებს და ჩვენც არ დავიშურებთ. სახელწოდებითაც ნათელია, რომ ხელსაწყო ავტომობილითვისაა განკუთვნილი. ცხადია, თუ სხვა დანიშნულებასაც უპოვით და სახლისთვისაც გამოიყენებთ, დანაშაული არ იქნება. სინამდვილეში კი მანქანის მტვერსასრუტია და ბინას სწორედ ამ სივრცეში იდებს. დადებით თვისებებზე კი დეტალურად გიამბობთ.

გამარტივებული საქმე ხელსაწყოების ნაკრებთან ერთად

ინსტრუმენტების ნაკრებზე სულ კარგი ამბებია გასახსენებელი. ყველაზე მნიშვნელოვანი კი ის არის, თუ როგორ მარტივად მუშაობს თითოეული ხელსაწყო. მართალია თქვენი დახმარების გარეშე არაფერი გამოვა, მაგრამ მხოლოდ მცირედით დაიტვირთებით. ამასთანავე, ხელსაწყოები საქმეს შეგიმსუბუქებთ და ჰარმონიულად იმუშავებთ. თავად ნაკრები კი ერთი ჯადოსნური ყუთია და უამრავ სასარგებლო ინსტრუმენტს აერთიანებს. არავინ იცის როდის დაგჭირდებათ, ამიტომ თადარიგის დაჭერა სჯობს. თუ ხელსაწყოების ნაკრები არ გაქვთ, დროა ინტრუმენტების თაროს შემატოთ და თუ გაქვთ, თვალი სხვა მოდელებს გადაავლეთ.

იცით, როგორ შეარჩიოთ საიმედო ონკანი?

რამდენი მამაკაცის და პრინციპში, არა მხოლოდ მამაკაცის ოცნება იქნება, ყველა ონკანიდან ლუდი მოდიოდეს... გაუფილტრავი... ნუ, ნებისმიერი... ვინ იცის, იქნებ ოდესმე ეს ოცნებაც აგვიხდეს, თუმცა სანამ აქამდე მივა საქმე, სახლებში წყლის ნორმალური მიწოდება-მოხმარება უნდა უზრუნველვყოთ, რისთვისაც ქვემოთ რამდენიმე საინტერესო და საჭირო რჩევას მოგართმევთ.

სარემონტო სამუშაოების დროს დრელმა ყველა გააოცა...

უცნაური და მყვირალა სათაურების მოგონება რომ იციან ხოლმე ზოგიერთი გამოცემის ჟურნალისტებმა, ჩვენ თუ დრელს გამოვიყენებთ „სკანდალის“ მთავარ მოქმედ პირად, რა დაშავდება? არც არაფერი! ჰოდა, ავდგეთ და ვცადოთ: „კანარის კუნძულებზე ელექტრო დრელი რჩეულთან ერთად ისვენებს“ - უცნაურია, გეთანხმებით!..

ლაპარაკი იცოდეს, ლაზერული თარაზო ხელფასს მოგთხოვდათ, მტრისას!..

ერთი არც ისე სასიამოვნო წყევლა იციან ხოლმე ზოგიერთმა ენამწარეებმა - თუ გინდა, მტერი საშვილიშვილოდ გულზე გახეთქო, ასეთი ქოქოლა უნდა მიაყარო: „სულ რემონტი გქონდეს და ხელფასზე გეცხოვროსო“...

მაგიდის სანათი - ის, რაც ყველას უნდა ჰქონდეს

როგორც იქნა, კომფორტული ადგილი იპოვეთ და წიგნი პირველ გვერდზე გადაშალეთ. დიდი ასოებით დაწერილი ტექსტი კარგად იკითხება, მაგრამ შემდეგ ფურცელზე ვითარება იცვლება. თვალები ფართოვდება და ნერვული სისტემა ღიზიანდება. რაღაც რიგზე ვერ არის. ყველაზე მტანჯველი მომენტი კი ახლაა, როცა ადგილი უნდა შეიცვალოთ. დიახ, ამ უსიამოვნების მიზეზი არასაკმარისი განათებაა. ამ პრობლემის გადასაჭრელად მაგიდის სანათი დაგჭირდებათ. ამის შემდეგ კი ხელს მართლა ვერაფერი შეგიშლით. რაც მთავარია, განათება მოვა თქვენთან და არა პირიქით.

აუცილებლად წასაკითხი ინფორმაცია გენერატორების შესახებ

გენერატორი სხვა განზომილებაა. ამდენი თანადგომა არცერთ ხელსაწყოს შეუძლია. აი, ეს კონკრეტული კი ყველასგან გამორჩეულია. რთულ სიტუაციებში გამოსავალს პოულობს და ღამეს დღედ აქცევს. ულევი ენერგიის წყაროა და დასახმარებლად მუდამ მზადაა.

წყლის ტუმბო - საჭირო ინსტრუმენტი

თანამედროვე ხელსაწყოები ცხოვრებას გვიმარტივებს. ასეთი ინსტრუმენტები სწრაფად მუშაობს, მაღალი რესურსები აქვს, დიდ პოტენციალს ფლობს და მუდამ ეფექტურია. ყოველ შემთხვევაში, წყლის ტუმბო ნამდვილად ასეთია. დამღლელ საქმეს ჩამოგაშორებთ და თავად შეასრულებს. მეთვალყურეობაც არ სჭირდება, დამოუკიდებლად იდეალურად მუშაობს. მხოლოდ ღილაკზე ხელის დაჭერას მოითხოვს და დანარჩენს მარტო უმკლავდება. წყლის პომპა დიდია, მაგრამ დისკომფორტს არ ქმნის. ინსტრუმენტი ერთ ადგილას მონტაჟდება და გადაადგილება არ გიწევთ, ამიტომ ყველაფრის მიუხედავად, მაინც კომპაქტურია.

იყო სიბნელე და უკუნი, მოვიდა ნათელი და გაიხსნა ცა - აი, ასეთ საოცრებებს ახდენს გარე განათება!

აბა, რამ შეიძლება, სინათლეს აჯობოს? აჰ, უფრო დიდმა სინათლემ? ვერაფერს იტყვი, შესანიშნავი პასუხია! საერთოდ, დღე-ღამის ბნელ დროს ნორმალური ხილვადობით უზრუნველყოფა - ადამიანის უსაფრთხოდ გადაადგილებისა და კომფორტის პირობაა, რაშიც, დაგვეთანხმებით, ბუნებრივია.

ბენზო ხერხი - მუსიკალურ ინსტრუმენტებზე უფრო საჭირო?

ზოგიერთ მუსიკოსს ხელში საკრავი კი არა, ბენზო ხერხი უნდა დააჭერინო - ხმა ისედაც ერთნაირი ექნება და ამ უკანასკნელით საქმეს მაინც გააკეთებს... ისე, უცნაური კია, მაგრამ რაც კი რამ სახიფათოა, ადამიანს აღაგზნებს, აანთებს, ადრენალინს ჭარბად გამოუმუშავებს და ალბათ, ეს თუა მიზეზი, რომ არაერთი ქვეყნის ცირკში ჟონგლიორები ბურთების ნაცვლად, ჰაერში ხერხებს ისვრიან და საბედნიეროდ და ბევრის გასაკვირად, დაჭერასაც ახერხებენ... მათთვისაც, როგორც გამნაღმველებისთვის, ნებისმიერი შეცდომა უკანასკნელი იქნება... თვალი არ ეცეთ!..

ჩემი დრელები შენსას ჯობია, არა, შენი სჯობს ჩემს...

ამ სოციალურ ქსელებში იმდენ უცნაურობას გადააწყდება კაცი... აგერ, იმ დღეს იყო, ვიღაც დრელით, შენ ხარ ჩემი ბატონი... ყავას ამზადებდა. აი, იმ ყავას, ბოლომდე რომ ისმება და ჭიქაში არაფერი რჩება - საფუძვლიანად ააქაფა, ყინულები და კიდევ რაღაცები დაამატა და ალბათ, გემრიელი რამეც გამოუვიდა. კიდევ ვიღაც ადგა და დრელი ახლა ერბოკვერცხის მოსამზადებლად გამოიყენა...